الموضوع: ما هو تقييمك لوكيل بيجو و مراكز الخدمه

تسلم يا airprince باشا بس انا مستغرب ازاي تغيير تيل الفرامل عند 20000 ,,,,,,, انا كنت سألت في توكيل قطع الغيار في طنطا قاللي ان تيل الفرامل بيتغير كل 50000 كيلو فهل حضرتك بتقرص غلي الفرامل جامد مثلا ؟؟؟؟ ........
و موضوع المساعدين غريب شويه ........ايه سبب انها محتاجه تغيير بدري كده ؟؟؟ انا بشوف عربيات كتيير اقل من البيجو وبيعييش عمر أطول ............... وتسلم يا كبير

المشاركة الأصلية كتبت بواسطة enas007

تسلم يا airprince باشا بس انا مستغرب ازاي تغيير تيل الفرامل عند 20000 ,,,,,,, انا كنت سألت في توكيل قطع الغيار في طنطا قاللي ان تيل الفرامل بيتغير كل 50000 كيلو فهل حضرتك بتقرص غلي الفرامل جامد مثلا ؟؟؟؟ ........
و موضوع المساعدين غريبشويه ........ايه سبب انها محتاجه تغيير بدري كده ؟؟؟ انا بشوف عربيات كتيير اقل من البيجو وبيعييش عمر أطول ............... وتسلم يا كبير

بالعكس انا اغلب مشاويري سفر، موضوع ٥٠٠٠٠ ده مستحيل واصلا هما اللي بيقول ا نغير ولا لا، الا لو هتتعامل مع نفسك بررة التوكيل و في الحالة دي تخسر الضمان، بنسبة لموضوع المساعدين انا مش فاهم ازاي، هما بيقولوا اني كلت مطب، وانا بقول لو كلت مطب المنطقي ان تللي قدام هو اللي يبوظ مش اللي ورا، واهو في الاخر غلطتي انا لاني المفروض اول ما احس بحاجة اجري عالتوكيل انا اللي استنيت لحد ما العداد قاري ٤٠٠٠٠ و طلعت برا ضمان المساعدين

و الله أنا عندى خبره سيءه مع مركز خدمه نادى السكه الحديد فى بيجو 406 كان فى ايرور ظاهر عن حاجه فى الجير بوكس و رحت و دفعت حوالى 700 جنيه فى الهوا و الراجل هناك قالى لازم نحل الفيتيس و نشيك على فلتر الزيت و حتى ما عرفش يعمل ريسيت للإيرور و كان ضعيف فى تعامله مع البرنامج الخاص على اللابتوب و مع ذلك أخدوا تمن (فحص كمبيوتر) أى كلام و خلاص. المهم غيروا سينسور كده و برده الإيرور ما راحش فا طبعا خليتوا يشيل السينسور تانى.

المهم وديتها لبتوع غمرة و ظبطوها و طلع إن السينسور ده فعلا محتاج تغيير بس إخوانا فى السكه الحديد يا إما ما عرفوش يعايروه صح يا إما الباشمهندس صاحبنا ما عرفش يريسيت الإيرور و فى كل الحالات التجربه كانت سيئه.

انا رحت مركز ابو رواش، عشان محدش يقول عليا متحامل عليهم هوريكم بالصور شغل توكيل الزبالة والمدعو بيجو
خبطة في الباب اليمين وده منظرها بعد السمكرة والدوكو ، توكيل توكيل يعني
الحتة دي كان الصاج باين عند الكسر اللي في المعجون ده وقعد عملها قدامي بقطنة وانا بستلم، لان السمكرة اصلا مش مضبوطة بس ده مش هيبان في الصورة



وطالعلي المهندس فلان يقولي انا خبرة تلاتين سنة، انا جابوني من شركة مش عارف ايه بالاسم، انا اللي اقوله لشركة التامين لازم يمشي، وانا وانا وانا وصدعني نص ساعة، ويقولي لازم تستلم العربية شوف وقول رايك.. وانا واقف البوية كانت مسيلة في الباب اليمين ورا اللي مفيهوش خبطة اصلا وقعدوا يعملوها وانا واقف، ودي للاسف مصورتهاش

الالذ من كدة انهم رشوا حاجات كلهاش دعوة، الخبطة في الباب اليمين ورا والصورة دي عند الفانوس
ولما وريتهاله قاللي لما تيجي الصيانة الجاية هنشوف



لسة مكتشف حاجة جميلة وانا بغسل العربية، ركبوا الشبكة من غير تثبيت من تحت على اساس ان الزبون مش هيبص





سمكرة ودوكو ، يعني لا محتاجين كمبيوترات ولا تكنولوجيا ويطلعلي المنظر الزبالة ده من صنايعية ومهندسين مهملين وناس معندهاش ضمير،
والله انا قلت احذر الناس من انها تتعامل هناك، وانا حمار و ستين حمار اني معملتهاش عند ناس برة التوكيل انا عارفهم ومجربهم كويس، ولو حصل ان حد من التوكيل مهتم اصلا وعايز يكلمني انا موافق مع اني متأكد ان ده مش هيحصل. والفواتير موجودة واللي عايز يهتم ابقى ابعتهاله،،

اول زياره لي فرع صلاح سالم
صيانه 20000 لبيجو 3008 ناس محترمه وسرعه في الاداء ونفس اسعار المذكوره في المشاركه السابقه
يارب يكملواعلي كده

عربية ممتازة وتوكيل في منتهى القذارة

المشاركة الأصلية كتبت بواسطة airprince

عربية ممتازة وتوكيل في منتهى القذارة

كنت عاوز اسئلك عملت الفرش فيين لان مفييش فرش جلد في التوكيل و الفرش التفصيل لازم يفك الكراسي وانا خايف من الحكايه دي ؟؟

المشاركة الأصلية كتبت بواسطة lth586

اول زياره لي فرع صلاح سالم
صيانه 20000 لبيجو 3008 ناس محترمه وسرعه في الاداء ونفس اسعار المذكوره في المشاركه السابقه
يارب يكملواعلي كده

صيانه ال 30000 وتغيير حساس المياه وطرمبه المياه في الضمان
فرع صلاح سالم cdc معامله كويسه وناس محترمه