زيادة رسوم توثيق الشهر العقاري(حد أدنى 5 الاف جنيهاً) انذار للي معاهم توكيل

بسم الله الرحمن الرحيم

بما اني مقبل على شراء سيارة مستعملة في أول 3 شهور من السنه الجديدة ...... لقيت مديري بيقولي الحق أشتري قبل نهاية السنه دي و أنه قرأ خبر في ملحق السيارت يوم الجمعة 22/11/2013 عن خبر زيادة رسوم توثيق السيارت بالشهر العقاري.

أولاً انا محدش أكدلي الكلام ده ... فيريت لو الموضوع مكرر و فعلاً صحيح حد يقولي

نص الخبر:
" أصدر وزير العدل القرار رقم 8656 لسنة 2013 بزيادة رسوم التوثيق على المركبات التى يتم توثيقها بعد سنة صنعها بعد تخفيض ثمن السيارة بواقع %5 عن كل سنة من السنوات التى تنقضى بين تاريخ انتاج المركبة وتاريخ طلب إجراء التوثيق، التى كانت %10 فى السابق.
وحدد قرار وزير العدل الحد الأدنى لقيمة المركبة بعد تطبيق القرار الجديد بألا تقل قيمة السيارات المنتجة من شركة النصر للسيارات عن 5 آلاف جنيه، وألا تقل قيمة المركبات المستوردة بعد عام 2013 ولحين توثيقها عن 10 آلاف جنيه.
وتم تحديد الحد الأدنى لسعر سيارات النقل 15 ألف جنيه بعد تطبيق التخفيض على رسوم التوثيق بحسب سنة التوثيق، و20 ألف جنيه حداً ادنى لسيارات الركوب السريع أكثر من 6 سليندر، و25 ألف جنيه كحد ادنى لسعر سيارات الميكروباص حتى 26 راكباً و30 ألف جنيه حتى 45 راكباً و50 ألف جنيه أكثر من 45 راكباً.
ووضع القرار جدولاً استرشادياً لمصلحة الشهر العقارى بالنسبة لأسعار السيارات يتم حساب التخفيض عليها.
قال مصدر بمصلحة الشهر العقارى ان القرار وضع أسعار استرشادية لأسعار السيارات يتم فرض رسوم التوثيق بناء عليها والمقدرة بـ %2 فى قانون الشهر العقارى، مع زيادة رسوم التوثيق إذا جاءت قيمة السيارة فى العقد أعلى من الأسعار الاسترشادية التى وضعها القرار.
أكد المصدر ان هذا القرار الهدف منه مواجهة زيادة أسعار السيارات وفقاً للزيادة التى تحدث حالياً فى الأسعار وتؤدى إلى ارتفاع ملحوظ فى الأسعار.
وحدد القرار مدة للعمل بهذه القيم حتى عام 2018 ليتم بعدها المراجعة ووضع قيم أخرى، مع استثناء السيارات المنتجة من شركة النصر لصناعة السيارات من هذه القيم، وتعامل بقية السيارات معاملة المستوردة. "

أنا بدأت أشوف مدى صدق الكلام ده و جريت على الجريدة الرسمية و فعلاً لقيت الخبر تم نشره فيها يوم 18/11/2013 و سيتم تطبيقه من 1/1/2014

نص القرار من الجريدة الرسمية
اللنك هنا
و أدي الصور

http://nileup.com/up/uploads/nilemotors_13854687041.jpg

http://nileup.com/up/uploads/nilemotors_13854687042.jpg

http://nileup.com/up/uploads/nilemotors_13854687043.jpg

http://nileup.com/up/uploads/nilemotors_13854687044.jpg

http://nileup.com/up/uploads/nilemotors_13854687045.jpg

http://nileup.com/up/uploads/nilemotors_13854687046.jpg

لينك الخبر من المصري اليوم

لينك الخبر من أخبار البورصه

لينك الخبر من أهرام أون لاين

يريت محامين المنتدى الكرام و جهابزة القانون يقسرولنا و يأكدولنا الكلام ده بعد أذنكم

لو أنا بفهمي المتواضع فاهم صح....يبقى اللي هيئتري عربية مستعملة بـ10 الاف جنيه ، هيدقع رسوم توثيق 5 الاف جنية
في حين أن اللي بيشتري عربية زيرو مش بيحتاج يروح الشهر العقاري طبعاً و بيروح على طول للمرور بورق السيارة

عايزين يحدو من سماسرة السيارات المستعمله ...... في حين أن التاجر بيشتري بتوكيل و يبيع بتوكيل و المشتري النهائي هو اللي هيلبس !!

