فتيس الاوتو !!!!

**Hani Ezzat** · 24-11-2013 11:26 PM

عشان ننجز حالنا بقا عشان انا زهقت من نفسي ومن كتر التفكير و عاوز اشتري الزيرو بقا :)

* دلوقتي يا اجدع ناس هو فعلا في نتشه في فتيس الاوتو " سانديرو " وهي بتختلف من عربيه للتانيه ولا حسب طريقه سواقتي انا وهل النتشه دي بتجيب غيار بعد كده !!
اصل بصراحه يعني انا اجيب اوتو عشان تريحني من الزحمه ولا عشان تخنقني خصوصا اني من النوع اللي احب كل حاجه ف العربيه مظبوطه :)

ولا اتوكل على الله و اجيب مانيوال " ستيب واي "

**assaf** · 24-11-2013 11:58 PM

انا معايا العربيه ومش حاسس باي نتشه
يمكن انا مش مركز بس فعلا مش حاسس بحاجه و واحد صحبي جربها و كان معاه نيسان اوتو برضه قالي مفيش نتشه

**nouranwar** · 25-11-2013 02:11 AM

بأمانة العربية مطلعة عيني و كل شوية في التوكيل و مش معترفين بالمشكلة
انا لوجان اتوماتيك و كل شوية العربية تهبد جامد و تطلع علي الثالث و التبترونك ميشتغلش و حاجة زفت بصراحة
انا معرفش العيب ده عندي انا بس ولا فيه حد اشتكي منه قبل كده !!!
انا بفكر ابيع العربية من القرف اللي بشوفه منها و توكيل فاشل جدا و مستفز جدا كل ما اروحلهم يقولولي العربية سليمة العربية سليمة طيب انا غاوي اروح العامرية و ارجع كل شوية !!!
المهندسة هبة فرع العامرية مش مقتنعة هي و الميكانيكية اللي بيقولوا عليهم مهندسين ان الفتيس بايظ

**lada2105** · 25-11-2013 03:25 AM

مع احترامى لحضرتك يااستاذ نور متكلم حماية المستهلك وتقدم شكوى انا مع صحبى السياره ومبسوط منها وانا خلاص احجز موديل 2014 الاسبوع القادم وممكن حضرتك تروح المقر الرئيسى فى القطامية

**moh_elnahas** · 25-11-2013 04:10 PM

بعد استعمال اكثر من شهرين
مفيش حاجه اسمها نتشه ان عربيتى اوتو موديل 2013
موجود بس احساس بالنقلات و خاصة من التانى للأول لكن فى المجمل العربيه اديها 95 % من توقعاتى لها
مقابل سعرها و منافسينها و الحمد لله
اسأل عن كل العربيات و حدد انت عاوز ايه اولا بغض النظر عن نوع العربيه
مانيول ولا اوتو
و بعدين حدد كام عربيه و استخير ربنا و اتكل على الله

**adel_edrees** · 25-11-2013 07:31 PM

أولا بالأضافة ألى أستهلاك عالى للبنزين في الأوتوماتيك فزمان كانوا بيقولوا ماتشتيش الأوتوماتيك ألا لو كانت فوق المية ألف جنيه و دلوقتى فوق ال 150 ألف جنيه و خصوصا في عربيات قطع غيارها مغالى فيه و زى ما المانيوال بانت مشاكله اأوتوماتيك كمان له مشاكله ممكن ما تظهرش دلوقتى المانيوال قعدنا 3 سنين علشان نعرف أن ما فيهاش عمود أتزان و علشان كده لوجان مانيوال + عمود أتزان + كاوتش مختلف عن اللى راكب فيها = عربية جيدة و قيمة مقابل المال

**nouranwar** · 29-11-2013 01:36 PM

المشاركة الأصلية كتبت بواسطة lada2105

مع احترامى لحضرتك يااستاذ نور متكلم حماية المستهلك وتقدم شكوى انا مع صحبى السياره ومبسوط منها وانا خلاص احجز موديل 2014 الاسبوع القادم وممكن حضرتك تروح المقر الرئيسى فى القطامية

مبروك مقدما و يارب تطلع سليمة و تكون عربيتي بس هي اللي فيها المشكلة
انا خلاص بعت عربيتي امبارح الحمدلله