الموضوع: ذراع اشارات ابيزا 2006

السلام عليكم, متأسف انى لسه ماعملتش تقرير عن العربية, بس أنا مستنى شوية, اكون فولتها مثلا ومشيت بيها على كذا طريق وعملت صيانة, كل مشاويرى حاليا من البيت للشغل والعكس فقط

المهم, الفتيس كان بيعلق معايا لو ركنت العربية على p, باجى ادورها وادوس فرامل, مش بيرضى ينقل, لازم افصل البطارية وانقل على n, وبعدين اوصلها وادور العربية, حصلت مرتين, فقررت انى اركنها على n, وبطلت تعمل كده, بس برضه لو وقفت فى اشاره مثلا ونقلت على n وبعدين اجى انقل تانى, الاقى الغيار مكلبش, وادوس فرامل مرة واتنين عشان تنقل
المهم, الحوار خوفنى جامد, كنت فاكره فتيس, بس الكهربائى قالى انها ممكن تعمل كده عشان حساس تحت الفرامل (ماكينة ستوب) او لمبة فى الفرامل, ممكن ماتقفلش الدايره لو محروقة

وبالفعل روحتله وجابلى ماكينة توبرات ب 200 جندى (غالية شوية - بس عشان ماكسرش الفتيس والمواقف البايخة بتاعت الاوتوماتيك لو وقفت بيك فى اشاره او نص شارع زحمة) ولقينا فعلا لمبة الفرامل اليمين ورا ومحروقة وغيرهالى بواحدة اصلية, والحمد لله فعلا ركنت عادى على p ونقلت كذا مرة فى الطريق والدنيا كويسة.

المشكلة اللى اكتشفناها بقى, ذراع الاشارات هو اللى مش بيقلب نور ولا بيجيب العالى, بص على الفيوزات لقيناها سليمة, بس الذراع هو اللى مش بيقلب, واكتشفت انه بيطلع ريحة شياط لما بشغل الاشارات
ان شاء الله هاروح اسئل عليه فى الشهابى (شارع دمشق), بس يا ريت لو حد يعرف خريطة الفيوزات للعربية دى فين, بدل ما أجيب واحد جديد ويتحرق تانى, عايز اتأكد ان كل الفيوزات سليمة وفى مكانها

وهيعمل فى حدود كام لو جبته جديد ؟؟

اسف على الاطاله