تعرف محمد هاشم؟
MMamdouh
عرض للطباعة
تعرف محمد هاشم؟
MMamdouh
دكتور لانوس اعتقد ان الكلام ده متفق مع راى مهندس سبعاوى لكن مبسط يعنى خامته وحشه معناها عيب تصنيع و لو قرات المشاركات من اولها هتلاقينى قولت ان العامود صعب يتعوج او يتكسر
و على فكره : مره صبى ميكانيكى حمار رفع العربيه 128 اللى كانت معايا من اكس الكوبلن الطويل ......... و فعلا اتعوج و بقى غير متوازن اثناء الدوران
احنا هنا فى منتدى للمهتمين بالسيارات مش منتدى لمحترفى السيارات يعنى من الطبيعى جدا انك تلاقى تفاوت فى قوه و صحة المعلومات و الخبره بين اعضاء المنتدى ......... و طبعا هدف المنتدى هوتبادل المعلومات و الخبرات للافاده و ليس الهدف هو ترقب اخطاء الغير (لو اخطا) و الرد عليه بعنف
يعنى اسمحلى حضرتك بتتكلم بتحدى واضح جدا (الكلام ده مش صح و اتحدى و اذا كان صادق و انت مش صادق و يا ابنى ...........) وده اكيد شيء يسبب احراج العضو المشارك
ممكن تكون انت صح و توصل المعلومه بهدوء لكل افراد النتدى ليستفيدو من خبرتك فى عالم السيارات بدون احراج احد الاعضاء او الاستعراض عليهم او انك تحسسهم بجهلهم
يعنى احمد زويل لما بيطلع فى مؤتمر او ما شابه بيبسط الموضوع للناس عشان يفهموه و مش بيوصلهم احساس انه عالم نبغة و همه جهله متخلفين
ارجو ان تكون و جهه نظرى وصلت و نتمنى انك دايما تفيد اعضاء المنتدى بخبرتك و خاصى فى الدايو
و كل عام و انت بخير
كلام سبعاوي فعلا قدر يعبر عن حاجات ما كنتش قادر أعبر عنها و جاوب عن سؤالي اللي ما كنتش لاقيله إجابه
كل مرة بيفكرني اني دكتور مش مهندس :tooth:
تحيا الهندسة و علوم خواص المواد:flowers:
الله ينور عليك و يزيدك من علمه
يا شباب انا عمرى ما سمعت عن اى حد عوج عمود كوبلن او مقص من الاستخدام العنيف , الصدمات المباشرة بس هى اللى ممكن تعمل كده
انا سواقتى عصبيه و عنيفة جدا و الضرر اللى بشوفه هو الكوبلن نفسه مش فى اى حاجه تانية
الكلام ده بالترتيب فى بيجو 504 , هيونداى اكسيل , فيات 128 و عربيتى الحالية التيبو و فى حوالى 14 سنة سواقه
المرة الوحيدة اللى حصلى فيها كده , واحد الله يسامحه كسر عليا لبسنى فى بردورة من بتوع الرصيف , الجنط و الكاوتش راحو فى داهية , المقص اتكسر و عمود الكوبلن اتعوج سنه بسيطة جدا ما شفتهاش غير بعد 3 شهور
فى ال 128 لبست فى بلاعة و الجنط بقى بيضاوى , نزلت ركبت الاستبن و لما روحت ما لقتش اى ضرر غير ان المساعد ضرب زيت انما الكوبلن و العمود و المقص سلام
اللى انا شايفه ان لازم صدمة مباشرة عشان عمود بالتخن و الخامات دى يتعوج او يتكسر
يعنى انا كده فهمت ان عمود الكوبلن مش بيتكسر من الاستخدام العنيف او الامبركة يعنى كده المعلومة الصح كانت بتاعة دكتور لانوس و الاستاذ ممدوح و معلومة الاستاذ حازم خضر و الاستاذ محمد ابيزا غير صحيحة بجد المنتدى دا رائع و الواحد بيتعلم منه كتير
على فكرة الاستاذ سبعاوى دا حكاية جاب المعلومة من الاخر الراجل دا مالوش حل يا جماعة و اضح انه خبرة كبيرة و فاهم صح
ممكن اعرف حضرتك مهندس ميكانيكا و لا شغال ايه
معلش اسمح لي اختلف معاك م خالد سبعاوي الخبره قال انه صعب يتكسر بس قال كمان انه ممكن يكون الكسر ده من عده حاجات يعني في الاحوال العاديه صعب الي مستحيل ينكسر لكن لو فيه عيب صناعه مثلا فممكن يتكسر اقراء اخر المداخله
لو العربيه مستعمله ممكن يكون ملحوم من المالك القديم
ممكن يكون مكنيكي بدله من وراه وهو ميعرفش
معني كده اننا مينفعش نقول مين صح ومين غلط لان الكوبلن مش معانا ومعاينهوش انا شايف ان الاتنين صح بس الحكايه كلها عيب في الكوبلن اللي انكسر مش في الراجل اللي اتكلم وده ممكن يكون واضح لو قراءت مداخلاتي وحتي رائ م خالد كويس وهو كاتب اشهر اربع حاجات
يا ناس الاتنين صح و الاتنين بيتكلموا صح ايه المانع انه انكسر وكان فيه عيب صناعه او شرخ او حتي ملحوم هو انكسر بس هو برضو فيه عيب يعني مش سليم
بس خلاص
لو الكوبلن عندي كنت صورته:)
مش معقول ححتفظ بحاجه زي دي بقالها سنه
و مش معقول حتي لو حصل يومها اقف عند العفشجي اصور
عمود كوبلن مكسور
شكلي قدام الناس ما يسمحليش اني اعمل حركه زي دي.
و بعدين انا قولت كلمتي و انا مش محتاج اني اقول حاجه ما حصلتش زي ما حضرتك متخيل
حضرتك عاوز تصدق اوك مش عاوز براحتك برضه محدش حيقولك ما صدقتنيش ليه:)
أستاذ Pointer كلام الاستاذ سبعاوى واضح و بيقول انه مستحيل يتكسر من الاستخدام العنيف و الامركة لكن الاستاذ حازم خضر و الاستاذ محمد ابيزا قاله غير كده و ماقلوش انه ممكن يتكسر او يتعوج لو فيه عيب فى الصناعة بالعكس دول اكدوا انه له عمر افتراضى و طبيعى جدا انه يتكسر من الاستخدام العنيف و الامركة من غير عيوب الحاجة الغريبة ان الاستاذ محمد ابيزا عامل 1450 كم من الاستخدام العنيف و مقالش اذا كان العمود اتكسر و لا لا من الاستخدام العنيف لكن متهيالى انه متكسرش و الا كان قال كده فى الموضوع يبقى هو نفسه بياكد كلام دكتور لانوس و الاستاذ ممدوح و الاستاذ سبعاوى ان الاستخدام العنيف مابيكسرش عمود الكوبلن و حتى الاستاذ حازم خضر ماقالش لما عمود الكوبلن اتكسر عنده ان دا عيب صناعة بالعكس دا قال انه اتكسر من الاستخدام العنيف مش عيب صناعة