الموضوع: فتيس 307 sw

المشاركة الأصلية كتبت بواسطة haderkhalaf

السلام عليكم ورحمة الله وبركاته
عندي مشكله مدوخاني رجاء مساعدتي
عندي مشكله العربيه 307 2007 sw ستيبترونك وانا ماشي الصبح بعد تسخين السياره الفتيس بيدب بين الغيار الاول والغيار الثاني ونتشات علي باقي الغيارات .
مع العلم اني لسه مغير زيت الفتيس من 20 الف كيلو وبلف فتيس واحد بس قالو هو الي بايظ وحتاج تغير " في توكيل غمره " والبلف التاني مش محتاج تغير " ممكن اعرف فايده البلف التاني ده ايه .
وساعات بحث ان بتاخد لغيار مره وحده يعني " زي الي يدي الغيار وينتش رجله مره واحده من علي الدبرياج في العربيه تحس انها اتكومت لحظه وبعد كدا تبدا في التجميع مره اخري وسعات بتسقف وبترعش خفيف علي السلنسيه وهي بتسخن وبتعل رجه جامد في المتور اثاء التدوير الماتور "
والسحب مش كويس خالص هلي ممكن لو الموبينه ضعيفه تعمل دربكه في الماطور تخليه يدي امر للفتيس بدري او غير مظبوط يخليه يعمل كداااااا ؟؟؟؟؟
كشفت علي الاقواعد كله كويسه الحمدلله مش عارف هل مشكل تتحل ولا متتحلش انا مستحرم ابيع العربيه وهي فيها عيب زي كداااا لان السبب ده زهقني من العربية خاااالص
ارجو من سيادتكم الرد عليه بالرد الشافي والنهائي في الموضوع ده لوجه الله تعالي
وجزاك الله خيرااااااااااااااااااااا

وعليكم السلام ورحمة الله وبركاته,
من الوصف اللي بتحكيه دا واضح أن عندك كذا مشكلة مش مشكلة واحدة,,

بس خلينا ناخدها واحدة واحدة,,

عندي مشكله العربيه 307 2007 sw ستيبترونك وانا ماشي الصبح بعد تسخين السياره الفتيس بيدب بين الغيار الاول والغيار الثاني ونتشات علي باقي الغيارات .
مع العلم اني لسه مغير زيت الفتيس من 20 الف كيلو وبلف فتيس واحد بس قالو هو الي بايظ وحتاج تغير " في توكيل غمره " والبلف التاني مش محتاج تغير " ممكن اعرف فايده البلف التاني ده ايه .

في الأول اللي يخلي العربية تنتش علي كل الغيارات أو تدب أو تاخد الغيارات متأخر,,
إن يكون أولاً: كمية الزيت زيادة أو قليلة, أو لزوجة الزيت وحشة لأن الزيت مش بينزل كله مع غيار الزيات فانت بتخلط نص زيت جديد مع نص زيت قديم من اللي بيكون في القربة جوا,,
طبعاً انت قلت أنك غيرت الزيت من 20 الف, بس حتي في غمرة ممكن يكون حط لك زيت زيادة ومنزلش الزيادة ودلوقتي الزيادة دي عاملة Overheating جوا الفتيس,
عشان كدا بيبدأ يعمل المشاكل اللي عندك بعد ما العربية بتسخن معاك,,

ثانياً، ممكن تكون المشكلة في الكولر اللي بيبرد زيت الفتيس أو في دورة تبريد العربية الأساسية,, فعشان كدا الكولر محتاج يتكشف عليه وعلي دورة التبريد لأنها أساس تبريد الفتيس,,
ومن غير تبريد كويس للفتيس هتحصل لك كل المشاكل دي,,

وساعات بحث ان بتاخد لغيار مره وحده يعني " زي الي يدي الغيار وينتش رجله مره واحده من علي الدبرياج في العربيه تحس انها اتكومت لحظه وبعد كدا تبدا في التجميع مره اخري

دا في الغالب بيكون من القواعد خصوصاً قاعة الفتيس اللي تحت البطارية,,
حتي لو كنت غيرتها قريب أكشف عليها تاني لأنها بتبوظ من دب وهبد الفتيس فيها,
وكمان السخونية في الفتيس أو البلوف لو وحشة هتعمل نفس الأعراض دي, بس الأساس في ظهور الأعراض دي هيا القواعد.

"بتسقف وبترعش خفيف علي السلنسيه وهي بتسخن وبتعل رجه جامد في المتور اثاء التدوير الماتور "

- اللي يخلي الموتور يسقف علي السلانسية ممكن يكون من لزوجة الزيت بتاع الموتور تكون وحشة, أنت بتحط للعربية زيت أيه ولزوجته كام ؟
- واللي يخلي موتور العربية يرجع وقت التدوير بيكون في الغالب عندك بوجيه بايظ أو مرطب وبيحصل misfire في سيلندر من السيلندرات, فأنت غير طقم بوجيهات الأول لو بقاله 20 ل 30 ألف كيلو متغيرش, ولو فضلت المشكلة موجودة هتكشف ساعتها علي الموبينة,,
- كمان لو أنت مغير كاتينة قريب ومركبها في مكان برة التوكيل ممكن تكون مقدمة أو مأخرة تكة وعشان هتلاقي العربية بتسقف معاك تسقيف مش طبيعي,

والسحب مش كويس خالص هلي ممكن لو الموبينه ضعيفه تعمل دربكه في الماطور تخليه يدي امر للفتيس بدري او غير مظبوط يخليه يعمل كداااااا ؟؟؟؟؟

بالنسبة للسحب لو مش كويس أحتمال كبير يكون من البوجيهات برضه, يعني لازم تغيرها كدا,
وتغير معاهم فلتر البنزين وفلتر الهواء لو عدي عليه 30 ألف كيلو وخصوصاً لو مش بتنضفه.
والموبينة لو ضعيفة هتخلي الموتور مبرجل ومتلت كدا, أكنه شغال علي 3 سلندر, بس غير البوجيهات الأول,,
ومش الموبينة اللي بتدي أمر للفتيس أنو ينقل بدري أو متأخر,
اللي بيدي أمر لنقل الغيارات بيكون الهيدروليك بلوك أو الفالف بادي أو برضه بيتقال عليه مخ الفتيس : وهوا اللي بيحدد الكلام دا.

مع العلم اني لسه مغير زيت الفتيس من 20 الف كيلو وبلف فتيس واحد بس قالو هو الي بايظ وحتاج تغير " في توكيل غمره " والبلف التاني مش محتاج تغير " ممكن اعرف فايده البلف التاني ده ايه .

ودا بيبقي شكلهم في الفتيس, هما الفالفين اللي فوق ولونهم مدي علي أبيض, والباقي عال شمال لونهم أسود دول خاصين بباقي الغيارات.
ومعظم المشاكل بتكون في أول فالفين عندنا ودول اللي بنغيرهم لو فيه مشاكل في النقلات ورسايل Gearbox Fault أو العربية بتعلق علي نقلة واحدة.


ودا الجديد منهم,