اكسسوارات النيو صني ..

**shady_mohamed** · 21-11-2013 04:00 AM

السلام عليكم ورحمة الله وبركاته
كنت بادور علي اكسسوارات للنيو صني علي النت فلقيت في موقع امازون قطعه اعتقد من خبرتي اللي مش موجوده اصلا انها وظيفتها بتقفل الازاز بعد ما بتقفل العربيه زي وحدة الرفع كدا .. فالخبراء هنا بقي يفيدونا في الموضوع دا ..
اللينك Amazon.com: Car CAN OBDII Auto Window Closer Controller for NISSAN TEANA/Qashqai/Sylphy 2008/New Sunny//X-trail/Livina/Old versa 2008/Qichen D50/Dongfeng A60/TIIDA: Automotive
وهل في اي اكسسوارات نزلت للنيو صني في اي حته في مصر !! انا مش لاقيلها اي حاجه خالص ..
بس لقيت ع النت اكسسوارات كتير جدا ليها وفوانيس متعدله وكل حاجه بس الاسعار مبالغ فيها خاصة ان الحاجات دي صيني والخامه بتاعتها مش هتتعرف غير اما تمسكها في ايدك _ ارجو الافاده

**amreldieb** · 21-11-2013 10:58 AM

تحفة الجهاز ده :) و ميزته انه مش محتاج لعب في العربية و لا ضمان و لا حاجة .... اعتقد ان فكرته انه قاعد يسمع الاوامر الي على ال "CAN Bus" و لما يلاقي تسلسل معين يبعت امر اكنك دايس على زراير الازاز الكهرباء... فكرة بسيطة و رخيصة و سهل تركيبه ....

لو ينفع نجمع بعض و نجيبه من الموقع يبقى شئ جميل :)

شكرا لمشاركتك الجهاز معانا :)

**shady_mohamed** · 21-11-2013 05:48 PM

ياريت والله لو نجمع بعض ونعمل اوردر لو هو فعلا كدا يبقي ممتاز جدا جدا .. لان مفيش اي لعب في الضفيره وتركيبه شكله سهل جدا ومفيهوش مشاكل ..
هو التوكيل هنا بيركب وحدة رفع ولا بيركب القطعه دي !! وتكلفة الموضوع دا كام في التوكيل ؟!

**essa144** · 21-11-2013 07:06 PM

و حياه ابوكو لو هتجبوه اعملو حسابي معاكو

**omar shaker** · 22-11-2013 02:45 PM

حد يفهمني ايه ده عشان مش فاهم بصراحه

**shady_mohamed** · 23-11-2013 02:15 AM

المشاركة الأصلية كتبت بواسطة omar shaker

حد يفهمني ايه ده عشان مش فاهم بصراحه

هو لغية دلوقت مش متاكدين دا لأيه

بس اللي وصلناله انه بيقوم بدور وحدة الرفع _ فيا مسهل احنا في انتذار حد من الخبراء يحن علينا ويأكدلنا دا ايه بالظبط وهنعمل اوردرع طول ان شاء الله :0002014a:

**احمد كاكتوس** · 23-11-2013 03:16 PM

السلام عليكم
هوه مفيش وحدة رفع في الex ولا السوبر صالون ولا انا مش فاهم ؟

**shady_mohamed** · 23-11-2013 04:11 PM

هو فيه وحدة رفع في التوكيل .. في ناس هنا عملوها في التوكيل بس هل التوكيل فعلا بيركب وحدة رفع ولا بيركب القطعه دي ؟!
احنا محتاجين حد من الاخوه اللي ركبو وحدة رفع في التوكيل يقولولنا ايه نظامها وسعرها كام وهل هما اتركبلهم وحدة رفع ولا القطعه دي ؟!
اصل التوكيلات هنا بتستهبل فلو القطعه دي ارخص واحسن احنا اولي بالفرق والجوده

**medo-312** · 23-11-2013 05:15 PM

القطعة دى وظيفتها رفع زجاج السيارة .. يعنى لو نسيت تقفل زجاج السيارة أو عملت لوك للعربية الزجاج يتقفل اتوماتيك واللى فهمته من الموقع انه فاضل 7 قطع بس

**shady_mohamed** · 23-11-2013 09:38 PM

المشاركة الأصلية كتبت بواسطة medo-312

القطعة دى وظيفتها رفع زجاج السيارة .. يعنى لو نسيت تقفل زجاج السيارة أو عملت لوك للعربية الزجاج يتقفل اتوماتيك واللى فهمته من الموقع انه فاضل 7 قطع بس

انا شوفت القطعه دي في كذا موقع مش في امازون بس .. احنا بس نعرف هتتركب ازاي وان شاء الله نقدر نجيب للناس المحتاجه كلها