هل أسعار السيارات هتفضل زي ما هي و بكده المشتري هيلبس في الشهر العقاري؟؟
هل أسعار العربيات هتنزل قيمة رسوم التوثيق ؟؟
هل رسوم التوثيق هتبقى بالنص بين البائع و المشتري ؟؟

الأكيد أن هيحصل رابكه بين في سوق المستعمل......

نصيحة ... اللي ماشي بتوكيل يروح يسجل العربية بأسمه عشان يبقى في الأمان قبل نهاية السنة.

طب و التعليقات ؟؟

كلام غبور:

"وقال الدكتور رءوف غبور الرئيس التنفيذى لـجي. بي. أوتو ان هذا القرار من شأنه تشجيع الكيانات الكبيرة على دخول سوق المستعمل لتجارة السيارات، خاصة أنها غير قادرة على المنافسة أمام سماسرة المستعمل بسبب عدم وجود أى مصاريف إدارية لديهم، عكس التوكيلات.
مشيرا الى أن رفع رسوم التسجيل حاول من خلاله المشرع تعويض التسرب فى ضريبة المبيعات والأرباح التجارية للبعض، خاصة أن تجارة المستعمل غير مقننة يقوم عليها سماسرة عكس التوكيلات.
وأوضح د. رءوف غبور أن نسبة الـ5% لن تؤثر على السيارات الزيرو لأن العميل يحصل على المبايعة الخاصة بالسيارة ويتوجه بها الى إدارة المرور، أما بالنسبة للمستعمل فيمكن، حسابها عند اتمام عملية البيع، مؤكدا أن هذا القرار سيقلل من الفجوة بين السوق الرمادية والسوق المقننة، ومن ثم تحاول الحكومة تعويض عمليات التهرب من خلال رسوم التسجيل. "

كلام السبع:
"قال علاء السبع عضو الشعبة العامة للسيارات بالغرفة التجارية بالقاهرة، ان القرار سيفتح الباب للتحايل على عمليات التوثيق والتسجيل واللجوء الى التوكيلات عند الشراء، خاصة أن تطبيق نسبة الـ5% على السيارات المنتجة محليا تمثل ظلما كبيرا مقارنة بالسيارات المستوردة.
وطالب السبع بإيجاد صيغة مشتركة للوصول الى اتفاق قبل تفعيل القرار يشارك فيه شعبة السيارات التى يمثل اعضاؤها نبض السوق."

"أضاف السبع أن قرار وزير العدل لن يؤثر بأى حال من الأحوال على حركات البيع والشراء لاسيما فى سوق المستعمل لأن الزيادة التى أقرتها الحكومة طفيفة للغاية.
وقال عفت عبدالعاطى، رئيس شعبة وكلاء وموزعى تجار السيارات بغرفة القاهرة إن هذا التخفيض لن يسرى على السيارات الجديدة، وانما سيأتى على السيارات المستعملة فقط، منتقداً إصدار مثل هذا القرار دون التشاور فيه مع الغرف التجارية.
أكد عبدالعاطى أن هذا الرسوم موجودة من قبل ولكن تم زيادتها، مطالباً وزارة العدل بتوضيح موقف السيارات التى تعود سنة صنعها قبل 2014 بالنسبة لرسوم التوثيق.
أشار إلى أن هذا القرار لن يمس الجمارك المفروضة على السيارات الجديدة التى تدخل مصر.
أضاف ان الغرفة ستدرس القرار مع وزارة العدل لمعرفة مدى تأثيره على أسعار السيارات وستطالب بإدخال بعض التغيرات فى الأسعار الاسترشادية التى أوردها القرار."

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

تم تعديل حجم الصور ليتناسب مع الموضوع ونقلة لقسم ساحة المرور وموضوعات التأمين في مصر .

2:24 PM
2013/11/26
3 ب .

ده ايه الغم ده !!!

اللى انا فهمته من الكلام ده غير كده

انا فاهم ان قيمة السيارة هى اللى بقت بحد أدنى 5000 جنية وليست رسوم التسجيل

يعنى أقل قيمة تدفع لتسجيل السيارة هى 5000 * 2% = 100 جنيه

انا شايف انه بيتكلم عن قيمة المركبة مش قيمة التوثيق بمعنى ان سيارة موديل 2003 مضى على الموديل 10 سنوات يبقى يخفض قيمة المركبة بنسبة 50% بحد ادنى 5 الاف جنية لكن مقلش على قيمة التوثيق هتبقى كام غير كده هو بيتكلم عن الموديلات بعد 2013 ولم يذكر قبل 2013 بصراحة انا مش فاهم

متابع

انا مفهمتش اي حاجة ياريت حد يفسر

كمان متابعه عشان افهم

انا مش فاهم حاجة من الكلام ده

هو ليه دايما كلام الحكومات الغاز !!!!!!!!!!

