عزل الصوت للفليشيا

**MOHAMED ABD EL SHAFY** · 25-11-2013 10:14 AM

السلام عليكم يا جماعة الخير

منذ عده اسابيع والحمد لله اخدت خبطة فى الباب الامامى يمين والباب باظ والحمد لله
رحت اشتريت واحد استيراد من الحرفيين ورحت مركبه واترش والسمكرى ظبطه
المهم العربية معى منذ عده اسابيع ولم اسير على سرعة جنونية فوق ال 100 على الطريق الدائرى
حسيت انى لما اصل الى السرعة 100 اسمع صوت هواء شديد من ناحية الباب رغم ان تركيبة جيد وعزل الكاوتش كويس
مش عارف اعمل ايه وهل عزل الصوت وحش فى السرعات العالية للفليشيا حيث اننى منذ زمن لم اسير على سرعة عالية وحاسس ان فيه حاجة مش متعود عليها

**Gelgel2004** · 25-11-2013 12:22 PM

زكب كرتيره الرفرف لو موش موجوده
ركب و اضبط كاوتش الباب
اتاكد من الماوتشه اللى بين الباب و الكرتيره
تحياتى

**sakr_skoda** · 25-11-2013 07:29 PM

كارتيرة الرفرف طيب ازاى دى من اساسيات السيارة يعنى مينفعش تتفك ومستحيل اصلا تتفك !!!!!!!!!!!

الهواء القادم من جهة الباب ممكن يكون من تاثير الخبطة حدث اعوجاج طفيف فى القائم يسبب تسرب الهواء من بين القائم والباب وعلشان نعرف اكتر ممكن تجيب شريحة من المطاط وتدخلها بين الباب والقائم ثم اغلق الباب واختبر هل ستتمكن من سحب قطعة المطاط لو خرجة معاك ببساطة يبقى كلامى مظبوط لو الباب حكم عليها ولم تتمكن من سحبها يبقى كلامى خطء....

**sakr_skoda** · 26-11-2013 05:49 PM

المشاركة الأصلية كتبت بواسطة حسن محمود احمد

انت ليه مرضتش عليا في المشاركة او الاستفسارالاخ العزيز sakr1964بعد التحية عندي سؤال ممكن يكون خارج الموضوع بس انا عاوز اجابة اليوم كنت باتفحص الموتور علشان عاوز اظبط كهربة السيارة بشيل السلك الارضي المتصل بجسم السياة وكذلك المتصل بجسم المحرك (الموتور ) لانني كنت بصنفر مكان المسامير لازالة الرواسب والصداء والاوساخ بصنفرة خشنة وصنفرة مكان المسمار لازالة الطلاء وضمان التوصيل الصحيح والجيد للكهرباء وتدعيم سلك الفبريكة بسلك 35 مم وايصاله بسالب البطارية طبعا سلك الفبريكة واصل علي قديمه بمسمار قلاوز خلف الموتور ولكن الغريب وجدت فيشة شبة الموجودة بماكينة المارشدير بس اعلي شوية وبالضبط تحت شحرة الجكمان فيتري الفيشة دية خاصة باية ولك جزيل الشكر واسف علي الاطالة بس انا شايف من وجهة نظري السؤال بيعتبر تقرير عن تقوية كهرباء السيارة وزيادة العزم وتوفير الوقود

فعلا انا شفت موضوعك وفكرت فيه بس بجد موصلتش للايجابة المفيدة فقررت الصمت فهو اولى ولا احب ان افقتى بدون علم يقينى فعادتى قبل الرد تطبيق المشكلة عمليا على فيفورتى حتى اتمكن من الرد الصحيح بس والله بجد انا دلوقتى لما شفت مشاركتك دى قمت صورت القطعة موضوع المناقشة وسارفعها لم يتعرف عليها علشان انا مش عارف دى بتعمل ايه ....