محتاج رأى الخبراء فى كهربة وكنترول اللانوس
السلام عليكم
العربية موديل 99 اتوماتيك
بداية المشكلة لما اسيب العربية فترة كبيره مركونة ولما ادور العربية الاقى العربية *متلاتة لمدة 2 ثانية -10 ثوانى وبعد كده تضبط تمام ولا كأن فى حاجة.
سألت على المشكلة قالولى نضف حساس الايدل ونضفتة بمنظف الانجكشن والمفاجئة اللى حصلت وخلتنى *اشك فى كنترول العربية هى انى بعد ما نضفتة نسيت اركب الفيشة ولمبة الشيك مش منورة مع ان تأثير فصل الحساس باين معلى ار بى ام.
وصلت فيشة حساس الايدل وقولت اجرب حساس الشكمان نفس اللى حصل اللمبة الشيك مش منورة جربت تانى عى حساس الاكسجين اللى راكب على العمه نفس اللى حصل اللمبة الشيك مش منورة اتجننت.
اخر حاجة جربت حساس tps وده الوحيد اللى ماكسفنيش وخلى لمبة الشيك تنور.
اخيرا انا فصلت البطارية و رست الكنترول عن طريق انى وصلت طرفين العربية مع بعض وبعد كدة عملت الايدل ليرين ودورت بس نفس المشكلة لسه موجودة لما بسيت العربية مده طويلة.
ملحوظة لو بطلت ودورت البطارية بعد مشوار او لما تكون سخنة تدور عادى ومظبوطة.