يا شباب أنا نويت أجيب بطارية جافة للبيكانتو عايز رأيكو اجيبها أيه من الثلاثة دول:
1-باناسونيك
2-ايه سى ديلكو
3-فارتا سلفر
بس محتار اجيبها كام امبير؟؟
وحد يعرف حد ثقة قريب من مدينة الشيخ زايد أو اكتوبر
شكرا لكل من يهتم بالرد
عرض للطباعة
يا شباب أنا نويت أجيب بطارية جافة للبيكانتو عايز رأيكو اجيبها أيه من الثلاثة دول:
1-باناسونيك
2-ايه سى ديلكو
3-فارتا سلفر
بس محتار اجيبها كام امبير؟؟
وحد يعرف حد ثقة قريب من مدينة الشيخ زايد أو اكتوبر
شكرا لكل من يهتم بالرد
ايه سى ديلكو ممتازه ومبروك مقدما 70 امبير
ال ac delco ممتازة فعلا
لكن
لا ترقى لماركات تانية فى مدة الصلاحية من سنه ل 2.5 سنه
فارتا السلفر رقم واحد 5 سنوات شغل
الباناسونيك رقم 2 3 سنوات شغل واكثر
البنر النمساوى رقم 3 فقط علشان اغلاهم 6 سنوات شغل
بووش الاسبانى رقم 4 2.5 سنه شغل ل 3
شرط مارش ممتاز دينامو ممتاز بوجيهات وطلمبة بنزين ممتازه
44 امبير او 55 امبير او 70 امبير كله هيشتغل معاك
انت ال38 امبير هتدورلك العربية زى الفل فى عز البرد
http://www.taynabatteries.co.uk/prod.../096banner.jpg هل تقصد النوعيه دى ؟؟
لو بيكانتو ..يبقى لو هتجيب بطاريه أكبر من 44 أمبير. يبىق إنت بتدفع فلوس في حاجه مش هتستفيد بيها..
يعني ال 70 أمبير.إنت مش عايز نصهم..
هتبقى زي اللي ساكن في دور أول ومركب موتور مياه 3 حصان.
___________________________________
الديلكو بطاريه نضيفه..
و الفارتا..
و عايز أقولك أنا لسه مغير بطاريه النيسان من يومين بالضبط بعد أربع سنين و عشر شهور خدمه.
و البطاريه كانت مصري على ما أفتكر كانت نسر فارتا تقريبا..
لو مشاويرك كتير بالعربيه البطاريه عمرها هيطول معاك.
و فيه مقوله إن البطاريه زي البطيخه.ممكن تشتري حاجه ألماني و تلاقيها شطبت منك بدري.
و ممكن تشتري بطاريه مصري تقعد معاك أربع سنين
ايوه هيا دى
عارف ش الطاقة خلف الندى الاهلى م.نصر تحديدا بجوار اسواق عبد العزيز
هو دا اللى بيبعها وهو بتاع كاوتش مشهور بسعره المميز جدا
عنده بنر 55 امبير وعنده 70 امبير
البطارية دى ميزتها مع الفارتا السلفر ان الاتنين دول فقط بيعملوا بكفائة فى عز البرد وبيعيشوا سنوات خاصة البنر
ودى المشكلة اللى بتقابل كل البطاريات فى مصر بعد مرور 2 فصل شتاء بتبدء تنهار
شكرا ......................
الحمد لله اشتريت البطارية اليوم
ايه سي ديلكو من المنصور توكيلها
٤٥ امبير
ب ٤٥٠ج
خدو القديمة ب٢٥ج بس
تاريخ الانتاج مارس٢٠١٣
ايه رأيكو حاسس اني اضحك عليا خاصة في تاريخ الانتاج ولا ده عادي
الحاجة التانية اللي ضايقتني اني انا اللي فكيتلهم البطاريه القديمة وركبت الجديدة مفيش حد من العمال يفك ويركب ولا يقيس ولا اي حاجة
طيب من حسن الحظ لقيت معايا مفتاح بلدي افك واربط بيه اللي معهوش يعمل ايه
وكل ده عشان العربيه مش شيفر يعني بصراحة كنت متوقع خدمه احسن من كده خاصة من مكان له اسمه زي منصور
شكرا لكل الاعضاء اللي حاولو مساعدتي في اختيار البطارية
مبروك عليك ...
موضوع التركيب دا فعلا الى يضايق ..
المفروض و معروف ان السعر شامل الفك و التركيب ...
تحياتى ...
