الموضوع: ايه رأيكم فى الفيكترا 95

المشاركة الأصلية كتبت بواسطة sherif_84

فعلا زى الاخوة ماقالوا استهلاك بنزين عالى والتكييف ضعيف مش زى تكييف اليابانى والكورى
وقطع الغيار غالية أنا بتكلم على الفكترا الـ 95
زوج عمتى معاه فكترا 95 1600 كان عمل حادثة من فترة كده وغير الكشافين الأماميين والشبكة الأمامية بـ 1500 جنيه

من ساعة لما دخلت هنا وانا مش عارف كلو لما يتكلم عن التكييف فى اى نوع عربية ايا كانت "مش زى اليابانى والكورى مش زى اليابانى والكورى"
انا معايا اللانوس والفكترا تكييف اللانوس مروحة بالنسبة للفكترا وركبت عربيات يابانى والكورولا اللى كلو هنا بيتحاكى بنكييفها شايفة عادى مش سوبر يعنى
تكييف الاوبل اهتم بصيانتة وحافظ علية ومش اى حد يعك فية وشوف هيبقى عامل ازاى, زى دورة التبريد اللى كل لما حد يتكلم عن الاوبل يقولك بتسخن ومشاكل فى الكهربا وتكييفها تعبان !!!!

المشاركة الأصلية كتبت بواسطة Ahmad Allawy

والله عندك جق يابو حميد..
دي فعلا الفيكترا لو مظبوطة.. ولا بتسخن ولا اي كلام من ده..
والدليل علي كده ان التكييف لما بيشتغل العربية بتبرد.. مش بتسخن..!!
لكن بصراحة كفاءة التكييف.. اللي يفتي بيها مالكي العربية..
انا عن نفسي معنديش اي تكييف.. :) :)

بص ياحمد نتكلم بالعقل والمنطق ....
مشكلة السخونية:
اولا درجة حرارة التشغيل الطبيعية لها عالية ودى هما عملين التصميم على كدة ومعمول حسابها يعنى مفهاش مشكلة بس طبعا مش لنا تقف فى اشارة 100 والكلام دة العربية طبيعية جدا لحد 98 ومتقلقش منها وهى اصلا لو مظبوطة عمرها مابتطلع فوق 90 وكمان لما بتشغل التكييف المراوح بتشتغل حتى لو باردة يعنى التكييف بيبردها كمان ودى كل اللى بيشوفها بيستغرب منها
العربية فيها مروحتين رادياتير كل مروحة سرعتين , يعنى يتكييف من غير تكييف واقف فى اشارة ولا ماشى مش هتعدى 90 ممكن لو المية ناقصة كتير تعلى لغاية 91 او 92
متهيألى بعد كدة العربية اللى تسخن يبقى عيب فى العربية دى مش عيب فى النوع دة


مشكلة التكييف:
ياريت التكييف بالذات تتعامل مع التوكيل علشان محدش يعك ويفتى وترجع تقول التكييف ومش التكييف وتكع دم قلبك علية ومتسترخصش فى قطع الغيار حتى لو غالية هتشترى دماغك وترتاح
تكييف العربية اهتم بصيانتة وحافظ علية وشوف هيبقى عامل اية .. تلااجة ومتسمعش للى يقولك مش بيسقع وبيسرب فريون وانا بشحنوا كل شهر وانا بشحن كل اسبوع والكلام دة ما احنا شرحنا فوق مش هنعيدة تانى



مشاكل الكهربة:
اللمبات بتتحرق!!!!
جربت تركب لمبات اصلية وشوفت بتتحرق ولا لأ ؟؟؟!!!!!
هى اللمبة غالية اة بس جربها مرة وسيبك من الصيينى والمصرى والكلام دة وشوف هتتحرق ولا لأ , وبردو متجيبش عربية الضفيرة متبهدلة وواحد كهربائى ..................... عاكك فيها ومقطع سلوك ولاحم سلوك وانت مش عارف اية بتاع اية ولا اية بيشغل اية وتقول دة فيها عيب فى الكهربا دة عيب اللى اشتغل فيها وعيب الله سابة يشتغل اصلا !!!!!

ملحوظة: الالمانى مش بتاع الف ولا الفين ولا تلاتة هيظبطو العربية والعملية هتمشى مش 132 هنا ولا 128 , فطع غيار العربيات دى غالية وصيانتها غالية بس لو حسبتها صح هتلاقيها اوفر شوف دى هتعيش معاك اد اية ومش هتعمل معاك مشاكل فى حاجات تانية عكس المضروب هتفضل كل شوية تغبر وهتلاقى حاجات بوظت حاجات دة غير ان العربييات دى مش بتاعة فهلوة المصريين!!!
ياريت الناس تجرب وتحكم مش تحكم على السمع

المشاركة الأصلية كتبت بواسطة Ahmad Allawy

بجد مفيش غير رد واحد..
تسلم ايدك علي الرد المنطقي و العملي و العقلاني و الممتاز..
نشوفك بكرة بقي ان شاء الله.. :)

الله يخليك .. اصل بصراحة من زمان بسمع كلام يغيظ وياريتة صح , للأسف 3/4 من سوق الخضار بتاع مدينة نصر دة تشترى عربية من تاجر هو كل اللى يهمة الفلوس ازاى ياخد العربية باقل سعر ويبعها باعلى سعر غير كدة تتحرق العربية على اللى بيشتريها مش فارقة معاة وتلاقى الناس بتشتكى من العربيات دة غبر محبى الاشاعات يشتغلوا بقى والناس تسمع وتنقل ويجى الناس فى الاخر يقولك دة عربية بنت ..............................................
زى الميجان بالظبط اشاعات اشاعاااات ومعظمة كلام ميدخلش العقل كأننا راكنين الفيل برة وقاعدين نتكلم




ان شاء الله بس فين الناس المختفية مختار وامير واحمد وعبد العزيز.........؟؟؟

أستاذ NoNaMe
انا لما قلت التكييف ضعيف قولت ضعيف لما تقارنه بتكييف الكورولا مثلا لان الكل عارف ان افضل التكييفات تكييف الكورولا انما ضعيف يعنى مش بيسقع العربية يعنى بياخد مدة أطول لغاية ماتحس بالبرودة
انما العربية ممتازة انا ماقولتش ان فيها عيب الا ان قطع الغيار غالية والتكييف ضعيف واستهلاك بنزين عالى انما غير كده هى كويسة


أحمد علاوى ازيك ياباشا .. أخبارك ايه ( :
انا الحمدلله بخير وشكرا على سؤالك