تسخين الالنترا قبل ما تمشي بيها

السلام عليكم،،،

انا متعود اتخرك بالعربية بعد ما لمبة الزيت تطفي، الانترا ٢٠١١ ما بتاهدش ثانية واللمبة تطفي، والصيح بدري في الشتا بتاخد ثانيتين او تلاتة بالكتير وتطفي

لكن في النيسان تيدا ٢٠٠٩ كانت اللمبة ممكن فعلا تاخد دقيقة بحالها علي ما تطفي

وانا قريت مقالات على ان الكلام ده صح وتقدر تمشي بالعربية بعد اللمبة ما تطفي، زي المقالة دي مثلا:

هل يهم تسخين السيارة قبل قيادتها مع الجواب المقنع والدليل - تمت الإجابة عنه - Google إجابات

لكن واحد صحبي (بيسوق من عشر سنين وكان معاه النترا الجديدة والقديمة والاكسنت وفيات واوبل وكل اللي انت عاوزه جابه)، اول ما شافني طلعت بالعربية كلمني كأني عملت جريمة في حق الموتور وان لازم استني حتى ١٠ دقايق قبل ما اتحرك

حيرني لأنه فاهم في العربيات، ايه رأيكوا؟؟؟

10 دقايق ده مع احترامى اسمه تهريج حضرتك شوف الكتالوج بيقول فيه تسخين ولا تمشى على طول ولو هتسخن يبقى قد ايه و امشى على كلامه بالضبط لا اكثر ولا اقل و لو مش معاك الكتالوج استنى من 30 ثانيه الى دقيقه لحد ما تظبط قعدتك و تمسح تراب لو فيه على الدركسيون و تربط حزام الامان و تتوكل على الله

ده انت لو عايش في روسيا مش هتسخن 10 دقايق
انا بسخن نص دقيقه او دقيقة وبتحرك بالعربية علي ار بي ام قليل لحد مامؤشر الحرارة يوصل قبل النص بشوية وبراحتك بعد كدة

المفروض انك تنتظر حوالي 30 ثانية لحد ما الزيت يبدأ ياخد دورته جوه الموتور و بعدها تتحرك بالعربية بسرعة متوسطة لحد ما العربية تسخن .. اساسا كده العربية هتسخن معاك بسرعة اكتر من لو سخنتها وانت واقف

كتالوجات عربيات كتير بتقول نفس الكلام .. مش كده وبس دي بتحذر من التسخين المفرط فيه

كنت الاول بستنى اما الامبير يتحرك حوالى 5 دقائق لكن دلوقتى 1 الى 2 دقيقه وبتحرك على سلانسيه واطى وبنقل بدرى بجيب الرابع على 40 مفيش 5 دقائق والعربيه بتسخن

أنتظر وسخن من 2 الى 3 دقائق
لأن فى الفتره ديه الزيت بيكون وصل لجميع أجزاء الماتور ورتفعت درجة حرارته نسبيا مما يساعد على اداء افضل لحركة ولزوجة الزيت داخل اجزاء الماتور وبالتالى المحافظه على التقليل من التاكل داخل الماتور مع اعطاء اداء افضل لتسارع الماتور

شوف كلام من رجل مطور للمحركات مصرى ويعمل فى بى ام المانيا
تسخين لمدة 30 ثانيه---تتحرك ببطء حتى تترفع حرارة المحرك وتقترب من الطبيعى بعدها اعمل الى انته عاوزة
ودة فى اى سيارة حديثه

بقعد من 3-5 دقايق ولما بكون مستعجل بستنى دقيقه وبعدين اتحرك هادي ولما العربيه بتسخن بقرص عليها.

عربيه جديده قديمه
ب مليون جنيه او بربع جنيه
اقل واجب دقيقتين تسخين

طيب ما الحل بسيط
أنت أول ما بتدور العربيه الأر بي أم هتلاقيه فوق الواحد
أستنى شويه لحد ما المؤشر ينزل تحت أول شرطه حاجه بسيطه وبعدين توكل على الله وأتحرك

في مانيوال هيونداي هتلاقي انه كاتب ان تسخين السيارة 30 ثانية وانها لا تحتاج لتسخين
عموما بداية حركتك بالعربية هتخليها تسخن اسرع
انت اركب عربيتك وشغلها
وعلى ما تربط حزامك وتراجع مراياتك وتشغل الكاسيت وتظبط قعدتك هتلاقي ان تقريبا نصف دقيقة او اكتر عدا فتتحرك بالعربية على السلانسيه لمسافة 300 او 400 متر ومن ثم تتوكل على الله بس تخليك حنين لحد ما حرارة الموتور تطلع وهتلاقيها بتطلع معاك بسرعة :]
وطبعا لما تستخدم زيت معدني غير لما تستخدم زيت تخليقي !

