الموضوع: عايز اركب زينون في الواطي

المشاركة الأصلية كتبت بواسطة ashouhdy

نبيل باشا والله بجد انت ان شاء الله ربنا حيباركلك بجد انت الطقمين اللي بعتهملي ماشاء الله ذي الفل لحد النهاردة

انا جاللي بقي طقم فاجر ب ٥٠٠جنية زينون h1 ٧٥واات فاجر بجد… الزينون اللي عندي جمبة باين كأنة لمية هالوجين معفنة.

تامر باشا منور البلد والله اتمني تكون بخير

بصراحة موضوع 75 وات ده محتاج معملة خاصة جدا. لو انت ناوى تشغلوا لازم تعمله ضفيرة منفصلة و تكون محملة و الريلى الحتستعمله برده يكون محمل برده لان فترة التسخين حتسحب امبير عالى جدا الاسلاك بتاعت العربية غالبا متتحملهاش
و برده لو مكانك مش حركبهم على كشفات العربية لان مع فترات تشغيل طويلة حيكون فى تأثير على العواكس بتاعت الكشفات.
ممكن على auxiliary lights و تشغلهم وقت اللزم بس لانهم حيطحوا القدامك

المشاركة الأصلية كتبت بواسطة dr_darsh

بالنسبه للزينون .... كل الزينون بيحتاج يسخن بس بيختلف من نوع لنوع اللى عندى صينى بياخد من 5-10 ثوانى وكنت مركب قبله نوع كورى اسمه HID-Plus من شركه اواب كان بياخد حوالى 2-4 ثوانى حتى الاصلى انا عندى فانتازيا فيها زينون الاصلى هيلا 35 وات اول ما بينور بيدى لون ازرق وبياخد حوالى 2-4 ثوانى على ما ياخد اللون الاصلى بتاعه بس مابيضعفش زى الصينى يعنى على ما يسخن نفس قوة الاضاءه الفرق فى اللون بس ..... غير الصينى بيهدى خالص وبعدين لما يسخن يقوى شويه شويه ........ فى نوع صينى من الموديولات اسمه x3 و x5 الانواع دى انا شفتها على النت وبتاخد من 1-3 ثوانى علشان تسخن حسب حراره الجو بس ما اعرفش تجيبها من مصر منين ......

وطبعا حضرتك لازم تكون عارف ان فيه فرق بين الزينون الغالى والرخيص كله بتمنه انا شفت زينون يابانى الموديول الواحد ب 2000ج طبعا بيسخن فى ثانيه واحده .... وعلى فكره مافيش زينون نوع محترم زى الاوسرام والفيليبس والهيلا بينزلوا غير ال 35 وات كل الزينون ال oem او الاصلى بينزل 35 وات

برده وقت التسخين بيفرق من مرة للتانية يعنى بيكون اول مرة و اللمبة باردة خالص اطول من تانى مرة لو قفلت اللمبة و نورتها تانى

انا عندى موديولات F3 فعلا التسخين فيهم سريع جدا و هما هما X3 بس ال X3 بيكونوا لل Canbus للعربيات الفيها موضوع التكويد
كان فى فيديو مقارنة بينهم و بين موديولات بتاعت Matsushita و koito البينزلوا فى اليبانى و الليكزس

المشاركة الأصلية كتبت بواسطة تامر.محمد

عندي , لما باوطي العدسات لأوطى مستوى الاضاءة قدامي كثافتها بتبقى معقولة
لما باعليها افصى حاجة المدى بيبقى معقول بس بتبقى الكثافة مش حلوة خصوصا في النقط البعيدة
هاصوره حاضر النهارده بالليل و ارفع الصور ان شاء الله
حتة ان الزينون المحترم بينزل 35 بس دي لغفنتني بصراحة !!!

لما تصورهم قلل exposure rate او ممكن contrast فى بعض الكاميرات عشان شكل الاضاءة يطلع واضح و لو فى حاجة تتشاف بسهولة و الافضل كل جنب لوحده عشان يبقى اوضح

و ده الفرق فى ال exposure rate القصدى عليه

high exposure rate

http://i59.photobucket.com/albums/g2.../DSC_2724h.jpg

low exposure rate

http://i59.photobucket.com/albums/g2.../DSC_2725h.jpg