لا الناس قالت عكس كلامك فى موضوع البيجو باجماع
عرض للطباعة
حضرتك بتقارن ما بين عربيتين premium exuctive يعنى فروق اسعر قطع الغيار مش عتفرق فى القرار لانها فروق اكيد بسيطه ، طبعا الانتشار للبيحو لانها بقالها سنه او اكتر وده هيفرق فى توافر قطع الغيار
عموما اى عربيه جديده مش هتحتاج غير الصيانات الاساسيه على الاقل اول سنتين لاربع سنين غير لا قدر الله اى شئ عارض
انا فى الشكل اميل اكتر للانسجنيا وشوفتها منتشره خارج مصر اكتر بكتير من ٥٠٨
بالنسبه للتوكيل ممكن يكون فى صالح البيجو لسبب بسيط لانه لسه واخد الوكاله من فتره بسيطه على حد علمى وعايز يرجع سمعه اليجو تانى لمصر ، بالنسبه لمنصور ماهواش سئ اوى طول مالموضوع صيانات وانا اتعاملت معاهم فى الشيفروليه والاوبل ومكنش عندى مشكله
المشكلة فى العموم سمعه الوكيل دى تتحط تحتها كل حاجة يعنى لو تفتكر البيجو من 3 سنين كانت فى الارض ولا حد بيقارب منها الا اللى مش فارق معاه فلوسه
مهما كانت العربية حلوة توكيلها بيقومها واكبر دليل فى ده الكيا والهيواندى وتوكيلتها فى مصر هما اللى عاملين الشغل ده ليهم
وبعيد عن الكورى لو توكيل الاوبل كويس هياكل ناس كتير منها التويوتا والهوندا والفولكس والسكودا
انت معاك حق بس عدد العربيات الاوبل اللى فى مصر مش قليل وده اكيد يدى انطباع بحاجه من اتنين
اما التوكيل كويس
او ان العربيه نفسها كاوبل افضل من انها تحتاج توكيل نضيف يسوق ويعمل صيانه
مع العلم ان الاوبل فى مصر تقريبا موديلين تلاته بس كورسا واسترا وفيكترا
شوف ماشاء الله كام نوع كورى ويابانى
يبقى النتيجه ان انتشار الاوبل فى مصر راجع لسبب من الاتنين اما العربيه اصيله وحلوه او ان توكيلها نضيف وفى كلا الحالتين العميل كسبان
بالتوفيق ان شاء الله
كلام سليم العربيات نفسها كويسة و بتتحمل البهدلة يعني شوف الفكترا من 93 و 95 و لسة شغالة زي الفل هو التوكيل كصيانة كويس بس حرامي شوية يعني يقلك غير كذا و هو مش محتاج او عمره الافتراضي لسه شوية و انت مش حاسس بتأثيره و غالي حبتين عن بقية التوكيلات بس اما تيجي تشوف توكيل bmw بيظبط الناس ازاي في حاجات و عيوب صناعة و قرف التقفيل المصري هتلاقي الاوبل ارحم كتييير .
بصوا يا جماعه انا مختلف معاكوا في جزئيه سمعه التوكيل هو سبب عدم انتشار العربيه
طيب كلوكوا عارفين ان منصور معاه توكيل شيفورليه وكلنا عارفين انتشار الشيفورليه قد ايه في مصر بيتهيقلي الواحد ميدخلش شارع الا لما يلاقي علي الاقل خمس عربيات
الموضوع باختصار معتمد في الانتشار اسعار قطع الغيار وسعر السياره نفسها ويبص علي resale بتعها سعر الييع هو انا بشتري وبفكر في الي حيركب بعدي
واحنا شعب عايز ابو بلاش
وبستعجب من الي بيقارن دايو باوبل في قطع الغيار واي عربيه محققه انتشار اكيد قطع غياره ببلاش الا ربع وعند البقال زي الفرنا
وبنبصش علي عوامل الامان والمتانه في عربيات واخده سمعه في السوق وهي في الاساس ملهاش وجود في بلاد تانيه
تقبلوا مروري