عرض للطباعة
السلام عليكم
انا معايا نيو صني عامله 1000 لسه الصيانه
في حاجه لاحظتها مش عارف دي وسوسه ولا ايه
اما بنكون علي ال p الدركسيون بيكون مفهوش اي حركه او زنه او زي vibration بس خفيف مش يتشاف
اما بجيب ال D او ازود وانا واقف او امشي بيكون في زي زنه في الدركسيون متتشفش بس تتحس وانت ماسك الطاره مش عارف ده عيب ولا وسوسه مني مع العلم العربيه علي السرعات العاليه لا فيها حدفه او رجه الحمدلله
ياريت النصيحه من الساده الاعضاء :11:
مش عارف صراحه بس ممكن يكون صوت الباور الكهربائي
انا مش عارف يا استاذ الواحد محتار
شكرا لاهتمام حضرتك :)
حضرتك ده وسوسه
لان اللى بيحصل التالى حضرتك لما بتجيب العربيه على p بتكون الفتيس فى وضع التعشيق فبيكون ما فيش حمل على الفتيس انه يتحرك والكلام ده يحصل ايضا لما يكون الفتيس على ال n لان الفتيس بيكون فى وضع المور
اما لما حضرتك بتجيبه على ال d فبيكون حضرتك كده الفتيس خد اول نقله وانت بتكون دايس فرامل فالعربيه بتكون عايزه تتحرك وانت موقفها فالحركه ده هى اللى بتخلى الدريكسيون يعمل الرجه ده لان العربيه بتكون عايزه تتحرك
جرب تكون على طريق مفتوح وهات ال d من غير فرامل هتلاقى ما فيش رعشه لان العربيه بتتحرك على طول
فالرعشه ده من العزم اللى بيديه الفتيس للموتور على شان يتحرك فده امر طبيعى لا تقلك
شكرا لاهتمام حضرتك
هي زي vibration بسيط ميتشفش يعني
وانا بردوا في صيانه الالف هسال و اشارك الخبرات مع الساده الاعضاء
على فكرة انا عندى نفس الاحساس ههههههههههه وهو مش عيب قد ما هو احساس عالى مننا وبيتهيالى انه على السرعات البطيئة الرجة بنقدر نحس بيهافى الدريكسيون بس لان باقى العربية ثابتة لكن لما السرعة بتزيد بتختفى مع حجم الرجات اللى بتبقى فى باقى العربية وده شىء طبيعى ..
ههههههههههاقتباس:
المشاركة الأصلية كتبت بواسطة مهندس محمد
احنا شكلنا هنتجنن من العربيه خلاص :d
لعله خير يارب
ممكن يكون لقدر الله حاجه فى قطمه الدريكسيون او الصموده بتاعته مع عمود الدريكسيون
انا كان عندى مشكله ممكن تكون شبيها لكده و لما روحت اعمل صيانه الالف فى اوتو ايجيبت راحوا مرصصين طبعا انا استغربت ساعتها و قولت للمهندس اظن ان ده مش السبب بس قولت هو يعرف عنى المهم مطلعش ان الترصيص هو الى عامل المشكله و جيت هنا سالت فى المنتدى فالولى هتبقى قطمه الدركسيون او عمود الديكسبون المهم روحت تانى لاوتو ايجيبت عند صينه ٥٠٠٠ قلتلهم المشكله فى عمود الدكسيون بعد الفحص قالولى اه صح هيا و هنغيرهالك
ده لينك موضوعى ممكن يفيدك بحاجه
http://www.nilemotors.net/Nile/379381-a.html
بص هو الى انا اتعلمته من موضوعى حاجه ان المهندسين الى فى اوتو ايجيبت فيه منهم ناس ضعاف خلينا نقول مش كلهم فلازم تخلى حد صاحبك مثلايعد مكانك و يشوف الاحساس ده موجود ولا لاء