حيرتوني في نوع الزيت اللي اغيره

**ahmedsehimy** · 22-11-2013 11:06 AM

بعد التحية

انا احترت اغير الزيت لنوع ايه, كل شوية الاقي حد بيشكر في نوع و بعد كدة الاقي حد تاني بيعيب فيه و يقول كذا و كذا....ايه الحل و ايه افضل الانواع لعربيتي:

انا عربيتي دايو نوبيرا موديل 2002 اوتوماتيك و ماشيا 210 الف كيلو الحاله الحمد لله تمام جدا و انا من انوع اللي بحافظ على العربية و مشيي مش سريع اخري 90-100 و بسافي بيها من 2-3 مرات اسبوعيا مسافة 150 كيلومتر (ذهاب + عودة ) -و طبعا الطريق بيكون فيه زحمة و ده طبيعي -و بعض المشاوير البسيطة جوة البلد علشان افسح العائلة.

انا طول عمري بغير زيت موبيل xhp اللي و بغيره عند 4 الاف كيلومتر و كان كويس و بعد ما دخلت على المنتدى قررت اني اجرب الشيل و غيرت لشيل الاصفر (جربته مرة واحدة بس ولسة في الموتور) بس حاسس مش قد كدة.

انا دلوقتي عايز اغير الزيت ل 10 الاف اجيب نوع ايه علما ان حالة الموتور جيدة و الحمد لله و مشواري كما شرحت فوق؟؟

**gadoo30** · 22-11-2013 05:33 PM

انت موتورك قديم وعامل كيلو متر كتيييييير ومتعود على الزيت المعدنى
مينفعش تحط زيت تخليقى اللى هو 10000 الافضل تفضل على المعدنى او تجرب النص تخليقى بس تتابعة كويس لحسن ينقص والله اعلم

**AlGazar2** · 22-11-2013 09:45 PM

حط كاسترول ماجنتك - زيت نصف تخليقى بيقعد من 8 ل 10 الاف ممتاز جدا جدا جدا

**m.farouk** · 22-11-2013 10:51 PM

كاسترول ماجنتك

**muhmado_furp** · 22-11-2013 11:15 PM

الي بيفرق ان حضرتك تحط معدني ولا تخليقي هو حالة الماتور
طالما ماتور العربية تمام يبقي حضرتك اعمل فلاش وحط تخليقي بس متعدد اللزوجه يعني 5-50 وان شاء الله كله هيبقي تمام
ممكن كمان مع الغيار تحط مرمم زي بتاع زادو مثلا او سيراتيك من ليكوي مولي
علشان لو في أي شك في الماتور يتعالج
وبالتوفيق