ماذا رأيت في مشاهدتي لسيارة 2107 زيرو

**م.أحمد الدسوقي** · 21-11-2013 02:35 PM

السلام عليكم

في ظل تقمصي لشخصيه ابن بطوطه في بحثي عن السيارة الاولي في حياتي

وفي ظل انبهاري وحبي الغير مبرر للـ2107 وطموحي في امتلاكها زيرو

وجدت الاتي......

روحت احد الموزعين المباشرين للامل بسأل عن السعر لاقيته 54.5 رغم انه في المصرية بـ 52 بس

كان معايا سواق تاكسي وظبطني معاهم فوروني العربيه بكل تفاصيلها ولاحظت الاتي:

1. العربيه كراسيها غير مريحه وضيقه من الخلف

2. بها كاسيت سي دي ويو اس بي وسنتر و هاف باور

3. اللي فاجئني وعصبني جدا كل العربيات الجديده الكبوت جاي معوج مش راكب في مكانه بالظبط اقصد ان فتحه الريداتير اللي قدام مش متجمعه فوق بعض بالظبط

وطبعا ده اداني ايحاء بان العربيه ملوخيه من جوا طالما التقفيل بايظ بالشكل ده

والمهم البائع طبعا قعد يشتغل فيا ويقول دي اخر سنه حتنزل بعد كدا في الجرانتا واي كلام

سؤالي بقي الجرانتا دي ايه حكايتها واستناها ولا لا

ولو انا ناوي اجيب التابوت 2107 المصري حيبقي زيرو كويس ولا حرام ؟؟!!!

**mahgoup** · 21-11-2013 02:53 PM

عربية كويسة وبتستحمل وغيره من الكلام الكويس ....بس بعد سنتين تلاته حتحب تغير علشان تجيب عربية مريحة فالافضل انك تجيب حاجه استعمال بس مش لادا طبعا لانوس شيفروليه هيونداى بالمبلغ اللى معاك واى حاجه من دول لو حبيت تغيرها حيكون على الاقل بعد10 سنين ومش حتخسر كتير بساللادا بد 3سنين حتخسر فيها على الاقل 20الف وحتكون بحاله كويسه....ونشوف برضوا راى الاخوة الاعضاء همه يعرفوا احسن منى...واسف على الاطالة

**amr011111** · 21-11-2013 03:11 PM

لا طبعاً ابعد عند اللادا زيرو لوعاوز لادا هاتها مستعمله لانك هتلاقى حالات فى المستعمل كويسه وتبقى وفرت مبلغ كويس

**Eng_hatemfathy** · 21-11-2013 03:20 PM

يا باشا ارجع لمشاركتى اللى كتبتهالك لما سألت على عربية للتعليم وطلع ملاحظة واحدة ليك مش مكتوبة عندى
حتى موضوع التابوت ده -دى اسمها عندى -ههههه
بالتوفيق
عليك وعلى ريجاتا او شاهين او دوجان اتعلم فيهم وبعد كده ظبط حاجه كورى معقولة او حس ميزانيتك ساعتها >بعد الجواز<

ربنا يوفقك

**Eng_hatemfathy** · 23-11-2013 08:59 PM

ههههههه-ربنا يوفقك للخير -توكل على الله واتعلم اسبوعين فى معهد وبعد الاسبوعين اجر منهم العربية بالمدرب برايفت وبعدين انزل سوق الجمعة او من كونتاكت وقع شاهين او دوجان معقوله قضى بيها سنه ولا اتنين وبعد كده شوف ظروفك ايه وهتقدر تجيب ايه وربك كريم