اقتباس:

---

المشاركة الأصلية كتبت بواسطة romieh

اللى انا فهمته من الكلام ده غير كده

انا فاهم ان قيمة السيارة هى اللى بقت بحد أدنى 5000 جنية وليست رسوم التسجيل

يعنى أقل قيمة تدفع لتسجيل السيارة هى 5000 * 2% = 100 جنيه

---

أتمنى يكون كلامك صح ..... احنا مش ناقصيين
بس لو حضرتك قريت التعليقات على الخبر في الجرايد هتلاقي غير كده :bigeyes02:

اقتباس:

---

المشاركة الأصلية كتبت بواسطة aboomar22

انا شايف انه بيتكلم عن قيمة المركبة مش قيمة التوثيق بمعنى ان سيارة موديل 2003 مضى على الموديل 10 سنوات يبقى يخفض قيمة المركبة بنسبة 50% بحد ادنى 5 الاف جنية لكن مقلش على قيمة التوثيق هتبقى كام غير كده هو بيتكلم عن الموديلات بعد 2013 ولم يذكر قبل 2013 بصراحة انا مش فاهم

---

حضرتك نص الفقره الأخيرة بالماده التانية بتقول :

"على أن تعامل جميع السيارات بأنواعها معاملة المستورد فيما عدا السيارات المنتجة من شركة النصر لصناعة السيارات فقط و ذلك بالنسبة لسنوات الصنع السابقة لعام 2014 كما يسري الحد الأدنى على السيارات المنتجة قبل 2014"

ايه الكلام اللى يزعل ده بأه

اللي أنا فاهمه كالأتي.....

1- العربيات المستوردة موديل 2014 مكتوب قيمتها فى الجدول 98500 جم ( ال 4 سلندر طبعاً)
2- أول مرة توثيق هتدفع عليها النسبة المقررة للتوثيق على إعتبار أن سعرها 98500.
3- بعد 5 سنين أنت بعت العربية لواحد تاني.....التاني عاوز يوثق....هيعملوا خصم 5% عن كل سنة...يعني 25% من السعر اللى هو 98500.....يبقى 73875 و يدفع النسبة المقررة للتوثيق على إعتبار أن السعر 73875
4- بعد 20 سنة العربية أتباعت لواحد تاني...هيعملوا خصم 5% عن كل سنة....يعنى 100%.....مينفعش....ساعتها سعر العربية هيعتبروه 5000 جم مصري و يدفع النسبة عليهم.

مستنيين اي حد من الزملاء يكون في الشهر العقاري او محامي ﻷن كدا حيبهدل سوق المستعمل

الكلام تقريبا معناه
انك مثلا معاك لانسر 2003 و عاوز تبيعها متجيش تكتب ف التوكيل ثمنها 2000 علشان تدفع رسوم قليله لأ الحد الأدنى 10000 جنيه ( و فى أسعار كمان استرشاديه يعنى مثلا هتلاقيه كاتب ان العربيه اللانسر دى تبدأ مثلا من 40 ألف ل 60 ألف )
بس خلينا نحسب بدون الأسعار الاسترشاديه و نقول اننا هنكتب ان تمنها 10000 جنيه و فات على صنعها 10 سنين يعنى هتدفع على كل سنه 5% يعنى مبلغ التسجيل هيكون 5000 جنيه !!!!!!!! ( خد بالك المبلغ ده بدون اسعار استرشاديه)

متابع معاكم

حسب ما انا فهمت ان قيمة السيارة لن تقل عن 5000 جنيه
يعنى لو حد اشترى عربيه قرده ولا حاجه من النوعيه ده اقل حاجه هيدفعها
5000 * 2% = 100 جنيه

اقتباس:

---

المشاركة الأصلية كتبت بواسطة ahmed a.maksoud

اللي أنا فاهمه كالأتي.....

