الموضوع: قدر الله و ما شاء فعل

المشاركة الأصلية كتبت بواسطة moh158

مش عارف اقول ايه بس عربيتي فلوانس فيس ليفت لسه ماشية ٣٠٠٠ اتخبطت

سبحان الله كنت لسه بفكر اركبلها باركنج سنسور بس القدر.

انا حبيت اشارك معاكم اللي حصل علشان بس تاخدوا بالكم من العين، فعلا كما قال النبي صلي الله عليه و سلم " العين حق"
نازل اقضي مشاوير قابلت واحد فضل يفصص في العربية و يقولي لأ جميلة و انت غاوي رينو شكلك -علشان معايا ميجان ٢ و جبت فلوانس - و كلام خلاني اتقبض.

بس الحمدلله الخبطة بسيطة فانوس خلفي مع جرح في الاكصدام.

من الاخر العربية فعلا بتشد الانظار بس خلوا بالكم من العين و لا تنسوا قراءة المعوذتين و دعاء الركوب.

اسألكم الدعاء

انا حاسس بيك والله والحمد لله انها جت لحد كده انا عربيتي الفيس ليفت برضه وزي مانت بتقول كده العين الناس بقت وحشه اوي وبتستكتر علي الواحد الحاجه وخصوصا لو شاب حتي لو عارفين انه جايبها من شقاه .
كنت بزف واحد صاحبي والعربيه متزوقه وهي لونها فضي ولس ماجابتش ال 7000 كيلو وماكملتش 4 شهور واحد صاحبي دخل في الاكصدام الوراني العربيه اتكلفت 9 الاف جنيه وغيرت الاكصدام ودلوقتي الشنطه بيخشها تراب اكتر من الاول وساعات مياه لو اتكوا عليها ف المغسله ووديتها مرتين التوكيل بس طبعا للاسف مهم عملوا عمر الصاج مابيرجع زي الاول.الحمد لله انها بتيجي في حاجه زي كده والمهم تكون انت واهلك بخير في ستين داهيه العربيه اللي مزعله الناس دي ده فدي شعره من راس ابنك او بنتك
وده الموضوع بتاع الحادثه بتاعتي
http://www.nilemotors.net/Nile/375155-a.html

المهم لو هتحتاج تغير الفانوس هات الاصلي من التوكيل ب 1100 جنيه الحمد لله سعره مش غالي اوي عشان شكل العربيه يبقي كويس