كنت عايز اسعر شقة 65 متر بحصة في الارض في الشرابية على شارع مرصوف عرضه 18 متر
و احب اعرف متر الارض المبني عليها في نفس العقار يبقى بكام
عرض للطباعة
كنت عايز اسعر شقة 65 متر بحصة في الارض في الشرابية على شارع مرصوف عرضه 18 متر
و احب اعرف متر الارض المبني عليها في نفس العقار يبقى بكام
اعتقد انك هتبيع الشقه بس وملكش حق فى بيع الارض
هى الشقه بتتمن كسعر شقه ومش هتضيف عليها تمن الارض بس بينكتب قى العقد ان المالك له حصه فى الارض ( يعنى مش هتحسب متر الارض بكام ومتر الشقه بكام وتضيفهم على بعض )
بالنسبه بقى للورثه اللى ليهم حصة فى الارض هيخدوا فلوسهم من تمن الشقق
يعنى لو الشقه اتباعت ب 100 الف مثلا يبقى هتتفقوا مع بعض ان الشقه ب 70 الف والارض مثلا ب 30 الف على مساحه الشقه يبقى متر الارض بكذا
وفى انتظار اراء بقية الاخوه
و نسبة الارض من الشقق بتتحدد بناء على ايه بالظبط ؟
انا عشان كده باسأل على سعر متر الارض المبنية
انت شوف سمسار فى المنطقه يحدد سعر الشقه التمليك بكام لو مثلا ب 100 الف
يبقى بالتراضى بينكم اتفقوا على ان الشقه 60 فى المائه والارض 40 فى المائه
وكل مالك شقه هيدفع 40 المائه كنسبه امتار الشقه فى الارض
انا قولت نسبة 60 شقه و40 ارض على اساس ان الشقه اتشطبت
فعلا الشقه بتتباع كشقه و يتقال ان المالك ليه نسبه من الارض ...
انا مش فاهم ازاى فى حد ليه فى الارض و ملوش فى شقه؟
المفروض نسبة الارض بتبقى حسبة الشقه مساحتها اد ايه من اجمالى مساحات الشقق ... يعنى لو شقه اجمالى مساحتها 150 متر (بالمنافع و الخدمات) و تجمع باقى مساحات الشقق كلها (بما فيه ال 150 متر بتوع الشقه) و طلعو مثلا 1500 متر يبقى مالك الشقه ليه 10% من مساحة الارض (لو الارض اصلا 500 متر يبقى هو ليه فيهم 50 متر على المشاع)
لو فرضنا ان فى حد ليه فى الارض و ملوش شقه و معروف ليه كام متر يبقى يتخصم من مساحة الارض الكليه و الشقق تتقسم كنسبه من مساحة المتبقى من الارض .... طبعا لو الموضوع ورث و المفروض كله ليه نسبه من الارض غير الشقق يبقى الكلام هيختلف شويه و ساعتها الارض هتتوزع حسب نصيب كل واحد و اللى ليه شقه و بيبيعها هيزود نصيبه فى الارض كتمليك للمشترى (ان المشترى ليه حصه فى الارض قدرها كزا متر) بس مش هيدفعه تمنها لانه دفعها كده كده فى الشقه كمان تمن الارض فاضيه غالى قوى بس مجرد ما بقى عليها مبنى التمن لا يذكر لانه متاخد فى تمن الشقق
لو لا قدر الله العماره وقعت او اتهدت ساعتها الارض و نصيب كل واحد بيفرق لان التمن بيكون غالى
المشكلة القائمة ان المنزل ده الميراث اللي منه هو الارض و الاساس و مباني الدور الارضي فقط , و الادوار الاخرى مملوكة لورثة بنوها في حياة ابوهم
فاللي ما بناش ميراثه في مباني الارضي , و في الارض اللي مفروض بتتقسم على الشقق زي ما بتقول , يعني يملك في حصة الارض اللي في شقة ما , بالمشاركة مع اللي بناها
و بالتالي لازم تقييم حصة الارض عشان يتدفع له حقه
دي المعضلة