1- العربيات المستوردة موديل 2014 مكتوب قيمتها فى الجدول 98500 جم ( ال 4 سلندر طبعاً)
2- أول مرة توثيق هتدفع عليها النسبة المقررة للتوثيق على إعتبار أن سعرها 98500.
3- بعد 5 سنين أنت بعت العربية لواحد تاني.....التاني عاوز يوثق....هيعملوا خصم 5% عن كل سنة...يعني 25% من السعر اللى هو 98500.....يبقى 73875 و يدفع النسبة المقررة للتوثيق على إعتبار أن السعر 73875
4- بعد 20 سنة العربية أتباعت لواحد تاني...هيعملوا خصم 5% عن كل سنة....يعنى 100%.....مينفعش....ساعتها سعر العربية هيعتبروه 5000 جم مصري و يدفع النسبة عليهم.

---

دا التفسير الللي بنتمناه ويارب يكون قصدهم كده

هقولكم انا بقي القصة
احنا لما كنا بنشتري عربيات خصوصا في النقل
كانت الرسوم بتبقي علي حسب مبلغ العقد
يعني مثلا لو كاتب في العقد ان تمن العربية 50000 ادفع عليها 5000 جنية
فكانو بيكتبو قيمة العربية 20000 فا كده ادفع 2000
لكن هما بقي مالهومش دعوة
هما كده سعرو العربية بقد كده تكتب انت بقي الف ولا مليون هما مسعرنها وهيدفعوك علي اللي محددينو
وكان في ناس ممكن تكتب تمن العربية 1000 جنية :)
علشان كده عمل حد ادني
فهمتو :)

متابع

طب و التعليقات ؟؟

كلام غبور:
"وقال الدكتور رءوف غبور الرئيس التنفيذى لـجي. بي. أوتو ان هذا القرار من شأنه تشجيع الكيانات الكبيرة على دخول سوق المستعمل لتجارة السيارات، خاصة أنها غير قادرة على المنافسة أمام سماسرة المستعمل بسبب عدم وجود أى مصاريف إدارية لديهم، عكس التوكيلات.
مشيرا الى أن رفع رسوم التسجيل حاول من خلاله المشرع تعويض التسرب فى ضريبة المبيعات والأرباح التجارية للبعض، خاصة أن تجارة المستعمل غير مقننة يقوم عليها سماسرة عكس التوكيلات.
وأوضح د. رءوف غبور أن نسبة الـ5% لن تؤثر على السيارات الزيرو لأن العميل يحصل على المبايعة الخاصة بالسيارة ويتوجه بها الى إدارة المرور، أما بالنسبة للمستعمل فيمكن، حسابها عند اتمام عملية البيع، مؤكدا أن هذا القرار سيقلل من الفجوة بين السوق الرمادية والسوق المقننة، ومن ثم تحاول الحكومة تعويض عمليات التهرب من خلال رسوم التسجيل. "

كلام السبع:
"قال علاء السبع عضو الشعبة العامة للسيارات بالغرفة التجارية بالقاهرة، ان القرار سيفتح الباب للتحايل على عمليات التوثيق والتسجيل واللجوء الى التوكيلات عند الشراء، خاصة أن تطبيق نسبة الـ5% على السيارات المنتجة محليا تمثل ظلما كبيرا مقارنة بالسيارات المستوردة.
وطالب السبع بإيجاد صيغة مشتركة للوصول الى اتفاق قبل تفعيل القرار يشارك فيه شعبة السيارات التى يمثل اعضاؤها نبض السوق."

"أضاف السبع أن قرار وزير العدل لن يؤثر بأى حال من الأحوال على حركات البيع والشراء لاسيما فى سوق المستعمل لأن الزيادة التى أقرتها الحكومة طفيفة للغاية.
وقال عفت عبدالعاطى، رئيس شعبة وكلاء وموزعى تجار السيارات بغرفة القاهرة إن هذا التخفيض لن يسرى على السيارات الجديدة، وانما سيأتى على السيارات المستعملة فقط، منتقداً إصدار مثل هذا القرار دون التشاور فيه مع الغرف التجارية.
أكد عبدالعاطى أن هذا الرسوم موجودة من قبل ولكن تم زيادتها، مطالباً وزارة العدل بتوضيح موقف السيارات التى تعود سنة صنعها قبل 2014 بالنسبة لرسوم التوثيق.
أشار إلى أن هذا القرار لن يمس الجمارك المفروضة على السيارات الجديدة التى تدخل مصر.
أضاف ان الغرفة ستدرس القرار مع وزارة العدل لمعرفة مدى تأثيره على أسعار السيارات وستطالب بإدخال بعض التغيرات فى الأسعار الاسترشادية التى أوردها القرار."

