الموضوع: أحسن 3 عربيات لكل فئة سعرية

السلام عليكم و رحمة الله و بركاته
أكيد كل واحد بيفكر يشتري عربية أهم عامل بيأثر على قراره هو الميزانية
عشان كده قلت أعمل الموضوع ده عشان نساعد كل واحد هيشتري أنه ياخد قرار سليم
طبعا مش هدخل فتفاصيل كل عربية ﻷن اﻹختيار في النهاية مادام في نفس الفئة السعرية هيرجع للمشتري و إحتياجاته و ذوقه لكن مشاركات اﻷعضاء و تزكيتهم لعربيات معينة و إجماع معظمهم على عربيات معينة في كل فئة سعرية أكيد هيساعد كل مشتري جديد
برضه أحب أوضح أن كلامنا هنا هيكون عن الزيرو بس مش المستعمل
هبدأ بنفسي و أرشح 3 عربيات في كل فئة
و أنا متأكد أن في أعضاء كتير هيبقوا عايزين يزودوا بعض المعلومات أو اﻵراء التقنية لكن أفضل أننا نحيل أي حد بيسأل عن إمكانيات أو كماليات أو مقارنات للقسم المناسب و نكتفي هنا بالترشيحات
الفئة أقل من 50 ألف:
مش محتاجة ترشيحات ﻷن مفيش فيها أصلا غير الماروتي و اﻷلتو
الفئة من 50-75 ألف:
سانديرو مانيوال
لانوس مانيوال
فيرنا مانيوال
الفئة من 75-100 ألف:
أفيو 2014 أوتوماتيك
سانديرو أوتوماتيك
جين2 أوتوماتيك
الفئة من 100-125 ألف:
بيجو 301 بيزلاين أوتوماتيك
ريو 2013 مانيوال
سيراتو 2013 مانيوال
الفئة من 125-150 ألف:
إلنترا 2013 أوتوماتيك
كارينز 2013 أوتوماتيك
داستر مانيوال
الفئة من 150-175 ألف:
كورولا 2014 أوتوماتيك
قشقاي أوتوماتيك
بيجو 408 هايلاين

يتبع إن شاء الله و في إنتظار مشاركاتكم و ترشيحاتكم

المشاركة الأصلية كتبت بواسطة ahmedteam

الكلام على الزيرو مش كده و لا انا فاهم غلط

زيرو بس يا باشا راجع المشاركة اﻷولى

المشاركة الأصلية كتبت بواسطة جيفارا

انا بجد مستغرب
ازاي اللانسر والتويوتا والنيسان مش موجودين؟؟؟؟؟؟؟؟؟؟؟؟؟؟؟؟؟؟ ؟؟؟؟؟

لا يا عم جيفارا أنت لومتني ظلم شوف كده الفئة من 150-175
هتلاقي الكورولا
و القشقاي كمان مذكورة في فئة أخرى
و في النهاية دي آراء شخصية هتختلف من واحد للتاني
شارك برأيك و رشح 3 عربيات لكل فئة سعرية
و حط يا سيدي البومة و لا تزعل (رغم إني عن نفسي مبطيأهاش)