الموضوع: رايك فى توكيل الاوبل

المشاركة الأصلية كتبت بواسطة haisam ali

زباااااااااله جدا ! مره كنت فى توكيل العامرية وكان معايا عربيه اوبل كورسا ٩٩ موتور ١٠٠٠ سى سى ماكنوش عارفين يخشوا للعربيه سكه وماكنوش عارفين بتاخد كام كيلو زيت فى الموتور بجد توكيل سىء للغايه

بداية مبشرة جدااااا لما نشوف راى باقى الناس التوكيل ده من اهم حاجة فى العربية

المشاركة الأصلية كتبت بواسطة ashourashour

طبعا انتم فاكرين الناس اللي في التوكيل دي بتاخد ترينينج في المانيا
وبياخدوا مرتبات حلوه ترضيهم وتخليهم يشتغلوا .... طبعا المفروض تشتغل بضمير ايا كان المرتب بس قابلني
وكلهم خريجي كليه هندسه ... مش عشان بتوع هندسه عباقره لكن ده اللي اعد يزاكر فيه وادي العيش لخبازه
ومعاهم كتالوجات العربيات .
وفي مديرين محترمين بيشرفوا عالمهندسين اللي تحتهم

المنظومه كلها غلط من اولها لاخرها زي كل حاجه في البلد

ياراجل كبر مخك

شوف العربيه الاحسن .... طبعا اوبل و فكك من التوكيل ... كله زباله بدرجات

ماشى يا كبير كلامك سليم بس فيه توكيلات معقولة وغيرها تعبان وده بيبان فى انتشار العريبة يعنى كوريا اللى مخليها كده توكيلاتها واسعارها

الاوبل الانسيجينا متترفضش بس لما تدخل وتشوف كلام الناس عن التوكيل واسعار قطع الغيار جاب العربية الارض

المشاركة الأصلية كتبت بواسطة abdo taha

عموما الانسجنيا عربية متتعوضش و متعرفش منصور هينزل الشكل الجديد منها اللي المفروض ينزل بعد كام سنة كده 6 سنين و لا حاجة ثانيا دي الماني تقفيل الماني في المصنع الرئيسي فيrüsselsheim
و إن شاء الله متعملش مشاكل كفاية انها اول ما نزلت في 2008 كانت واخدة جائزة أفضل سيارة لهذة السنة غير 26 جائزة اخرى شوف بقى موديل 2014 اكيد محسنينه اكثر كل اللي معكنن علينا عم منصور بس زي ما استاذ عاشور قالك انت راكب العربية من اجل التمتع بيها و جايب زيرو عشان متسألش على الاعطال غير بعد 3 او 4 سنين كمان

كلامك تمام يا باشا بس برده السواقة فى البلد مش اللى هى يعنى مثلا اقل تقدير مراية تتكسر جلدة ولا فانوس يتكسر ماروحش عنده الاقى اسعار وهمية

اانا شفت واحد كاتب على جروب منصور فى الفيس عن جلدة فانوس الاشارة فى الاسترا ب 350 جنية دى تجيب فانوس عربية فيرنا ولا لانوس مش للدرجة دى

المشاركة الأصلية كتبت بواسطة abdo taha

ما هى المشكلة في كده طب شوف كده اسعار قطع غيار البيجو ممكن تكون اهدى شوية بس عموما الفئة دي قطع غيارها اغلى بس اسأل على قطع غيار الاتنين و لو البيجو حنينة جبها و مش هتندم و عربية جميلة فعلا بس خلي بالك ان فيها مشكلة خطيرة هى ان يعتبر مفهاش اكصدام يعني خبطة منها للشنطة و ربنا يسترها علينا من كل سوء .

كلوا بيشكر فى قطع غيار البيجو من ملكها بس شكلها مش عاجبنى انا قلت يا اوبل يا ليمتد