عايز اعرف هل كده الفتيس بيودع ولا ليه حل ولا افضل ماشي كده بالناتشه دي علي التاني اما بقي الغيارات مفيش اي حاجة
عايز اعرف هل كده الفتيس بيودع ولا ليه حل ولا افضل ماشي كده بالناتشه دي علي التاني اما بقي الغيارات مفيش اي حاجة
هتلاقى الزيت عايز يتغيير متقلقش
لو بينتش علي التاني بس ومفيش مشاكل علي باقي الغيارات, يبقي الفتيس مش باظ ولا بيفيص.
هتبقي محتاج تفك مخ الفتيس الفالف بدي, ويتنضف البلوف بتوع ضغط الزيت أو يتغير السولونيد الخاص بالضغط واللي عامل لك المشكلة دي.
وكمان تغير زيت مع التنضيف عشان لو كان فيه رايش مسبب لك المشكلة دي,
وممكن تبدأ بتغير الزيت وتشوف.
المشكلة ان زيت الفتيس غالي حبتين يعين تمنة يخش في حاوالي 1000ج بجانب الفلتر حوالي 250 ج وانا مغيرة من حوالي سنة ونصف يعني بقيلة لسة شوية
يعني حوالي 1250 وانا خايف اعمل الشغلانة دي القي الدنيا مش مضبوطة معايا فبفكر امشي بيه كده واجيب فتيس استيراد ويكون من الاخر معايا واخلي التاني عندي احطياط لاي ظروف مش اكتر
عموما هفكة واشوف ايه الي فيه والله المستعان
طيب هوا عشان الزيت غالي, يبقي مجيبهوش وأسيب الفتيس لحد ما يبوظ ويخلص خالص,,
وهوا علي كلامك شغال زي الفل علي باقي الغيارات بس بينتش علي التاني بس..
ولأ أصلحة عشان أنا مضمنش الفتيس اللي هجيبة أستيراد هيكون عامل أيه وأيه حالته,
وساعتها بدل ما التكلفة تدخلها في 1250 من تغير زيت وفلتر علي كلامك,
هتدخلها ف 3000 أو 4000 او 5000 جنيه لأني معرفش فتيس عربيتك بكام, ؟! تمن فتيس أستيراد..
وبعد ما تجيبه أستيراد هتبقي أنت وحظك,,
ممكن يمشي كويس أول شهرين تلاتة, وتبدأ تبان المشاكل,, وممكن تبان من أول يوم,, وممكن يمشي سنة من غير مشاكل,,
وبعدها لو بدأ ينتش تاني لأن شغل الأستيراد كله بيكون مرمي علي الأرض أو مركون غلط ومحطوط علي الأرض ودا غلط علي الفتيس الأوتوماتيك ولازم يكون راكب في نص عربية ومرفوع من علي الأرض,,
وبعدها لو بدأ ينتش تاني ساعتها بقي هتصرف تاني نفس التكلفة بتاعت تغير الزيت والفلتر عشان تبقي نضفت الفتيس اللي جيبته اللي متعرفش حالته,,
وعشان أي فتيس أستعمال أو أستيراد في الدنيا << بيكون مستعمل يعني زي اللي عندك,
يعني شوية بعدد معين من الكيلومترات هيحتاج تغيره له زيت, ولو فيه فلتر هتتغير وهتدفع نفس التكلفة الأولي, بس هتكون غرمت تغير فتيس عال فاضي ومصنعية وفك وتركيب عك صنايعية.
فكر كويس ياباشا.
