الموضوع: للبيع 93 حبة Lipo 6 Black حارق الدهون للاعبي الرياضة

المشاركة الأصلية كتبت بواسطة Y a r i s

ابو اسر كنت عاوز اسئلك عن الحبوب وكده ... وتفيدنا من واقع خبراتك ياغالي

لا مؤاخذة يا ياريس اتأخرت في الرد أصلي كنت موقوف أسبوع !
المهم أنا ولا خبرة ولا حاجة ، أنا الكابتن بتاع الجيم قالي خد الحبوب دي هتساعدك على تنزيل الدهون واشتريتها وبعدين دورت على النت لقيتهم بيقولوا الحبوب دي مضرة وبتأثر على حاجات كتير على المدى البعيد وإنها مش بتخضع لرقابة صارمة من الحكومة الأمريكية والحكومة مش بتمنعها غير بعد ما الناس تشتكي منها ويبدأ يظهرلها أعراض جانبية ! يعني رقابة بعدية مش قبلية المهم أنا جازفت واشتريتها وأخدت كام حباية كده فحسيت بتسارع في ضربات القلب وأنا بلعب عن المعدل الطبيعي وشوية دوخة وعدم توازن وتسارع في التنفس فقلت بلاها وبيعتها بخسارة زي ما انت شايف لكن الله أعلم ممكن يكون في أجسام تانية بتتأقلم معاها
بس وأنا بدعبس في النت تاني قرأت موضوع صاحبه قال إن توجد ادوية طبيعية للتخسيس وليس لها أضرار مثل "كروماكس" أو "هاي كروم" أو أي حاجة بتحتوي على مادة الكروميوم وبرده حاجة اسمها Top Ging cap
بس بصراحة مش متأكد من الكلام ده ومجربتش برده فالأفضل تسأل
لكن أنا حاليا باخد بودر مكمل غذائي اسمه Myofusion وده المفروض إنه مكمل غذائي وملوش أعراض بالعكس ده مفيد لتعويض الجسم عن المواد الغذائية اللازمة وبقالي فترة باخده وماشي عليه تمام ومفيش أي مشكلة