الموضوع: اريد سرعة العربية تتخطى ال 120 فهل من حل؟

عندي تعليق على ان السبب ممكن يكون ان الباب التاني في الكربرتير فيه مشكلة او مش بيفتح طيب ما هو فيه عربيات كربرتيرها باب واحد و بنجيب سرعات عالية ازاي

المشاركة الأصلية كتبت بواسطة MOHAMED ABD EL SHAFY

اريد اقتراحات وحلول لجعل العربية تجرى بسرعة اكثر من 120 كيلو متر فى الساعة - اريدها تصل الى 160 كيلومتر ساعة
حيث انها فى السفر تسير على 120 وتكاد لا تتعداها الى 130 فى المنحدرات

أخي الكريم في الحقيقه في عوامل كتير اوي بتحدد أداء العربيه زي ما الاخوة شرحوا هنا بداية من حالة الموتور مرورا بحالة الكهربا و ضبطها و حالة الكاربراتير و سلامة و نظافة البيكات اللي فيه, وصولا الي ايروديناميكية العربيه ( بمعنى مثلا ماتكونش حاطط شبكة على السقف من غير داعي و انت مش بتستعملها ) حيث وجد انها على الطرق السريعه بتزود استهلاك البنزين بنسبة 20 % و طبعا بتقلل في الأداء .

مع أخذ ده كله في الاعتبار برده في حاجه ممكن تتطمن عليها , و هو دايافرام ( Diaphragm ) الباب التاني في الكاربراتير واللي مسؤول انه يفتح الباب التاني على السرعات العاليه و الحمل القاسي, وهو عبوة فاكيوم سوده صغيره راكبه في الكربراتير و مثبته امام كامة الباب الأول للكاربراتير و نازل منها عامود مربوط في كامة فتح الباب التاني , الدايفرام ده طالع منه خرطوم صغير مثبت في الكاربراتير نفسه من الطرف الاخر , تحت الحمل القاسي والسرعة العاليه الكاربراتير بيشفط هوا من الخرطوم ده و يخلق ضغط منخفض ( Vacuum ) في الدايفرام فاعامود الدايفرام يتحرك لفوق و يفتح الباب التاني, ممكن اختباره ( وللأسف هاتضطر لفك العمه لسهولة الوصول ليه ) ,والعربيه مبطله, هاتفك الخرطوم ده من ناحية الكاربراتير ( مش العكس ) و تحرك كامة الباب الاولاني كائنك دايس بنزين على الاخر ( او تخلي حد يدوس على الاخر ) و من غير ما تسيب دواسة البنزين ( او كامة الباب الأول ) هاتشفط ببقك من الخرطوم ده مع ملاحظة تحرك العامود اللي في الدايفرام لأعلى لفتح الباب التاني , ( لو ماتحركش معاك او لقيت نفسك بتشفط عادي من غير أي مقاومة يبقي الدايفرام ده بايظ ) وللأسف مفيش منه جديد و حاول تجيبه استيراد او تخلعه من كاربراتير قديم بس يكون شغال ,
لو اتحرك معاك يبقي العيب مش هنا و في مكان تاني, أتمنى أكون قدرت أساعدك :)