اولا الف شكر وجزاك الله كل خير
انا هكشف عليه الاول وهشوف لو الموضوع دخل في تغير زيت وتركيب واصلاح في حدود 2000 الي 2500ج انا هنزل اشتريه استيراد وعلي فكرة بيكون راكب علي الموتور يعني هيفكهولي من الموتور وانا همشي بيه علي تجربة شهر لو تمام هكمل مش تمام هرجع بيه تاني اصلي قرفت من التصليح بصراحة الاستيراد زي الجديد تمام وبيكون حالتة حلوة في الغالب وزي منت بتقول انت وحظك
وربنا يقدم الي فيه الخير
انا من فترة سالت علي الفتيس والمكنة بادوات التغزية قلي ان تمنهم 9 الاف جنية من غير فصال اما مع الفصال ممكن اوصلهم الي 8 او 7 تلاف ان شاء الله هيكون الاقرب اني هركب مكنة جديدة بالفتيس ويكون خير ان شاء الله
واخلي الي عندي احطياط لاي ظروف
انا عندي نتشة برده في التاني بس لاحظتها لما مكونش مدي الغيار حقه يعني لما تكون رجلك خفييفة على البنزين وال rpm على 1800 ل 2000 اعلى من كده النتشة بتختفي
ممكن يكون سبب النتشة القاعدة بتاعة الفتيس اللي من تحت انا عندي بتودع وواحد قالي هي سبب النتشة
صدقني الموضوع مش مستاهل أنك تدفع ٩٠٠٠ أو ٨٠٠٠ عشان عندك نتشة عال تاني,
وزي ما قال محمود ممكن يكون سببها قاعدة الفتيس, وتغيير الزييت اللي هيكون في رينچ ١٠٠٠ جنيه بس مش ٩٠٠٠ وكمان متعرفش حالة الحاجة اللي هتشتريها وزمة البايع لو الحاجة طلعت مش تمام لان مفيش قانون أنهارده يحميك ولا كلمة شرف ولا الكلام في ناس هتقولم ولا أعرفك.
اللي بيغير فتيس بيكون واحد الفتيس مكلبش معاه علي كل الغيارات,
مشوفتش حد بيغير فتيس عشان بينتش معاه عال تاني وشغال زي الفل علي كلامك باقي الغيارات.
والنتشة دي بتحصل وهتحصل في أي عربية يتمشي عليها ٦٠ ألف كيلو علي الأقل من غير تغير زيت لو كانت زيرو,
وهتحصل لو عربية أستعمال او قديمة شوية مشيت من ٤٠ ل ٣٠ ألف كيلو علي نفس الزيت,, يعني أنت محتاج تغير زيت.
انا قلت رأيي وربنا يوفقك,
ااشكر لله وأبقي طمنا عملت أيه,
وأهم حاجة يكون الزيت أصليييييي,,
يعني تشتريه من موزع معتمد أو يفضل التوكيل أحذر من أي نوع يقولك بنفس المواصفات لو هتجيب من برة.
لازم تحيب زيتها عشان تغني نفسك عن المشاكل.
بالتوفيق.
الحمد لله نزلت شريت 5 لتر زيت تمن اللتر 175 ج
واشتريت فلتر الاصلي 350 والالماني منة 150 اشتريت ابو 150
ورحت عند واحد فك عقل الفتيس ونضفة وغيرت زيت واخد 300ج مصنعية
والحمد لله النتشة راحت
وصليت استخارة ابل معمل الكلام ده والحمد لله ربنا وفقني للصالح
وجزاك الله كل خير
الله يبارك فيك وجزاك الله كل خير
والله انا مشترتش الاصلي لان لقيتة مصدي ووالله قلت اكيد ده مش الماني فعشان كده جبت الي بيقول عليه الماني
ووالله حضرتك شجعتني علي اني اغير زيت كنت همشي بيه كده لغاية ميجيب اخرة واغيرة لان والله الي خلي الواحد بيعمل كده عشان خاطر الصنيعية والله قمة في السرقة واشتغال الناس عشان كده الواحد بيحب يجيب من الاخر ويشيل
الشكر لله, وكويس أنك مجبتش الفلتر لو كان مصدي أو فيه مشكلة,
وأنا فعلاً كنت خايف أنك تمشي بالفتيس لحد ما تبوظه وهوا مفهوش مشكلة,
وتغير الزيت دا صيانة عادية والنتشة بتبقي زي ما تقول تنبيه,
بعدين هوا أنت مفكرتش في أن الصنيعية كانو هيسرقوك أكتر لو كنت هتشتري أستيراد وتسقط فتيس, ؟؟
ولو طلع في الفتيس الأستيراد مشكلة أو الصنايعي ركبه غلط كنت هتحله وتركبه تاني وتفضل تدور علي حاجة سليمة وتبقي مصنعيات من أول وجديد ويبقي كابوس,,
خليك في السليم, ومبروك علي الصيانة. :tumb: