عرض للطباعة
[]السلام عليكم[/]
انا لسه شارى عربيه لانوس اوتوماتيك موديل 2000 من شهر و ماشيه 115000 كيلو
محتاج اعرف ايه الحاجات الى تتغير زيوت و فلاتر و سيور و اى حاجه المفروض اغيرها علشان ابقى ماشى بيها مطمن
انا الى اعرفه ان زيت الفتيس بالفلتر هيتغيره و قربه المياه و الخراطيم الى نازله منها هغيرهم برده لانهم فيهم مشاكل و القربه زى متكون مصديه
فايه تانى الحاجات الى اعملها صيانه ؟؟؟و ياريت متوسط اسعار لكل حاجه هتتغير ان شاء الله و المكان اجيبها منين؟
هتعمل صيانه الكاتينة بمشتملاتها
سير كاتينة
شداد كاتينة
سير دينامو و باور
سير تكييف
شداد سير تكييف (طنبورة)
طرمبة مياة
بوجيهات
سلوك بوجيهات
زيت موتور
فلتر زيت موتور
مياة خضراء و غسيل لدورة المياة بس اكبس دورة المياة الاول لو فيها مياة حنفية زي ما بتقول
زيت فتيس (12 كيلو زيت و اوعي تحط اقل من كده)
فلتر زيت فتيس اصلي
هتكشف علي البلي للاربع عجلات
هتكشف علي العفشة بالكامل
هتتاكد من تاريخ انتاج الكاوتش و لو عدي عليه 5 سنين هتغيرة
هتكشف علي قواعد الموتور و الفتيس
هتكشف علي اويل سيل الاسكترا و زيت الباور
هتكشف علي تيل الفرامل امامي و خلفي و علي عدد 2 ماستر فرامل خلفي و تتأكد انهم مش قافشين علشان بيعملوا مصايب
المفروض تعمل سكان عند كهربائي محترف زي محمد السيد قبل ما تعمل الصيانه للاطمئنان علي الحساسات و الرشاشات
بالنسبة لدورة المياة لو لا قدر الله لقيت تسريب يبقي هتكشف علي كل اللي في الموضوع ده
http://www.nilemotors.net/Nile/380119-a.html
متكسلشي علي دورة المياة علشان ميحصلشي فيك اللي في الموضوع ده
http://www.nilemotors.net/Nile/390700-a.html
ربنا معاك اصرف مرة واحدة و اخلص و لو عايز صنايعي محترف يبقي محمد عبده ميكانيكا و عفشة و محمد السيد كهرباء
محل بنتعامل معاه : ابو الحسن في شارع المرور - بين السريات
انتظر راي الباقي
والله اعلي و اعلم
وبرضه غير فلتر الهواء
نسيت فعلا فلتر الهواء و البنزين طبعا ة تنضيف البوابة و حساس الايدل
و اوعي تنضف حساس ال tps لانه هيبوظ
الاسعار الاسترشادية (ممكن تكون اتغيرت)
سير كاتينة اصلي ب 170 جنية
شداد كاتينة اصلي 280 جنية
سير دينامو اصلي ب 40 جنية
سير تكييف اصلي ب 35 جنية
بلية سير تكييف ب 55 جنية اصلي
بوجيهات اصلي ب 55 جنية من التوكيل بتاع ngk
سلوك بوجيهات اصلي مش عارف
طرمبة مياة اصلي ب اكتر من 200 جنية
ابقي بلغنا عملت ايه
هستاذن حضرتك تقولى كل حاجه من دول هتكلف كام و المصنعيه طبعا كل الاسعار تقريبا و يا ريت اعرف كل حاجه من دول اعملهم فين انا لا افقه شئ عن السيارات معرفش مين يكشف على العفشه و مين يركب كذا و مين ميركبشاقتباس:
المشاركة الأصلية كتبت بواسطة mitsukero
و ياريت العناوين معلش تعبتك شويه :d
شكرا مقدما
انا بشتري الحاجة الأصلية من ابراهيم البنا في 5 شارع ذكي التوفيقية.
طيب حضرتك تنصجنى اغير ايه و اسعارهم فى حدود ايه؟اقتباس:
المشاركة الأصلية كتبت بواسطة khaled lanos
أول وأهم حاجة تبدأ تغير سير الكاتنية والبليةاقتباس:
المشاركة الأصلية كتبت بواسطة EL Tanna
السير في حدود 65 جنيه مش أصلي بس شغال كويس يمشيك 30 ألف أو أكتر كمان..الأصلي مش فاكر سعره.
البلية أنا مركب عندي كوري بـ 65 جنيه بردو وشغالة زي الفل.
بعد كدا غير فلتر الهواء بـ 25 جنيه مش هيفرق اوي عن الأصلي وابقى ارميه كل 10 تلاف.
غير فلتر البنزين..الكوري بـ 30 والأصلي ب 70..ومش فارقة اوي بردو انا مركب الكوري وماشي بيه 20 ألف وبنضفه كل 5 تلاف مثلا..ولما غيرته محسيتش بفرق يعني الفلتر مكنش وحش.