اول ما مؤشر الحرارة يبدأ يعلم معاك توكل على الله ومتقلقش من حاجة

اولا تشكروا يا رجالة على الردود السريعة والجميلة دي

مشكلة الالنترا 2010 و2011 مافيهمش مؤشر للحرارة (كنت لسة هاشتم غبور على انه شايل مؤشر الحرارة، بس الكتالوج الاصلي بتاع العربية ما فيهوش مؤشر الحرارة، براءة ياعم غبور المرادي)، ولو كان فيها كان الواحد شك من زمان ان اللمبة طفت انما الحرارة لسة قليلة

بعد التدوير على النت وتجربة دلوقتي في العربية وبمناقشتكم الجميلة دي نقدر نقول الآتي:

1) العلامة دي واللي فيه ناس فاكراها لما تطفي تبقي الدنيا لوز، معناها: وجود مشكلة فى تبريد المحرك وتتطلب اطفاء المحرك
(بصراحة مش عارف ليه بتطول دقيقة او دقيقة ونص في النيسان تيدا على ما تطفي؟)

http://nileup.com/up/uploads/nilemotors_13849325411.jpg

2) أحسن طريقة تعرف بيها العربية سخنت ولا لأة، هي زي ما قولتوا بمراقبة الار بي إم، هو في الاول بيكون عالي عشان يساعد على تسخين العربية، ولما تسخن يرجع ينزل عن الواحد، وجربتها في الالنترا 2011 خدت دقيتقتين تقريبا

3) في حالة الاستعجال، شغل، ونص دقيقة وامشي 300 - 400 متر بهدووووووء (يعني مثلا على ما توصل للطريق الرئيسي مثلا)، وبعد كده تقدر تسرع براحتك

4) التسخين الزيادة ضرر على الموتور، يعني 3، 4 دقايق كافيين بالمهمة كلها

تسلموا يا شباب، مش عارف اللي الواحد كان بيعمله ده يأثر على الموتور ولا لأة، بس الواحد بيتعلم

انا بدور العربيه وبمشي بعديها علي طول يعني حوالي 30 /40 ثانيه

كل العربيات الجديدة المفروض بتحط زيوت تخليقيه وبالتالي مبتحتاجش تسخين وبالكتير نص دقيقه!!
فكرة التسخين ان الزيت اول الدواره بيكون تقيل ولسا موصلش لكل الاماكن المحتاجة تزييت فالضرر كبير لو اتحركت وحرقت وعشان كده اخترعو الزيوت التخليقيه اللي بتمتاز بانها خفيفه وبتؤدي مهمتها بسرعه وبالتالي انلغى فكر التسخين،،،

بالنسبة للي بيحطو زيت معدني فعربيه جديدة فبرضو التسخين لا يزيد عن دقيقتين،،،
العربيات القديمه بالذات الكربيراتير بتحتاج اكتر من كده شويه بس برضو مبيعديش ال5 دقايق،،،،

تحياتي

Sent from my Xperia Arc S using Forum Runner

اقتباس:

---

المشاركة الأصلية كتبت بواسطة islamnasser10

ده انت لو عايش في روسيا مش هتسخن 10 دقايق
انا بسخن نص دقيقه او دقيقة وبتحرك بالعربية علي ار بي ام قليل لحد مامؤشر الحرارة يوصل قبل النص بشوية وبراحتك بعد كدة

---

انا لفيت وقريت كتير على النت
ومن كل المقالات والخبراء
بيقولوا انك تستني بالكتير دقيقة واحدة .. ولما تمشي تبقى بالراحة
لغاية ما اكبير الحرارة يوصل لمستواه

‫نصائح وارشادات عن تبريد السيارة فى فصل الصيف (1) حسن كتبي‬‎ - YouTube

ده لينك فيديو لحسن الكتبي
راجل محترم وفاهم جدااااااااااا
انصحكم تتابعوا فيديوهاته :)

