الموضوع: استفسار برجاء الافادة

السلام عليكم اخوتي الكرام
في الاول احب اقول بامانة ان ده اجمد منتدى انا شوفته بجد لاني شايف بجد ان اي حد عنده معلومه مش بيبخل بيها على حد ودي في حد زاتها ميزه مش هتلقيها في اي منتدى تاني بجد
علشان بس مطولش عليكما
انا اشتريت عربيه كورسا 1200 97 من اخويا بس هي المشكلة كانت مركونه ثلاث سنوات
العربيه اخدتها عادي وكانت ماشيه مفيش مشكله
بدأت لما حطيت بنزين 80 من بنزينه كده الله اعلم بقى بدأت بقى كل المشاكل
العربيه بدأت تدور شويه وتبطل سواء بقى وانت ماشي وانت واقف على الخامس على الرابع بتبطل
المهم رحت للميكانيكي غير طرمبة البنزين ومش عارف عمل ايه تاني كده المهم ونضف البوابه المهم العربيه اشتغلت ومشيت حلو سالت الراجل العيب من البنزين قالي لا فكان عندي شوية بنزين من نفس البنزينه حطيتهم رجعت المشكله تاني وبقت تغييب في الدوارة ولما تدور تطلع دخانه سوده اوي من الشكمان
خدتها ورحت لواحد كشف اعطال قالي العيب من idel والرشاش فيه مشكله
المهم رحت للميكانيكي غير البوابه كلها وجبت واحده تانيه استيراد
العربيه دلوقتي الحمد لله كويسه
بس في حاجه العربيه لما بدورها سواء الصبح او بعد مامشي بيها الاقي صوتها علي بعدين يوطى تاني
تاني حاجه العربيه اول ما ادورها تقعد بالظبط خمس دقائق كده والاقيها بطلت ادورها تاني تدور عادي ومتبطلش
ارجو من حضراتكم الافادة لاني بجد تعبت من الموضوع ده وخاة انها اول عربية ليا

انا اسف جدا ان انا طولت عليكم

بعد اذنكم يا جماعه حد يفدني او يقولي اي حاجه