غير زيت المتور وفلتر الزيت الجي الإم الأصلي عامل 25 جنيه..وأهم حاجة يكون أصلي.
الزيت انصحك بكاسترول ماجنيتيك نصف تخليقي يمشيك 8 او 10 تلاف..عامل 240 جنيه
أو كاسترول جي تي إكس بيقعد 5000 ودا عامل 130 جنيه.
غير زيت الفتيس والفلتر بس أهم حاجة الفلتر يكون نضيف..دول معرفش أسعارهم للأسف.
غير البوجيهات بـ NGK كودهم bpr6es عاملين 55 جنيه.
دي الحاجات اللي فاكرها دلوقتي بس عموما لو انت عملت الكلام دا هتحس انك راكب عربية تانية :)
ولو الدنيا ملخطبة معاك في المصاريف وكدا ابدأ بصيانة الكاتينة وزيت المتور وسيب الباقي مش مشكلة يتعمل في أي وقت..لكن سير الكاتينة لو قطع لا قدر الله هتخش في حوارات تانية انت في غنى عنها.
انا مش بتعامل في اللانوس غير مع ميكانيكي واحد هو محمد عبده و بثق فيه علي الرغم من وجد خلاف عليه من الاعضاء بس انا مجربة و كويس معايا جدا الحمد لله و هو بيشتغل ميكانيكا و عفشة و هيجيبلك من الاخر
عنوانه في الموضوع ده:
http://www.nilemotors.net/Nile/29619-a.html
تليفونه اهه ربط معاه الاول 01223863468
قول له من علي النت و هو فاهم موضوع المنتدي و النقاشات و بيدخل يتفرج و عارف القصة
نصيحة : اشتري قطع الغيار الاصلية علشان تنساها لان الفرق في الاخر مش كبير قوي يعني في السعر بس الخطورة كبيرة خصوصا ان زي ما حضرتك بتقول مش مركز مع العربيات قوي فلو موقف حصل مفاجيء الدنيا هتبوظ اكتر مما تتخيل
متنساش تغير ثرموستات الكوعة و انت فاكك الكاتينة و الكوعة بتاعتها دي ب 50 جنية و لو قفشت هتوديك في مصيبة و اوعي اوعي تلغيها
ليه ؟
الرد هنا :
http://www.nilemotors.net/Nile/328708-a.html
طيب بالمرة عندى مشكله فى الازاز الكهربا الاتنين الى ورا مش بيطلعو غير لما اشد فيهم لفوق و بيبقى بطى جدا جدا
اروح لمين بعملو ده؟؟؟
و عندى السنطه مش بتفتح غير بالمفتاح الزرار الى تحت كرسى السواق مش بيفتحها ده اعمله عند ميين؟
الشنطة دي اعملها بنفسك
افتح الشنطة بص تحت علي المكان اللي كالون الشنطة بيقفل عليه
هتلاقي لسان علي الشمال تحت الفبرة
اللسان ده معووج
اعدله بمفك او اي حاجة لفوق شوية و جرب و هكذا لحد ما تشتغل
الزجاج شوف كهربائي او بتاع ابواب
الحمد لله غيرت السيور و الفلاتر و زيت الماتور و البوجيهات و بغير دلوقتى بغير زيت الفتيس و الفلتر
الاسعار:
فلتر فتيس ب260
فلتر هواء 25
فلتر بنزين 25
فلتر زيت 20
سير كاتينه 65
زيت موتور 5000 ب130
سبر دينامو 30
بوجيهات50
المصنعيه 90 جنيه و تغير زيت الفتيس و الفلتر المصنعيه 100
انا الراجل اخدت منه 8 كيلو زيت بس؟؟!!!
مش المفروض 12؟
والله ياباشا انته تروح لميكانيكى يكون فاهم وبعد كده تشوف معاه اللى محتاج يتغير و ايه اللى هيحتاج بعد كده وربنا يوفقك
ممكن
انت ارتكبت جناية بعدم تغييرك لبلية شداد الكاتينة
و الاصعب تغيير زيت الفتيس بكيلوات اقل يعني 8 كيلو و هو بياخد 12 كيلو يبقي قريب الفتيس هيبوظ
الميكانيكى الى انا رحتله والدى بيتعامل معاه من زمان فرحتله قلتله عايز اغير كذا و كذا قالى لا انت تغير السيور و الزيوت و الفلاتر اما بليه الشداد تغيرها ليه و كمان لو فيها حاجه هتظهر معايا وانا بعملك الصيانهاقتباس:
المشاركة الأصلية كتبت بواسطة mitsukero
ده كلامه
اما بقى عن الفتيس ده الى انا مستغربه انا قعدت اتخانق مع ميكانيكى الفتيس و اقنعه انها بتاخد مع تغيير الفلتر اكتر من 8 بكتيير قالى دى مش اول مره اغير لعربيه زى دى؟؟!!
طيب تنصحنى بايه بخصوص زيت الفتيس اعمل ايه؟؟