الموضوع: شكرا كيا السبع .

السلام عليكم

امبارح الصبح اتصلت و حجزت كشف على العفشه للسيراتو فى كيا السبع .و بقول لخدمة العملاء فى التليفون ينفع انهارده .قالتلى ينفع و اتفضل معادك الساعه 12 ظهرا .
المهم حصلى ظروف و رحت متاخر و كنت محرج منهم .بادوات و معدات و دقه عاليه و سرعه ايضا
دخلت التوكيل .استلموا العربيه بدون تاخير . و معامله و مقابله كويسه جدا من اول الامن حتى الاستقبال و المهندسين و الفنيين . و طلعت الاستراحه كبيره فعلا و نضيفه و تقدر تشوف عربيتك و انت فى الاستراحه كويس جدا . و قدمولى مشروب مجانى بس كان كبير جدا .كبتشينو لارج جدا .

فحصوا عفشة العربيه و قالولى العربيه سليمه مفيهاش اى شىء غير المساعد امامى يمين ضارب .
و يجب تغيير 2 مساعدين . و تم بالفعل .و قولت لو فى اى شىء بايظ و عاوز يتغير غيره بالمره قبل ما نطلع نجرب .
المهم تم تغيير المساعدين بدقه عاليه و سرعه .
طلعت مع المهندس نجرب العربيه . و جربناها فى كذا طريق .منها المكسر و منها السريع و المطبات و غيرها .
المهم الحمد لله ان العربيه ظبطت و صوت الترزيع و التخبيط راح منها و بقت انعم فى المطبات و الحتت المكسره.و بقت فى الغرز تمام الحمد لله و مبقتش تميل فى الملفات زى الاول .

بصراحه يا جماعه انا تعبت المهندسين معايا .
احب احى و اشكر كل المهندسين و خصوصا المهندس اللى جرب معايا العربيه . عشان بجد تعب جامد جدا .و قعد يختبر العربيه فى كذا حاجه .
اصلى قولتله ان قالولى العربيه عاوزه جلب و علبة دركسيون و بيض و قواعد و كده .
وقف مع الفنى و شافوا الحجات دى كلها و قالى العربيه سليمه 100% . و مفيهاش غير المساعد الامامى و بعد التغيير جربنا العربيه و شوفنا كل شىء و كله تمام .و كان فى صوت ونه كده غريب و رجرجه .طلع من البلالين اللى فى الكوتش ههههههههههه .بس بصراحه مهندس عبقرى انه قدر يعرف كل شىء فى الاختبار .

احب اشكر كيا السبع و كل المهندسين و الفنيين .
اخر ملحوظه : احمد مصطفى منسق قسم نيسان .عامل شغل عالى اوى فى التوكيل و سيطه مسمع حتى فى كيا .و يعتبر وسطه كبيره اوى هناك و كل الناس بتحبه جدا .
يا رب نقدر نعمل زيه .
و ربنا يوفقه و يزيده احب احييه على مجهوده فى نيسان .