قصة غريبة حاسس إني بحلم بكبوس ( حسبي الله ونعم الوكيل )

**kareemafifi** · 20-11-2013 11:35 PM

بارك الله فيك يا استاذ عمرو و اعطاك الله بقدر ما دعيت لي بل و اكثر بارك الله في امثالك

**J A G U A R** · 20-11-2013 11:47 PM

الحمد لله انها جات على قد كده .. وقدر الله ما شاء فعل وربنا يعوض عليك

**محمود السويدي** · 20-11-2013 11:51 PM

المشاركة الأصلية كتبت بواسطة saddam

صديقي المواطن
عوضك على الله أنا في البلد دي بقابل ناس غريبة بشكل إمبارح شاري عربيتي رقم 10 لمجموعتي الخاصة وهي عربية قليل إخواتها وملهاش قطع غيار لقينا الكمبيوتر مسروق وفانوس خلفي مسروق وكتاوتات مسروقة وعربية قبلها سارقين منها موبينة وأقسم بالله حصل أول إمبارح في المطبعة فيصل أمام عيني عربية باتت في الشارع عند الميكانيكي بس مش تبعي كانت واقغة جنب إثنين من عربياتي لو قلتلك مش حتصدق جيت تاني يوم لقيت الفانوس الخلفي مكسور مخروم على قد خده منه لمبة 2 بول ثمنها 1 جنيه فقط لا غير وراح صاحبها جاب وش فانوس ب 150 جنيه وناس كتير بقت كده عربية كانت عند سمكري باتت في الشارع إتشال منها ظفيرتها بالكامل وعربية جت عند سمكري 127 بس جديدة بتاعت راجل مسن محترم تصور تانيين الكبوت عشان يتفتح وسارقين البطارية راكبه جديده من أسبوع وراح جايب بطارية ب 500 جنيه وجي للسمكري يطلب منه يعمل له قفص للبطارية
فصديقي المواطنصديقي ال
أحب أصدمك وأبشرك
إن إحنه إنتهينا خلاص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

صديقي المواطن
انا متابع مواضيعك من زمان من ايام ايميلي القديم
من ايام منتا كنت طالب عربية وعامل مكافاة ولما اشترتها طلبنا منك صور ليها
وسنك كام وانته اختفيت وللاسف المشاركات اتمسحت فنامل منك انك تحط صورها
عشان كانت سيارة نادرة ونعرف سنك
وعقبال العربية المليون في معرضك
وبالتوفيق والي الامام ومن نصر الي نصر
ودمتم للنضال وفي انتظار الصور للعربيات العشررة وبالزات للعربية الي دوختك وسنك

**inspiron** · 21-11-2013 01:09 AM

مجددأ شكرأ لكم جميعاً علي شعوركم النبيل.الحمد لله رب العالمين رجعت أرض الوطن بسلام

انتظروا تقرير للرحلة إن شاء الله.

رسالة إلي أخويا كريم عفيفي...ردك أثر فيا والله جداً..أولاً ربنا يشفيك ويعافيك ورحمة ربنا وسعت كل شئ ( لا تيأس أبداً )

ثانياً حكايتك دي بتثبت إن فعلاً البلد دي كل مدي في انحطاط وانحدار وخايف تبقي في يوم من الأيام مستنقع....

**aw2100** · 21-11-2013 08:50 PM

والأدهى من كده الشباب اللى تحت سن ال15 سنة اللى بيسموهم الأحداث دول المصيبة القادمة لمصر اى عيل صغير فى الشارع دلوقتى قمة الأنحطاط والسفالة ومفيش احترام للكبير زى زمان فى اى مكان سواء بتسوق فى الشارع او بتركب مواصلة كان زمان بيقولوا وزارة التربية والتعليم دلوقتى مفيش لاده ولاده بدء من المدرسة الأبتدائى وده راجع ان الطلبة مش بيلاقوا غير المدرسين الجشعيين اللى بيضربوا بعض امام الطلبة علشان الدروس الخصوصية والأهل الأب مشغول بنفسة ومزاجة من مخدرات للعب الطاولة على القهوة والأم مشغولة بالتليفونات وحكايات الجيران والفرجة على المسلسلات يبقى عاوز اية من الأطفال اللى همه مستقبل مصر غير الضياع للاسف البلد بترجع وبتنحدر من الجذور وعاوزين معجزة من الله تحل المشكلة دى بس انا بانصح بعدم التشاوم وكل فرد فى المجتمع يبدء بنفسة وعيلته فى التوعية وربنا يسترها والمصريين يفوقوا بقى أسف للاطاله !!!!!!!!!

**medo2811** · 23-11-2013 12:27 PM

ربنا يعوض عليك يا احمد باشا و يكرمك انشاء الله
والله انا الايام دي مبقتش اروح الشغل بالعربية و معظم الوقت راكنها مبروحش بيها غير مشوار ضامن ركنتو كويس و ربنا يسترها علي الجميع و يعدي الايام دي علي خير