الموضوع: الغرب المتحضر !!

المشاركة الأصلية كتبت بواسطة mohab.nabil

هما اه احسن مننا دلوقتى بس هما مش ناس عظيمة زى ما ناس كتير فى مصر فاكرة

هما ليهم جوانب كويسة و جوانب وحشة و انا عايش اهو بقالى 3 شهور فى دولة اوروبية كبيرة و بشوف بنفسى حاجات مقرفة انسانيا بعيدا عن الدين عشان دا طبعا مش موجود هنا خالص

هما ناس عادية زينا بس عندهم التزام و نظام و شغل جد عشان كده هما متقدمين و احنا بنحب النوم و الكسل عشان كده احنا دايما وراهم و مش هنتقدم الا لما نشتغل كلنا بجد و نبطل كسل و فهلوة

الموضوع باختصار شديد جدا إن ربنا لا يضيع أجر من أحسن عملا ولأنهم بيجتهدوا ويفكروا وينتجوا وتوافقوا على عدم الغش وعدم الكسل وعدم الجشع وعدم الرشوة والمحسوبية ... إلخ فتقدموا لأنهم أخذوا بأسباب التقدم وعلى العكس احنا تخلفنا وتدهورنا لما بعدنا عن ديننا وبعدنا عن الأخذ بأسباب التقدم فكانت هي دي النتيجة الحتمية أما لو رجعنا لديننا وطبقناه تطبيقا صحيحا وتمسكنا بأخلاق الإسلام الحقيقية فهنتقدم عنهم بمراحل لأنهم أخذوا بالأسباب المادية للتقدم فقط أما نحن لو أخدنا بالأسباب المادية والمعنوية والروحانية فهنتقدم عنهم ونفوقهم لأن ديننا لم يترك شيئا حسنا إلا وأمرنا به ولم يترك شيئا سيئا إلا ونهانا عنه أما هم فانظر إلى التفكك الأسري عندهم وانتشار الزنا والفواحش مما يترتب عليه انتشار الأمراض والأوبئة الغريبة واختلاط الأنساب والاعتياد على الدياثة فتجد الرجل يقبل زوجة صاحبه أمامه بلا أي مشكلة وفي ناس فاهمة غلط إن هو التقدم ولذلك بيحاولوا يقلدوهم في العادات القبيحة دي فقط مش بيقلدوهم في العادات الحسنة زي الاهتمام بالوقت واحترامه وإيفاء العهود واحترامها والعمل بجد وإخلاص وكل الأمور دي ديننا أمرنا بيها لكن في ناس بتحاول تقلد غيرها وتمسكت بالفرع وتركت الأصل
نسأل الله أن يردنا إلى دينه ردا جميلا