10 دقايق ده الواحد يكون راح مشواره ورجع ده انا عربيتى قديمه مش بقعد اسخن الوقت ده كله

اقتباس:

---

المشاركة الأصلية كتبت بواسطة dr.hazem

كل العربيات الجديدة المفروض بتحط زيوت تخليقيه وبالتالي مبتحتاجش تسخين وبالكتير نص دقيقه!!
فكرة التسخين ان الزيت اول الدواره بيكون تقيل ولسا موصلش لكل الاماكن المحتاجة تزييت فالضرر كبير لو اتحركت وحرقت وعشان كده اخترعو الزيوت التخليقيه اللي بتمتاز بانها خفيفه وبتؤدي مهمتها بسرعه وبالتالي انلغى فكر التسخين،،،

بالنسبة للي بيحطو زيت معدني فعربيه جديدة فبرضو التسخين لا يزيد عن دقيقتين،،،
العربيات القديمه بالذات الكربيراتير بتحتاج اكتر من كده شويه بس برضو مبيعديش ال5 دقايق،،،،

تحياتي

sent from my xperia arc s using forum runner

---

معلش
اعرف ازاي ان كان الزيت تخليقي ولا معدني، يعني ايه الانواع اللي ترشحهالي لما اغير الريت؟

اقتباس:

---

المشاركة الأصلية كتبت بواسطة KamalShawqi

معلش
اعرف ازاي ان كان الزيت تخليقي ولا معدني، يعني ايه الانواع اللي ترشحهالي لما اغير الريت؟

---

اغلب الزيوت اللي بيتقال عليها 10 آلاف كيلو بتبقى تخليقيه،،،
ممكن تجرب كاسترول ايدج لزوجه 5/40 او ما يعادله من وولف وزادو وغيرها،،،،
تحياتي

Sent from my Xperia Arc S using Forum Runner

45 ثانية و بعدين تتحرق على rpm منخفض
دقيقة و نص هتلاقى الحرارة بقت عالية تقدر تزود
لحد ما الحرارة تبقى مظبوطة تماما تقرص براحتك

اقتباس:

---

المشاركة الأصلية كتبت بواسطة rsarabia

45 ثانية و بعدين تتحرق على rpm منخفض
دقيقة و نص هتلاقى الحرارة بقت عالية تقدر تزود
لحد ما الحرارة تبقى مظبوطة تماما تقرص براحتك

---

هو مؤشر الحراره خاص بالمياه ولا الزيت

اللي اعرفة ٣٠ ثانية تسخين بالكتير اوي
يا راجل دا انا مكنتش بسخن ال ٢٨ لمدة ٥ دقائق حتي

أخي الفاضل
الاخوة الافاضل مالكي و محبي سيارات هيونداي

أسعد الله مسائكم بكل الخير ..

بالنسبة لموضوع التسخين WARMING UP للمحركات الحديثة غير مطلوب لأن تلك المحركات مصممة للقيام بعملية تسخين ذاتية

ازاي الكلام ده ؟؟

شوف كده معايا الصورة دي لتابلوه الالنترا MD لتسهيل عملية الشرح و طبعا الكلام ده ينطبق علي كل السيارات الحديثة

http://nileup.com/up/uploads/nilemotors_13852274201.jpg

دي صورة للعربية و هيا لسه متوقفة و الموتور غير داير و بالطبع بارد
تعالي كده و بص في الشاشة اللي في الجزء العلوي بالمنتصف
ستجد في اليسار مؤشر درجة حرارة المياه (و ليس الزيت)

في الالنترا MD المؤشر زي ما أنت شايف ديجيتال أما في بعض السيارات الاخري بيكون أنالوج
هنا في حالتنا دي المؤشر مكون من 12 علامة

في حالة و المحرك بارد بيكون المؤشر كما هو موضح بالصورة علي أول درجة بما يعني أن درجة حرارة مياه التبريد قد تكون مماثلة لدرجة حرارة الجو الخارجي أو أكثر قليلا

أما الوضع الطبيعي لها أثناء الحركة أن تكون 4 علامات أو 5 بالكثير اوي (أي تحت المنتصف)
و ذلك يعني أن درجة حرارة مياه التبريد قد تصل الي 100 درجة مئوية أو أكثر قليلا نظرا لأنها تعمل بدائرة ضغط عالي مغلقة