الف مبروك
الف مبروك
ان شاء الله البطارية هتقعد معاك مش اقل من 3 سنين و عن تجربة
ملاحظات أخرى ليستفيد منها المقبلين على الشراء
-على كارتونة البطاريةاستيكر انها صناعة سعودي
-وفى استيكر تانى مكتوب ان تاريخ الأنتاج نوفمبر 2012 مع ان فى ختم على الضمان بتاريخ مارس 2013
-رقم المعايرة 20
-الضمان وجدت فى خلفة بيانات سيارة مش بتاعتى بتاريخ اغسطس 2013 ومشطوب عليهوده مشفتوش الا لما روحت ودى حاجة تقلق وغير متوقعة (بيانات سيارتى اتكتب قدامى فى الضمان بس فى صفحة أخرى) ..معقول تكون البطارية اتباعت ورجعتلهم ورجعو باعوهالى.. ربنا يستر
الى انا ملاحظه ان سعر البطارية عالى جدا
ال 70 امبير سألت عليها انهارده ب 430 جنية و ال 75 امبير ب 520 جنية
بس عموما مبروك البطارية و ان شاء الله تعيش معاك و تعمر
طبعا للاسف كده بطاريتك رجوع وركبت واتفكت قبل كده
مش انا قلتلك ac delco ممتازة بس لا ترقى لماركات تانية معمرة وغالى بغالى هات الارقى
كل الماركات متوفرة وكنت جبت
البنر النمساوى وتشترى دماغك وكان الفرق هايف
او الباناسونيك
او الفارتا السلفر
او البوش الاسبانى
يلى قدر الله ومبروك عليك
فارتا
جبتها 55 ب 450 من شهر
ناس محترمه بتعامل معاهم بقالى فوق ال 3 سنين
شارع عبد الحميد بدوى امام بوابه 2 نادى الشمس مباشره
الفارتا اللى انت جبتها دى مش حلوة
الفارتا لازم تكون السلفر فقط لانها
بتعيش جامد وبتتحمل البرد القارس شتا ورا شتا
لكن اللى حضرتك اشترتها من فوق 1 ل 2 سنة فقط ولو اكتر يبقى حظك كويس
عكس الفارتا السلفر بتعيش مرتاح 5 سنين شرط دينامو ومارش وطلمبة بنزين تمام
شوف يا ريس
تعال م.نصر خلف النادى الاهلى واشترى البنر النمساوى وريح دماغك
الوحيدة اللى بتتحمل اقصى برودة بعد الانرجيزر الامريكى او الالمانى
ومن توكيلها محل
الملاح لبيع و اصلاح الاطارات و البطاريات
العنوان 22 /6 شارع الطاقه - مدينه نصر بجوار اسواق عبد العزيز
التليفونات 02-22754449 - 02-24718949
ولو الفارتا السلفر
فى الحى السادس عند المحلات ما بين مركز شباب م.نصر وقسم تانى م.نصر
حوالى 8 محلات جمب بعض
ac delco
هى الاسوء
اوعى تجيب اققل من 55 امبير وانا لو منك مش هجيب غير 70 امبير
اسكندرية مشكلتها مع بورسعيد والسويس انها عايزة شتاءا بطارية ممتازة تقاوم الصقيع والبرد القارس
علشان كده انا بنصحك بالبانر النمساوى لو ملقتش الفارتا السلفر
او الباناسونيك
او البووش الاسبانى
لو انت او حد تبعك بينزل القاهرة يشتريها من م.نصر
هانكوك كالسيوم بلس جافة - ضمان 2 سنة - ومرها لا يقل عن 3سنوات - والسعر لل70أمبير 450جنية
حتشككنى فيها ليه انا عربيتى اللى قبل دى البطاريه هانكوك شاريها بيها وقعدت معايا العربيه3 سنين وبعتها بيها وهى شغاله تمام دى تجربتى
دلوقت عربيتى اللى معايا البطاريه وقفت وحنزل بكره ان شاء الله اجيب واحده وكنت ناوى على هانكوك اعمل ايه وفى نوع عجيب اسمه رويال كورى بالقديمه 400
ايه العمل
اوعى تسترخص
البطاريات بقلها اكتر من سنتين مصروبة
خد بنصيحتى وهات اى من الماركات اللى انا قلتلك عليها زيادة من 50 ل 125ج واشترى دماغك
-بنر نمساوى
من م.نصر ش الطاقة بجوار اسواق ع العزيز مباشرة - النادى الاهلى
-بووش الاسبانى
م.نصر
-فارتا السلفر فقط - موجوده
بس ناقصة شوية ومش هتلاقيها غير بالحى السادس م.نصر
المحلات اللى ما بين قسم تانى ومركز شباب م.نصر حوالى 8 محلات جمب بعض
-الباناسونيك
تمام يا باشا يعنى هى اضربت
عموما حدور لاكن فى اسكندريه ومش عارف ياريت الاقى اى من اللى قلت عليه
انا لسة جايب امبارح بطارية ايه سي دليكو جافة ..70 امبير ب410 وخد القديمة
وعندة كلوريد سائلة 265 والجاف 310 وهي 70 امبير
موضوع مميز خصوصا ردود العضو
كارير
ميا مسا
البوش منين فى مدينة نصر؟؟
انزل الحى السادس من قسم تانى لحد يمين مركز شباب م.نصر + والحى السابع كمان وورا حى م.نصر
+ ش مصطفى النحاس ما بين ش الطيران وعباس العقاد
ولو عايز التميز كله هات البنر النمساوى
من
ش الطاقة بجوار اسواق عبد العزيز خلف النادى الاهلى ارخص وافضل
http://www.bannerbatterien.com/banner/index.php