معلومة هامة لكل اللى عايز يقسط من شركة المباشر (عبد اللطيف جميل)

**mtc_46** · 16-01-2014 09:55 PM

انا يا جماعة بقالى شهر دايخ بدور على تقسيط مباشر او تقسيط مرابحة
ولقيت بنوك كتير اوى عاملة عروض للمرابحة ... بس كل ما اقرأ عقد الاقى فيه مشكلة
بعضها اجاز بعض الشيوخ التغاضى عنها
و بعضها حرموها تماما
المهم انى لما لقيت شركة المباشر قلت بس خلاص .. هى دى
و الراجل بتاعهم بعتلى العقد .. ولقيت فيه بند بيقول "تحتفظ الشركة بحق ملكية السيارة المباعة لحين انتهاء سداد الاقساط" ... وعلى حد علمى ان ده حرام لان ملكية السيارة يجب ان تنتقل للمشترى ... المهم قعدت ادور على النت لحد ما لقيت ان الشيخ على سالوس لم يجيز التعامل معهم
وده نص الفتوى
حكم شراء سيارة بالتقسيط من شركة عبداللطيف الجميل - علي السالوس | طريق الإسلام
......
وطبعا لو حد يقدر يفيدنا بمعلومة نكون شاكرين جدا

**maao2004** · 16-01-2014 10:25 PM

بالفعل اخى حق نقل الملكية يجب نقله لك
وللبائع ضمان حقه بعيدا عن كل ما هو حرام

**mohammadrashee** · 16-01-2014 11:50 PM

عدم نقل الملكيه ولا حظر بيع
تفرق جامد اتاكد الاول

**mtc_46** · 17-01-2014 06:08 PM

اللى كان مكتوب النص هو اللى انا كتبه .. مش عارف ده معناه ايه؟؟

**Ahmed_Farouk** · 18-01-2014 02:25 AM

انا شاري من عندهم و مشفتش موضوع عدم نقل الملكية ده، بس انا رخصت العربية باسمي عادي و لكن عليها حظر بيع و اعتقد ده مفيهوش مشكلة.

**محب الخير** · 18-01-2014 03:20 AM

المشاركة الأصلية كتبت بواسطة ahmed_farouk

انا شاري من عندهم و مشفتش موضوع عدم نقل الملكية ده، بس انا رخصت العربية باسمي عادي و لكن عليها حظر بيع و اعتقد ده مفيهوش مشكلة.

نسبة الفوايد كام لو سمحت في السنه؟؟

**ayam7** · 18-01-2014 03:40 AM

ياريت يا أستاذ Ahmed_Farouk تقولنا ايه شروط التعاقد و ضمانات الشركة

**M.ABDEEN** · 18-01-2014 11:36 AM

ياريت برده تقولونا نوصلهم ازاي علشان باتصل بالخط الساخن والارضي ومحديش بيرد خالص ...ودخلت على موقع مباشر بتاعهم ومش عارف اوصلهم

**Ahmed_Farouk** · 19-01-2014 09:14 AM

الفايدة كانت 10% في السنة، و اتعاقدت معاهم من الفرع مباشرة بس بصراحة محاولتش اكلمهم على الخط الساخن فمش عارف ظروفه ايه.
بالنسبة لشروط التعاقد انت بتدفع مبلغ استعلام في الاول و هما بيستعلموا عنك ائتمانيا و اول ما الموافقة تيجي بيكلموك عشان تروح تدفع المقدم. بعد كده بتمضي على شيكات بعدد الاقساط، بعد كده تستلم العربية و تستنا ورقها و بيطلع معاك مندوب من المعرض يخلصلك الاجراءات في المرور، الترخيص بيبقى سنة واحدة و العربية عليها حظر بيع.