المقدمة السابقة ضرورية لفهم طبيعة دورة التبريد في السيارات الحديثة و مدي درجة الحرارة التي تعمل في نطاقها

أذا ليس من المطلوب أن تصل درجة الحرارة من 20 درجة مئوية مثلا الي 110 درجة مئوية خلال وقت قصير جدا خاصة مع مكونات المحركات الحديثة المعتمدة علي سبائك الالومينيوم الخفيفة التي تتأثر بالتغير السريع في درجات الحرارة مما يعني تعرضها للتشوه أو تلف الاجزاء المطاطية المكونة للجوانات و الحلقات المطاطية الحاكمة

لذا عمد مصمموا السيارات علي أن يعمل المحرك علي تسخين نفسه بنفسه كالتالي :
1- عند تشغيل المحرك يبدأ المحرك في الدوران بسرعة تتخطي ال 1000 لفة دقيقة
2- بعد لحظات يبدأ عدد لفات المحرك في النزول الي مادون ال 1000 لفة دقيقة
3- في هذه الاثناء لاحظ مؤشر درجة حرارة المياه أو لمبة البيان الخاصة بالحرارة و التي تكون باللون الاخضر
4- بعد حوالي 30 ثانية يكون الزيت قد تخلل كل أجزاء المحرك و تستطيع أن تبدأ الحركة بسيارتك بسرعة منخفضة IDEAL SPEED
5- يجب عدم تشغيل أي أحمال أضافية مثل التكييف أو الانوار العالية
6- تكون الحركة في حدود أقل سرعة بحيث لايتخطي عدد لفات المحرك ال 2000 لفة دقيقة كلما امكن
7- ماهي الا دقائق معدودة و ستجد مؤشر الحرارة قد اخذ في الارتفاع بمقدار علامة واحدة أو أن لمبة البيان الخضراء قد انطفأت
8- هنا تستطيع أن تزيد من سرعة السيارة تدريجيا حتي يرتفع مؤشر درجة الحرارة بشكل تدريجي و تحتي تصل الي السرعة المناسبة لك و تبدأ في تشغيل التكييف أو اضائة الانوار العالية

هذا هو الاسلوب الامثل للأنطلاق بالسيارة من وضع السكون عندما يكون المحرك باردا
و هذا يحقق أيضا أعلي استفادة ممكنة من أستهلاك الوقود و تحقيق أقتصادية التشغيل

أرجو أن أكون قد وفقت في الشرح

اقتباس:

---

المشاركة الأصلية كتبت بواسطة samir elshahawy

أخي الفاضل
الاخوة الافاضل مالكي و محبي سيارات هيونداي

أسعد الله مسائكم بكل الخير ..

بالنسبة لموضوع التسخين warming up للمحركات الحديثة غير مطلوب لأن تلك المحركات مصممة للقيام بعملية تسخين ذاتية

ازاي الكلام ده ؟؟

شوف كده معايا الصورة دي لتابلوه الالنترا md لتسهيل عملية الشرح و طبعا الكلام ده ينطبق علي كل السيارات الحديثة

http://nileup.com/up/uploads/nilemotors_13852274201.jpg

دي صورة للعربية و هيا لسه متوقفة و الموتور غير داير و بالطبع بارد
تعالي كده و بص في الشاشة اللي في الجزء العلوي بالمنتصف
ستجد في اليسار مؤشر درجة حرارة المياه (و ليس الزيت)

في الالنترا md المؤشر زي ما أنت شايف ديجيتال أما في بعض السيارات الاخري بيكون أنالوج
هنا في حالتنا دي المؤشر مكون من 12 علامة

في حالة و المحرك بارد بيكون المؤشر كما هو موضح بالصورة علي أول درجة بما يعني أن درجة حرارة مياه التبريد قد تكون مماثلة لدرجة حرارة الجو الخارجي أو أكثر قليلا

أما الوضع الطبيعي لها أثناء الحركة أن تكون 4 علامات أو 5 بالكثير اوي (أي تحت المنتصف)
و ذلك يعني أن درجة حرارة مياه التبريد قد تصل الي 100 درجة مئوية أو أكثر قليلا نظرا لأنها تعمل بدائرة ضغط عالي مغلقة

المقدمة السابقة ضرورية لفهم طبيعة دورة التبريد في السيارات الحديثة و مدي درجة الحرارة التي تعمل في نطاقها

