أستاذ أحمد انت ليه ماتنصحش بتوكيل أبو رواش
ده جنب شغلى جدا وإن شاء الله لما هاستلم العربية هايكون سهل أوى عليا فى الصيانة
عرض للطباعة
انت يا عمور كويس انك حتدخل التوكيل تاني ههههههه بعد التجربه دي
عككاكين إلي أبعد الحدود,, في كام مهندس هناك بدون ذكر أسامي لا يصح أن يتقال عليهم مهندسين أو بيفهمو,
أنا مثلاً عربيتي بتاخد 3.5 لتر زيت بالفلتر, كانو بيحطو لي 4 لتر دايماً,
وكانت دايماً عندي شكوي إن فيه ترشيح زيت حوالين المكنة والرد يكون أنو دا عادي ومتشغلش بالك,! :11:
في صيانة ال 30 ألف بقولو شوف محتاجة أيه في صيانة ال 30,
لاقيت واحد طالع لي بكشف فيه كل حاجة من الأبرة للصاروخ, وكاتب لي سير كاتينة وبلي كاتينة وسير مجموعة وبلي مجموعة وكل الفلاتر والتيل قدام وورا والأيريال مع كان في الشنطة والمساحات وبصراحة شكل الورقة مستفز وأنا لما كنا في الشتاء ومش بشغل التكييف ولا هشغله في الفترة دي بقوله ليه كاتب فلتر تكييف أنت شوفته ؟ أنا معنديش شكوي من روايح ولا ضعف في الهواء, قالي أصل بيجو بتحب تحافظ علي صحة عملائها ههههههههههههه بضحكة ساقعة كدا وسنان صفراء قلبت لي بطني, :facebowling:
قلت له طب ليه كاتب سير كاتينة, قالي أصل أحنا كشفنا عليه ولاقيناه مشقق كدا ومش عارف أيه,
وعرفت بعدها أنو مفكش حتي جنب الموتور ولا السير كان مشقق زي ما قال كذب,, لأني غيرت السر علي 60 ألف في غمرة ومكنش فيه شق واحد.!!
المهم أنا في الأخر قلت له غير لي زيت موتور بس ومشيت,
وكان فيه موقفين تانين حصلو واحد منهم كنت رايح أغير زيت بس وملاقتش حد يستلم مني العربية الساعة 12,30 الضهر,
بسئل بتاع الأمن فين مهندسين الأستقبال ؟ بيقولو بيفطرو !! :waaaht:
فا الأول فكرته بيهزر معايا وقلت له أنت بتهزر صح ؟ قالي لأ والله بيفطرو, :L_bhuhhh[1]:
للحظة حسيت أني في مصلحة حكومية, :oh:
بعدين بقولو هوا مش فيه حاجة أسمها مواعيد عمل والمفروض أن المركز يفضل شغال فيها وتستقبلو عربيات من العملاء لحد ما مواعيد العمل تخلص, ولو حد هيفطر ولا يتنيل المفروض يكون فيه واحد يستقبل العربيات, أيه التهريج دا,, قالي أنو مالوش دعوة وأنو أستني لما حد يطلع لي,,
فضلت قاعد في العربية تاني وأنا بغلي لأني طلعت أبو رواش مخصوص ووقفت عال محور بتاع ساعة عشان أغير زيت بس وعشان مدخلش جوا البلد,, ودلوقتي المفروض أستنا البهوات لحد ما يخصلو فطار,,
بعد حوال تلت ساعة واحد طلع مكنش ليا نفس حتي أقولو ينفع كدا ؟؟
وسلمته العربية وغيرو لي الزيت وبرضه حطولي أربعة لتر,, وبعدها بفترة لما قريت المانيوال بتاع الموتور ودا غير المانيوال اللي بيجي مع العربية عرفت أنو المفروض بياخد 3.50 لتر بس بالفلتر,
وأتصدمت أكتر بعدها بعد أما خلصت الضمان ب 3 سنين وقلت هغير زيت في بنزين مرة, وبسأل العامل كدا بختبره بقوله العربية بتاخد كام لتر تقريباً فراح قايلي 3.50 لتر بالزيت, كان هيخيلني أعيط.!
بقوله طيب واللي يحط فيها أربعة, ومقولتش بقي أنو كان بيعمولو معايا كدا في التوكيل,
قالي يبقي :beatdeadhorse5:
دي تجربة تانية لواحد عمل شغل bodywork هناك, وطبعاً علي اللي عمرو السقا حكاه قبل كدا والتصليح اللي عملوه لعربيته ال 301 في غمرة وأنها مبقتش باينة وهيا معمولة علي البارد معناه أنهم شطار ومحترفين,, ودا الفرق ما بين العك في أبو رواش ومابين الشغل النضيف في غمرة.
http://www.nilemotors.net/Nile/21225...post3874700604
المهندسين بيتنقلو بين المراكز, وانا مش حابب أقول أسامي, بس اللي عايز أقوله أن صلاح سالم وغمرة أفضل لأنك بتشوف العربية وهوا بيتعمل فيها الشغل,
وكمان نصيحة لعمرو وأي حد تابع عربيتك بعنيك, لو لاقيت حد طالع يجربها بعد ما تغير تيل أو تجربة لأي سبب أطلع قدام العربية وهيا طالعة من المركز وأركب معاه,, مش عيب ولا حد هيرفض علي فكرة, ولو حد غلس هتيبقي منه ولو أصريت هيركبك,, أنا دايماً بعمل كدا..
بالنسلة لصلاح سالم بقي الشغل فيها بيخصل بسرعة يعني بتروحها ةقبل ما تطلب الحاجة تتعمل لك, وتفكر تعد في الأستراحة هتكون الحاجة خلصت لك,,
وغمرة الشغل فيها نفس الكلام علي حسب فيه عربيات كتير ولا بس شاطرين جداً ومتمرسين عشان كدا بروح لهم بس العيب في المشوار بس,,
أيوة بتشوفها في الأتنين,,
صالح سالم كله مكشوف بتشوف العربية من الأستراحة, أو لو طلعت برة وقفت قدام مركز الخدمة وخليت المسجد اللي قدامهم في ضهرك هتبقي شايف كل العربيات وكل الشغل وهوا بيتعمل فيهم,
غمرة فيها مكانين واحد برة للصيانات السريعة زيت وفلاتر ودا جنب الأستراحة وفي وش المكان اللي بتشتري منه القطع, وفيه واحد جوا خاص بالعربية اللي بتعمل شغل في الفتيس او تغير كاتية أو بتعمر,,
لو الصيانة اللي برة فيها عربيات ممكن عربياتك تدخل جوا, بس أنا دايما كنت بعمل في اللي برة وكنت بشوفها وبروح أبص عليها, لكن في تغير الكاتينة كانت جوا,
وواضح كدا من كلامك علي كيا أن معظم اللي في أبو راوش عكاكين,,
وبصراحة منصحش حد خالص بيهم,
خليك في صلاح سالم مكانة حلو وسريع في أي وقت انت نازل فيه وسط البلد, ومش بياخدو وقت خالص.
مش بستمتع بسرد عك أبو رواش يا أكرم, دانا بتقفل كل ما أفتكرهم ولما أشوف حد أتاذي منهم زيي,
زي دا
http://www.nilemotors.net/Nile/21225...post3874700604
أنا بس بحذر الناس وبحكي علي تجربتي,,
وأنت أو أي حد ممكن يكون حظهم أحسن من معاهم,,