انا معايا جين2 2006 مانيول ماشيه 165.000 كم اشتريتها في اجازتي اللي فاتت في شهر 9 وركبتها 10ايام فقط وسافرت راجع .... لكن انطباعي عن العربيها ما شاء الله علي الصحراوي وحش بتسحب وتجمع بسرعة وثباتها مدهش علي السرعات وصلت بيها 180 مع ثبات ممتاز وكان لسة فيه مقارنة بعربيتي التانية هوندا سيفيك 2005 مانيوال 1500 cc معايا هنا في مكة 120 كم سرعة معقولة فوق 140 كم بتظهر مشكلة الثبات .... داخل المدينة بتحس الجن 2 تقيلة وزن وحركة و استجابة العربية بالنسبة لدواسة البنزين متأخرة و الدبرياج تقيل بزيادة مع ان العربية سحبها هايل سألت صاحبها الاولاني هي معاه من الزيرو اكدلي انة مغيرش اسطوانة وبلي الدبرياج خالص؟؟؟ مش عارف يمكن ده طبيعي مقارنة بالهوندا خفيفة جدا واستجابة سريعه باللمس.......ملحقتش احسب استهلاك البنزين لكن طبيعي 1600 cc بيكون متوسط...... فرامل الجن 2 برغم تقلها لكن عملية اكتر علشان الABS الهوندا ممكن تسحف قبل ما تقف ......كنت مسافر بالجن2 واحتجت انقل شوية اغراض ولما طبقت الكراسي الخلفية اكتشفت مساحة تخزين مالهاش حل شالت كام شنطة وسلم الومنيوم 190 سم وشوية خشب نفس الطول وشوية حاجات تانيه فعلا عملية جدا ....مكان زراير الزجاج الكهربي والمرايات الكهربا غريب ورا الفتيس فعلا مش منطقي روشتني علشان متعود علي الهوندا .....مرايات الجنب والصالون تحس انها بتاعة عربية تانية .....الكاسيت متكلف عجبني جداخصوصا الراديو صوته نقي ......العربية اجمالا ملفته في اي مكان تمشي فية ....تحس ان ليها هيبه (:.... والله وحشتني زي ما اكون سافرت وانا لسة في شهر العسل ربنا يرجعنا علي خير ....تحياتي من مكه (: