للمرة الثانية :قتل سائق توك توك شابا سورى الجنسية فى مدينة السادس من أكتوبر

**mr_safwt** · 22-11-2013 03:21 PM

الظاهر مافيش فايدة فى التكاتك

قتل سائق توك توك شابا سورى الجنسية فى مدينة السادس من أكتوبر، بسبب خلاف مالى بينهما نشب بسبب "جنيه"، وتم القبض على القاتل ونقل القتيل إلى المستشفى وتحرر محضر بالواقعة.

وتلقى المقدم فوزى عامر، رئيس مباحث ثان أكتوبر إشارة من المستشفى بوصول شاب سورى قتيلا إثر إصابته بطلق نارى، فانتقل معاونو القسم إلى مكان الواقعة، وتبين أن مشادات كلامية اندلعت بين سائق توك توك وشاب يحمل الجنسية السورية بسبب سداد الأخيرة للأجرة ناقصة (جنيه).

وأضافت التحريات، أن المشادات تحولت إلى مشاجرة أطلق سائق التوك توك رصاصة على السورى أردته قتيلا، وتم ضبط المتهم وإحالة اللواء كمال الدالى مدير أمن الجيزة للنيابة التى باشرت التحقيقات.

**prof2013** · 22-11-2013 03:32 PM

لا حول ولا قوة الا بالله ...... ربنا يصلح الحال عاجلا غير اجلا

**mahmoud_afifi** · 22-11-2013 03:37 PM

حسبي الله ونعم الوكيل. على جنيه !!!!

**محمد يوسف** · 22-11-2013 04:11 PM

"رب أخرجنا من هذه القرية الظالم أهلها"

**mido_soliman** · 22-11-2013 04:38 PM

اكتوبر بقت مرتع
للشمامين ارباب التكاتك
ملجأ المتسولين واطفال الشوارع المجرمين مستقبلا
مصنع الجريمه بكل انواعها
حسبى الله ونعم الوكيل
المدينه دى باظت والله انا فعلا كرهتها وكرهت العيش فيها من اللى بنشوفة ونسمعه كل يوم
الاتاوة من كل بلطجى واقف قدام اى عربيه بتركن
سواقين المشروع الاصفر وطريقه سواقتهم ووقوفهم فى مدخل الحصرى
الناس اللى لحد دلوقتى مش مقتنعه ان الموقف اتلغى مكانه القديم واتنقل فى مكان تانى وبردة بيقفوا فى نفس مكان الموقف القديم يستنوا العربيات تيجى علشان يركبوا مواصلاتهم :(
الواحد زهق بجد
ارحمونا من التكاتك
ارحمووونا ياللى معندكوش ذره رحمه ولا ضمير

**Y a r i s** · 22-11-2013 05:46 PM

طول ما دور المباحث عندنا انهم مستنين اشارة من هنا وتعليمات من هنا يبقى. عليه العوض ومنوا العوض ... في دول المجاورة الشرطة بتمنع الجريمة قبل وقوعها مش قاعدين مستنين الجريمه تحصل وبعدين نبتدي نتحرك ... المفروض. يبتدوا ينزلوا يفتشوا سواقين التكاتيك والموتسيكلات ذاتي. وفي المخابئ السرية داخل التكاتيك وتحت الكراسي وخلف السمعات ومصادرة جميع الاسلحة. المحمولة معهم ... وهذا اقل ما يمكن عمله ... يا اخي اقل ما فيها وقفهم. قلهم فين بطاقتك. !!! قولوا ايه الي مشيك في الشارع العمومي. ... وقفوا. واكشف على اسمو يمكن يكون مطلوب ولا حاجة. بالاسلكي . !

اما اني اقعد في مكتبي المكيف مرتاح واقول اصل الناس كل ما يحصل حاجة. يقولوا فين الشرطة فين الشرطة. والشرطة مابتعملش حاجة وما بتشتغلش يبقى خلاص خليني قاعد بقه.مرتاح احسن لي دي مش طريقة ومش حيااااة ... احنا كشعب مش عاوزين نشوف لجان. عاوزين نشوف حركة. وعربيات اتاري. بتوقف اي حد مشتبه بيه في الشارع وتفتشوا وبراحه كده وبكل ادب خود حقك واديني حقي فتش براحتك المهم يرجع لينا الامن والامان