ماذا رأيت في مشاهدتي لسيارة 2107 زيرو
السلام عليكم
في ظل تقمصي لشخصيه ابن بطوطه في بحثي عن السيارة الاولي في حياتي
وفي ظل انبهاري وحبي الغير مبرر للـ2107 وطموحي في امتلاكها زيرو
وجدت الاتي......
روحت احد الموزعين المباشرين للامل بسأل عن السعر لاقيته 54.5 رغم انه في المصرية بـ 52 بس
كان معايا سواق تاكسي وظبطني معاهم فوروني العربيه بكل تفاصيلها ولاحظت الاتي:
1. العربيه كراسيها غير مريحه وضيقه من الخلف
2. بها كاسيت سي دي ويو اس بي وسنتر و هاف باور
3. اللي فاجئني وعصبني جدا كل العربيات الجديده الكبوت جاي معوج مش راكب في مكانه بالظبط اقصد ان فتحه الريداتير اللي قدام مش متجمعه فوق بعض بالظبط
وطبعا ده اداني ايحاء بان العربيه ملوخيه من جوا طالما التقفيل بايظ بالشكل ده
والمهم البائع طبعا قعد يشتغل فيا ويقول دي اخر سنه حتنزل بعد كدا في الجرانتا واي كلام
سؤالي بقي الجرانتا دي ايه حكايتها واستناها ولا لا
ولو انا ناوي اجيب التابوت 2107 المصري حيبقي زيرو كويس ولا حرام ؟؟!!!