أذا ليس من المطلوب أن تصل درجة الحرارة من 20 درجة مئوية مثلا الي 110 درجة مئوية خلال وقت قصير جدا خاصة مع مكونات المحركات الحديثة المعتمدة علي سبائك الالومينيوم الخفيفة التي تتأثر بالتغير السريع في درجات الحرارة مما يعني تعرضها للتشوه أو تلف الاجزاء المطاطية المكونة للجوانات و الحلقات المطاطية الحاكمة

لذا عمد مصمموا السيارات علي أن يعمل المحرك علي تسخين نفسه بنفسه كالتالي :
1- عند تشغيل المحرك يبدأ المحرك في الدوران بسرعة تتخطي ال 1000 لفة دقيقة
2- بعد لحظات يبدأ عدد لفات المحرك في النزول الي مادون ال 1000 لفة دقيقة
3- في هذه الاثناء لاحظ مؤشر درجة حرارة المياه أو لمبة البيان الخاصة بالحرارة و التي تكون باللون الاخضر
4- بعد حوالي 30 ثانية يكون الزيت قد تخلل كل أجزاء المحرك و تستطيع أن تبدأ الحركة بسيارتك بسرعة منخفضة ideal speed
5- يجب عدم تشغيل أي أحمال أضافية مثل التكييف أو الانوار العالية
6- تكون الحركة في حدود أقل سرعة بحيث لايتخطي عدد لفات المحرك ال 2000 لفة دقيقة كلما امكن
7- ماهي الا دقائق معدودة و ستجد مؤشر الحرارة قد اخذ في الارتفاع بمقدار علامة واحدة أو أن لمبة البيان الخضراء قد انطفأت
8- هنا تستطيع أن تزيد من سرعة السيارة تدريجيا حتي يرتفع مؤشر درجة الحرارة بشكل تدريجي و تحتي تصل الي السرعة المناسبة لك و تبدأ في تشغيل التكييف أو اضائة الانوار العالية

هذا هو الاسلوب الامثل للأنطلاق بالسيارة من وضع السكون عندما يكون المحرك باردا
و هذا يحقق أيضا أعلي استفادة ممكنة من أستهلاك الوقود و تحقيق أقتصادية التشغيل

أرجو أن أكون قد وفقت في الشرح

---

هو ده تقريباً مشابه للي أنا قلته على حد ما فهمت
بس اللي أنا مش فاهمه إيه علاقه الأضائة بالماتور ؟؟؟؟

انا عربيتى مانيوال
أول لما اجى ادور بدوس دبرياج (مع ان المانيوال مش بيقول كده)
فى الصيف بسيب العربيه تسخن لمدة دقيقه تقريبا (مع ان المانيوال مش بيقول كده)
فى الشتاء بسيب العربيه تسخن لمدة دقيقتين (مع ان المانيوال مش بيقول كده)
فى ايام البروده الشديده بسيب العربيه تسخن لمدة 3 دقائق (مع ان المانيوال مش بيقول كده)
فى كل الاحوال بغض النظر عن الطقس بمشى بهدوء شديد أول 5 - 10 دقائق بعد التدوير وبدون قرص على الموتور - وبعدها ببدء أمشى عادى
الكلام ده بطبقه لو العربيه بقالها ازيد من 12 ساعه مادرتش
لو وقت اقل كل اللى فات بيوصل للربع تقريبا (وطبعا احنا عارفين ان المانيوال مش بيقول كده)

اقتباس:

---

المشاركة الأصلية كتبت بواسطة mhkorayem

هو ده تقريباً مشابه للي أنا قلته على حد ما فهمت
بس اللي أنا مش فاهمه إيه علاقه الأضائة بالماتور ؟؟؟؟

---

أولا .. لك وحشة كبيرة يا راجل يا ماتريكساوي يا كبيييييييير

ثانيا .. أنا أكدت علي كلامك و فصلته و فصصته

ثالثا.. بالنسبة للأضائة (النور العالي فقط أو الزينون للسيارات اللي فيها) بيعتبر من الاحمال العالية و تقدر تلاحظ ده علي عدد لفات المحرك و العربية لسه باردة

جرب كده تشغل النور العالي و شوف عدد اللفات هايحصل لها أيه

ليس من المفترض وضع أي أحمال أضافية علي المحرك و هو لسه بارد و في مرحلة الاحماء ده لو أنت عايز تحافظ علي كفائته و تطول عمره

