الموضوع: عايز أشتري شاشة 27 بوصة ومحتاج مساعدتكم

السلام عليكم ورحمة الله وبركاته
أنا عندي شاشة 23 بوصة Asus
ASUS VS239HR IPS 23 inch LED LCD monitor | Price in Egypt سعر فى مصر | Maximum Hardware
ومضايقاني لأنها Full HD ولما بعمل الـ Resolution على 1920 × 1080 الفونتات والأيكونات بتبقى صغيرة وبضطر أكبرها بنفسي وبعمل zoom للمتصفح الكروم وده بيعملي مشاكل أحيانا في شغلي لأني ببقى محتاج أعاين الresolution الحقيقي للصفحات
المهم بفكر أجيب شاشة 27 بوصة علشان لما أعمل الresolution على الFull HD الفونتات والأيكونات هتكبر شوية بطبيعة الحال وبالتالي مش هضطر أعمل zoom أو ألعب في حاجة
فأجيب أنهي نوع بالضبط ؟ ويعمل كام ؟ ومنين
أنا دورت شوية على النت لقيت حاجات بتعمل من 1900 تقريبا وانت طالع سامسونج وآسوس وفيليبس بس مش بفهم في الشاشات للأسف وخايف أجيب حاجة تطلع مش كويسة
يعني دي مثلا أخت اللي عندي بس مش IPS واللي فهمته إن ال IPS ده بيدي وضوح وألوان أفضل عن الPanels التانية فمش عارف هل ده هيفرق معايا كتير ولا أجيبها وخلاص ، ولا أجيب حاجة سامسونج زي دي
Samsung SyncMaster S27B750V Series 7 27 inch Smart LED LCD Monitor | Price in Egypt سعر فى مصر | Micro Labs
ولا في اختيارات تانية أحسن
في انتظار نصائحكم

آسف على تكرار الموضوع لكن يبدو إن محدش بيدخل قسم الساحة التكنولوجية ده