المشاركة الأصلية كتبت بواسطة تامر.محمد
احلى مزيج من الشوفينية و العنصرية شفته في حياتي سواء على العرب او على اليهود
بتفكرني و الله بالزمالكاوية اللي عايشين عالكام سنة في التسعينات اللي الزمالك فيها كان بياكل الاهلي رايح جاي اللي ما اتكررتش تاني من ساعتها
عادي جدا , فيه اختراع اسمه دورة حياة الامم في صعود و هبوط , و زي ما عندك الحضارة الفرعونية صعدت و هبطت و انت و ناس كتير عايشين على ضل حضارة من الاف السنين تلاقي اليونانيين عايشين على ضل الاغريق و الطليان عايشين على ضل الرومان و العرب عايشين على ضل الامبراطوريات العربية و الاسلامية المتتالية و الانجليز عايشين على ضل الامبراطورية التي لاتغرب عنها الشمس , و اللاتينيين عايشين على ضل المايا و الازتك و القائمة تطول لحد الامريكان مرورا بامبراطوريات نافست لكن ما وصلتش زي الفرنساويين و الالمان و الاسبان و السوفييت و الفرس و القرطاج و الهكسوس و الحيثيين و الليلة دي كلها
اقول لك حاجة اتقل يمكن تكسر الشوفيينية بتاعتك شوية ؟
لو هانتكلم على الامبراطوريات اللي رصيتها لك دلوقت
البقعة من الارض اللي احنا عايشين عليها دلوقت و اسمها مصر
كانت تابعة للاغريق في وقتهم , و للرومان في وقتهم , و للعرب المسلمين في وقتهم بكل امبراطورياتهم المتتابعة باستثناء فترة الايوبيين و المماليك كانت هي مركز حكم الامبراطورية نفسها , و الفرنساويين عدوا عليها , و كانت تابعة للانجليز في وقتهم , و الالمان كان فاضل لهم تكة , و الهكسوس عدوا عليها
قل لي بقى الروس مثلا كام امبراطورية عدت عليهم ؟
الكلام ده كله طبعا باقولهولك لو دي المشكلة اللي عندك مع العرب كمثال , مش مشكلة تانية