الموضوع: الأهرامات مين بناها ؟

السلام عليكم
انا مكنتش متخيل خالص ان موضوع مين اللى بنى الاهرام (بصفة عامة )انه ياخد كل هذا الجدل لان مش هييجى واحد ايا مايكون ويقول ان حد غير المصريين القدماء هما اللى بنو الاهرامات والغريب ان الموضوع اخد شكل تانى ودخلت فيه عنصرية وشينوفية وحاجات كده .
الدكتور مصطفى محمود فى برنامج العلم والايمان جاب حلقة كاملة عن الاهرامات وكيفية بنائها وتطرق الى معلومة او حقيقة وهى ان الاهرامات تم نحتها من قبل قدماء المصريين يعنى الاهرام كانت كتله صخرية على بعضها وتم نحتها بهذا الشكل واللى عاوز يعرف اكتر يدخل يشوف الحلقة .
فى القران الكريم يقول الله تعالى - فاوقد لى يا هامان على الطين فاجعل لى صرحا لعلى اطلع الى الاه موسى -
وقال بعض المفسرين ان فرعون امر هامان ببناء الاهرامات ( الصرح ) حتى يقترب من السماء فيرى الله ( على حد قوله ) والله اعلم .
يبقى اللى بيقول ان مش المصريين هما اللى بنو الاهرامات يبقى كلامه اى كلام ويسكت احسن .

اولا انا بجد مستغرب جدا من الردود اللى موجوده فى الموضوع ده لانى لما قريت الموضوع وعنوانه توقعت اننا اما حنجيب ادله من متخصصين يأكدوا ان الناس دى بتهرج "زى متفضل البعض وعمل " او حنتكلم فى قله ادب وزوق واستباحه ممتلكات الغير من ناس بنبصلهم على انهم كلهم محترمين "وده بيأكد ان كل بلد فيها المحترم وغير المحترم وان بلدنا مش كلها مواطنين سيئين وان الغرب كلهم مواطنين محترمين "
فالمواطن الالمانى ده شخص غير محترم لانه فى بلد غير بلده ومحاولش ياخد تصريح باللى بيعمله وبالتالى هو فى نظرى خارج عن القانون المصري ولو الخارجيه مش حتعرف تعاقبه يبقى الداخليه عليها تمنعه وبعثته من دخول مصر بل وتتحفظ عليه وتطبق عليه القانون المصري بحذافيره ولو معملتش الداخليه كده يبقى فعلا منستاهلش الكنوز اللى على ارضنا .
ده اولا اللى حابب اقوله
ثانيا بعض الردود قالت ان الفخر لازم يكونبالانتماء لفئه واحده بس وده اكبر دليل على درجه التعصب اللى بقينا فيها ومدى كرهنا للمختلف عننا فالشخص الطبيعى لازم يفتخر باصوله كلها واساسها اصله انه بنى ادم فكل البنى ادمين بينتموا لسيدنا ادم واصله انه منتمى لدينه ايا ماكان واصله انه بينتمى لحضاره عظيمه ازهلت العالم وقتها وان عمر حضارته مش بس 200-300 سنه ولكن عمرها اكتر من 7000 سنه واثارها قادره على البقاء وانتمائه لبلد زى مصر دايما معمول حسابها سواء لموقعها او لتاريخها او لشعبها اللى دايما كان بيتقال عليه انه سلم ودايما برضه كان بيثبت ان له حدود وقدراته برغم ظروفه تعتبر عاليه من ايام احمس ووصولا بصلاح الدين ومحمد على وسعد زغلول وعبد الناصر وكل عظماء البلد دى واخيرا انتمائه لاسرته وعمله ومنطقته ولكن السؤال انت توافق تحمى منطقتك وتضيع بلدك ؟؟؟ وهكذا اسئله
فمفيش تعارض بين انتماء لحضاره وانتماء لدين وانتماء لبلد وانتماء لاسره وهكذا لان ده اللى بيميزنا عن غيرنا تعدد اصولنا وقدرتنا على التعايش مع بعض .
اخيرا "وكلامى ده بدون دراسه او علم " ان الاهرامات واضح جدا انها مبنيه بنفس طريقه واسلوب وشكل معابد المصريين وتماثيلهم فاكيد انها منتميه للحضاره دى وبالقطع ان كانت تنتمى لاى حضاره تانيه فلماذا بنيت على ارض مصر وان كان من بناها هم غير المصريين فلماذا لم يبنوا مثيلا لها فى اى مكان اخر وعن قناعه تامه اقول ان من قام بذلك الفعل فهو بجانب قله احترامه فهو محب للشهره والمال السهل وكانت تلك الحضاره التى اذلهت العالم ومستمره فى جذب الكثير من المحبين هى الطريق الاسهل له لتحقيق مأربه .
اتمنى نحب البلد اللى بننتمى ليها اكتر شويه خصوصا ان محدش متوقع ياخد فصيله ويمشي منها ولا متوقع ان حد يقبل تتقسم .
تحياتى .

أنا متعود أشوف مناقشات من النوع ده في منتديات مش مصريه ومش بشارك فيها لأن الجدل في المواضيع دي عقيم انما دي أول مره أشوف المناقشه دي في منتدى مصري وبين مصريين كمان.

المشاركة الأصلية كتبت بواسطة mody112

السلام عليكم
انا مكنتش متخيل خالص ان موضوع مين اللى بنى الاهرام (بصفة عامة )انه ياخد كل هذا الجدل لان مش هييجى واحد ايا مايكون ويقول ان حد غير المصريين القدماء هما اللى بنو الاهرامات والغريب ان الموضوع اخد شكل تانى ودخلت فيه عنصرية وشينوفية وحاجات كده .
الدكتور مصطفى محمود فى برنامج العلم والايمان جاب حلقة كاملة عن الاهرامات وكيفية بنائها وتطرق الى معلومة او حقيقة وهى ان الاهرامات تم نحتها من قبل قدماء المصريين يعنى الاهرام كانت كتله صخرية على بعضها وتم نحتها بهذا الشكل واللى عاوز يعرف اكتر يدخل يشوف الحلقة .
فى القران الكريم يقول الله تعالى - فاوقد لى يا هامان على الطين فاجعل لى صرحا لعلى اطلع الى الاه موسى -
وقال بعض المفسرين ان فرعون امر هامان ببناء الاهرامات ( الصرح ) حتى يقترب من السماء فيرى الله ( على حد قوله ) والله اعلم .
يبقى اللى بيقول ان مش المصريين هما اللى بنو الاهرامات يبقى كلامه اى كلام ويسكت احسن .

اخى الفاضل من فضلك الايه مكتوبه غلط
ثانيا الايه تنافى كلام حضرتك فاوقد لى ليس معناها نحت فى الصخور.بل تدل على ان الفراعنه بناه طين