بعد التحيه و السلام ...

بعد شهرين بحث و حيره ... الحمدلله استلمت فلوانس 2014 الفئه e3 انهارده :) :)

كنت محتار كالوان بين الموكا و الفضى .. و فى الاخر اخترت الفضى :)
و لاحظت ان البيج/الشامبين جميل ايضا عليها ...

قبل اتخاذ قرار .. المقارنه فى النهايه انحسرت كفئه سعريه 170/180 الف مع كورولا 2014 اوتو / سيرانتو الفئه sx / اوبل استرا ..

مع مشاهدتى المتكرره للفلوانس و متابعتى للمنتدى الجميل و الملاك الافاضل سواء القدامى او الجدد (كل الشكر ليهم ) تأكدت انها افضل اختيار كقيمه للنقود مقابا سياره بها كل المواصفات المطلوبه ...

مشيت بها اليوم حوالى 50 كم نصفهم زحمه و نصفهم جرى ...

الانطباعات الاوليه ( انا معايا حاليا مرسيدس c200 / 2009 - موتور 185 حصان و عزم 270 نيوتن + نيسان صنى اوتو 2007 ) :

- الابعاد عريضه شويه .. لكن سرعان ما حتاخد عليها ...
- الفرامل قويه و رد فعلها جيد جدا ...
- الباور خفيف جدا جدا .. لكن بيتقل مع الوقت ... اجمالى جيد جدا ...
- العافشه طريه و مريحه ..
- الثبات و الاتزان جيد جدا ...
- اهم نقطه الموتور و التسارع و الطلعه ... بأختصار جيد جدا :) ...
الطلعه من الوقوف قويه ... اما موضوع تاخير السحب فى الزحمه بين 15 و 50 كم/ساعه فده طبيعى و محتاج دوسه جامه شويه على البنزين ... و على فكره الموضوع ده موجود لكن بشكل اقل فى المرسيدس ... و حتلاقى رد فعل مقبول جدا بعد ثانيه :) لو بنزين 95 الموضوع ده اكيد حيقل/حيختفى جامد ... و عن تجربه للمرسيدس ... لكنه غير ضروروى ... 92 كفايه جدا بحكم فرق السعر ... لكن اجمالا كنصيحه للمقبلين على شراء الفلونس تاكد انه طبيعى جدا و يسعف فى اى وقت ...
ايضا مع عمل كيك داون kick-donw على اى سرعه ... بعد حوالى ثانيه الشد و التجميع بيكون ممتاز و قوى ...

- طبعا كل الابشنات بحثت قتلا ...
- فى المشوار ده استهلاك البنزين متوسط 6 كم لكل لتر ... طبعا حيتظبط مع الاستخدام العادى او الطوالى ...
- التكييف شبه الصنى الى هو ممتاز ...

انا جربت كل ما سبق من موديلات الى فى المقارنه ... و الفلوانس افضلهم ... موتور اقوى ... و طبعا اوبشنات اعلى ...



عقبالكم جميعا ...

لو اى استفسار انا تحت امركم ...
تحياتى ...