الموضوع: شوفولى حل - علشان محدش فاهم حاجه

انا عربيتى فكترا 1600 موديل 97 الماتور الاسود
من فتره كنت بلاقى صوت الماتور بيعلى عند 140 كم و لو مشغل التكييف صوت الماتور يبقى عالى من 120 كم .
و انا ماشى فى امبابه لاقيت ميكانيكى بتاع اوبل اسمه رضا قلت اسأله عن سبب الصوت العالى
قالى يا باشا ماتقلقش , تعالالى بكره و انا اظبطلك كل حاجه و ارجهالك زى ما ما كانت فى المانيا
طبعا فرحت جدا و رحتله تانى يوم الصبح
قالى عايزين فلتر بنزين و طقم بوجيهات NGK و حساس كولنت
قلتله ماشى بس الفلتر و البوجيهات Denso ( يابانى ) لسه راكبين من 5000 كم , قالى سيبنى اشتغل بطريقتى . طبعا قلتله ماشى
بس
و قام فاكك الكربراتير حته حته و منضف الرشاش ال موجود و ركب فلتر البنزين و الحساس و البوجيهات و غسل الماتور كله بالجاز
اخدت العربيه و مشيت لاقيت العربيه ( بتأخر ) ( مش عايزه تسحب ) ( مكتومه ) و كمان بتنطر فى نهايه سرعه النقله , يعنى لو انا بغير النقله بتاعت التالت على 60 كم مثلا فبلاقى العربيه بتيجى عند سرعه 57 كم و تقوم نطره لقدام و تقوم مسرعه كانى بشد , كأن البنزين مش واصل
رجعتله تانى يوم قالى دى اكيد وساخه و هتنضف لوحدها , مانضفتش ,
رحتله تالت يوم قعد ينضف فى خرطوم طالع من الكربراتير و قالى انه كان مسدود و رجعلى البوجيهات ال كانت ركبه تانى و قالى اكيد العيب برضه فى البوجيهات ال هوه جابها و طبعا انتو عارفين ان ده مش ذنبه :)
جربت تانى لقيت العربيه ذى ما هيه
رحت لميكانيكى بعيد شويه بس اثق فيه وريته العيب قالى : بص , بدل ما نغير حاجه و ممكن مايكونش العيب فيها روح اكشف كمبيوتر و ارجعلى
كشفت كمبيوتر الجهاز قال العربيه مافيهاش حاجه
الجديد بقى انى لاحظت ان البنزين بينقص بسرعه مهما حطيت بنزين و كمان بشم ريحته

ايه بقى ده ؟؟؟ اعمل ايه , انا حاسس ان العربيه ممكن تروح منى