اقتباس:

---

المشاركة الأصلية كتبت بواسطة samir elshahawy

أولا .. لك وحشة كبيرة يا راجل يا ماتريكساوي يا كبيييييييير

ثانيا .. أنا أكدت علي كلامك و فصلته و فصصته

ثالثا.. بالنسبة للأضائة (النور العالي فقط أو الزينون للسيارات اللي فيها) بيعتبر من الاحمال العالية و تقدر تلاحظ ده علي عدد لفات المحرك و العربية لسه باردة

جرب كده تشغل النور العالي و شوف عدد اللفات هايحصل لها أيه

ليس من المفترض وضع أي أحمال أضافية علي المحرك و هو لسه بارد و في مرحلة الاحماء ده لو أنت عايز تحافظ علي كفائته و تطول عمره

---

1000 شكر ليك يا بشمهندس سمير وأتمنى اراكم في أقرب وقت عشان مقدرتش أحضر أخر مقابله لظروف خاصه بس تتعوض ان شاء الله
بصراحه أنا عمري ما جه في دماغي ان النور له علاقه بالمحرك عموماً هجرب أشغل النور العالي وهشوف

اقتباس:

---

المشاركة الأصلية كتبت بواسطة mhkorayem

طيب ما الحل بسيط
أنت أول ما بتدور العربيه الأر بي أم هتلاقيه فوق الواحد
أستنى شويه لحد ما المؤشر ينزل تحت أول شرطه حاجه بسيطه وبعدين توكل على الله وأتحرك

---

جبت مل آخر وانجزت
هما بظبط 30 ثانية وبعدين اتحرك بال عربية هادي و إنقل على rpm 2 مثلاً
اكتر من 30 ثانية أنت بتحرق بنزين فل هوا يعني فلوس عل فادي وتلوث
و الأهم بردو أنت بتسوق ازاي لو بتحرق و تقرص عل عربية ملوش لازمة أصلن تسخن ما كدة كدة العربية بتتهان
أحسن لك ولي عربيتك وفلوسك 30 ثانية -- هتلئي ال-rpm كان علي فوق 1 و بعدين نزل و صوت العربية هدي -- اطلع بال راحة و انال كل نقلاتك على 2-2.5 rpm و ريح عربيتك
و ربنا يبارك ليك فيها ويديك خيرها و يكفيك شرها يا رب

اقتباس:

---

المشاركة الأصلية كتبت بواسطة mhkorayem

1000 شكر ليك يا بشمهندس سمير وأتمنى اراكم في أقرب وقت عشان مقدرتش أحضر أخر مقابله لظروف خاصه بس تتعوض ان شاء الله
بصراحه أنا عمري ما جه في دماغي ان النور له علاقه بالمحرك عموماً هجرب أشغل النور العالي وهشوف

---

لم تولع النور ال-RPM بيعلى عشان الدينامو يشحن أسرع وأعلى عشان النور دة عل كهربا
و لم الدينامو يعلى د حمل عل موتور
ذي موضوع أنك تشغل التكيف بزبط ونت بت دور العربية أو أول ما تدورها
كمان د بياسر عمر اللمبة لو دورت ونت مشغل النور

خدها وحدة وحدة دور -- سخن -- وبعدين شغل نورك وتكييفك براحتك واطلع عل هادي وربنا يسلم طريقك:cool (1):

اقتباس:

---

المشاركة الأصلية كتبت بواسطة samir elshahawy

أولا .. لك وحشة كبيرة يا راجل يا ماتريكساوي يا كبيييييييير

ثانيا .. أنا أكدت علي كلامك و فصلته و فصصته

ثالثا.. بالنسبة للأضائة (النور العالي فقط أو الزينون للسيارات اللي فيها) بيعتبر من الاحمال العالية و تقدر تلاحظ ده علي عدد لفات المحرك و العربية لسه باردة

جرب كده تشغل النور العالي و شوف عدد اللفات هايحصل لها أيه

ليس من المفترض وضع أي أحمال أضافية علي المحرك و هو لسه بارد و في مرحلة الاحماء ده لو أنت عايز تحافظ علي كفائته و تطول عمره

---

تعرف حضرتك اعرف واحد بيشغل التكييف اثناء التسخين كنوع من التحفيز وزياده الاحمال للماتور وتحضيره فى مرحله متقدمه