الموضوع: ايه رأى حضراتكم بالشقق اللى خلف السلاب بزهراء مدينة نصر أمام سنترال 3

ايه رأى حضراتكم بالشقق اللى خلف السلاب بزهراء مدينة نصر أمام سنترال 3 لآن الأسعار هناك رخيصة إلى حد ما مقارنة بعمارات القوات المسلحة وكذلك بسمع ان فيه شقق ب80 ألف بمساحة 70 متر على الطوب الأحمر لأن فى شر كة إسمها المصرية السعودية للتنمية وإدارة المشروعات بتبنى وقرأت إعلاناتها فى الجمهورية وأتنمى من حضراتكم الرد
ولسيادتكم جزيل الشكر

صديقي المواطن
دي شقق كلها من غير تراخيص وأنا من فترة من أسبوع تقريبا رحت هناك بشوف عربية لقيت المنطقة شوارع ضيقه ومش متسفلته وعشوائية وكمان الناس اللي موجودة هناك ناس كسر أجلك الله وكله جلاليب وفكهانية ومش مدينة نصر خالص وعامة أنا شايف إن مدينة نصر راحت عليها خلاص بقت زحمة دايما والتحرك داخلها صعب مزعج وخليك في زايد أو أكتوبر
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال