الموضوع: شكر واجب الى م / خالد اسماعيل على زوقه و امانته فى قـســــم سـكـــــــــــــــــــودا

المشاركة الأصلية كتبت بواسطة marawansabry

السلام عليكم

بمناسبة الكلام عن المهندس / خالد اسماعيل .. طبعا انا بحب أؤكد على كلامكم جميعا في انة راجل فاهم وشاطر وبيراعي ربنا وخدوم

ثانياً : انا بعد العربية ما خرجت من الضمان وانا تقريبا شبه بتعامل معاه بصفة دورية .. والحمد لله عمرة مشتكي من حد ولا حاجة .. بس اخر مرة كنت عندة الاسبوع اللي فات وجات سيرة نايل موتورز والناس اللي بتشكر فية .. الراجل بصراحة كان ممتن جدا بس طلب مني اني اكتب عتاب رقيق منه لاحد افراد المنتدي المحترمين

القصة باختصار ان مهندس خالد بيفتح تليفونة 24 ساعة بيدي استشارات للناس في التليفون تحسبا لاي طارئ وللاخوة اللي من اماكن بعيدة .. بس من عشرة ايام اتصل بيه واحد الساعة 4 الا ربع صباحاً (اه والله صباحاً) .. مهندس خالد مشكورا صحى من احلى نومة واتفزع واتخض وافتكر في طوارئ ولا مصيبة ولا حد عندة حاجة كبيرة .. الا انه فوجئ بشخص بيقلة انة جاب تليفونة من نايل موتورز وانة عايز يعمل عربية سمكرة ودوكو ودي ههتكلف كام بالظبط وبيضحك ضحك غريب .. تخيلوا لما حد يتصل بحد الاساعة 4 صباحا يقلة عايز اعمل سمكرة ودوكو
المهم مهندس خالد طبعا اضايق جدا ومن كتر ضيقة التليفون وقع من ايدة اتكسر ميت حته
وبعد لما صحى الصبح اتصل بهذا الاستاذ وقاله ان ميصحش اللي عمله لانه افتكر ان فيه مصيبة او حد محتجلة بجد .. فرد عليه هذا الشخص بضحكة استهزائية وقاله ما الناس كلها بتسهر انا فكرك سهران.
المهم القصة خلصت .. ومهندس خالد قالي انا ميش عايز اقفل التليفون علشان لو حد محتاج حاجة بجد .. بس الناس متستغلش كدة غلط
فيا جماعة احتراما لخصوصية الناس ولتعاون مهندس خالد معانا يرجى مراعاة هذه الاشياء
دا رجاء من مهندس خالد وانا من باب الامانة بنقل كلامة

دى قلة زوق طبعا
و ممكن يضيع على حد فعلا المساعده
يعنى ممكن حد بيكون مسافر و عربيته عطلت باليل و الطرق مفيهاش امان فا بيستنجد بأى حد فبيتصل فى اوقات متأخرة و هنا اكيد الشخص المستقبل المكالمة هيقدر ظروف المتصل
اما اتصل علشان استهزء تيبقى قلة زوق طبعا

ربك المستعان