الي صاحب الموضوع حضرتك فهمت غلط قيمة العربية هي الي بيتحدد عليها الضريبة هي الي علي الاقل 5000 جنيه اغلب الاعضاء فهموا الموضوع وشرحوه ليك بشكل صحيح

مش فاهم !!!!!!!!!!!

ههههههههههههههههههههههههه ههههههههههه مش فاهم

ارجو التوضيح

الغريبه ان الناس مش بتقرا ردود الناس
عجبي

عليا الطلاق ما فاهم حاجه :d
ياريت حد من المشرفين يفهمنا الدنيا بقا :)

الكلام معناه ان حساب ثمن السيارة حيكون بتخفيض 5% من ثمنها المدرج فى الجدول او العقد ايهما اكبر عن كل سنة بحد ادنى 10 الاف جنيه ... يعنى لو عربية عمرها 5 سنين و سعرها 100 الف فى الجدول حينزل تمنها الى 75 الف و تدفع رسوم توثيق 2% يعنى 1500 جنيه ... نفس السيارة لو انت كتبت فى العقد انك اشتريتها ب 150 الف حيحسبلك تمنها بعد 5 سنين ب 112.5 الف و تدفعى رسوم توثيقها 2250 جنيه ... لو السيارة قديمة و تمنها بعد تخفيض 5% عن كل سنة طبع اقل من 10 الاف جنيه ... يتحسب ان تمنها 10 الاف جنية و تدفع 200 جنيه رسوم توثيق ... يعنى القصة كلها ان رسوم التوثيق زادت بمقدار حوالى مرة و نص الى مرتين حسب السيارة و الموديل

اقتباس:

---

المشاركة الأصلية كتبت بواسطة hhanafi

الكلام معناه ان حساب ثمن السيارة حيكون بتخفيض 5% من ثمنها المدرج فى الجدول او العقد ايهما اكبر عن كل سنة بحد ادنى 10 الاف جنيه ... يعنى لو عربية عمرها 5 سنين و سعرها 100 الف فى الجدول حينزل تمنها الى 75 الف و تدفع رسوم توثيق 2% يعنى 1500 جنيه ... نفس السيارة لو انت كتبت فى العقد انك اشتريتها ب 150 الف حيحسبلك تمنها بعد 5 سنين ب 112.5 الف و تدفعى رسوم توثيقها 2250 جنيه ... لو السيارة قديمة و تمنها بعد تخفيض 5% عن كل سنة طبع اقل من 10 الاف جنيه ... يتحسب ان تمنها 10 الاف جنية و تدفع 200 جنيه رسوم توثيق ... يعنى القصة كلها ان رسوم التوثيق زادت بمقدار حوالى مرة و نص الى مرتين حسب السيارة و الموديل

---

الله يفتح عليك
هي دي الردود المحترمه اللي تفهم الواحد بالتفصيل
يعني الرسوم زادت بنسبه كبيره
و ده هايطبق من اول السنه
و اللي معاه توكيل و عايز يسجل يلحق نفسه قبل يناير 2014

طب انا معايا توكيل ولسه الرخصة فيها سنه اعمل عقد وامضي فيه ولا ممضيش
والعربية 1997 و1500 سي سي ممكن عقدها دلوقتي كام وبعد 2014 كام ؟

وبكره تشوفوا مصر

وانا كمان مش فاهم حاجة خالص واضح ان بقا فى حاجات كتيرة مش مفهومة

طيب هو هيعرف سعر العربية منين وقت ما العربية تم شراءها للاول مرة و هى زيرو
يبقى اكيد من عقد البيع بتاع المعرض او الوكيل يبقى و العقد دة فين فى الملف و الملف فين فى المرور و المرور دة فين اكيد مش عاوز تعرف مكانه اكيد هيطلب مستنتد من المرور يفيد ببيانات العقد او صورة طبق الاصل و اكيد المرور هيلاقى سبوبة
يبقى اجراءات جديدة و دوخينا يالمونة

منهم لله فى وجع القلب

[QUOTE=AGom3a;3875303099]

طب و التعليقات ؟؟

كلام غبور:
"وقال الدكتور رءوف غبور الرئيس التنفيذى لـجي. بي. أوتو ان هذا القرار من شأنه تشجيع الكيانات الكبيرة على دخول سوق المستعمل لتجارة السيارات، خاصة أنها غير قادرة على المنافسة أمام سماسرة المستعمل بسبب عدم وجود أى مصاريف إدارية لديهم، عكس التوكيلات.
مشيرا الى أن رفع رسوم التسجيل حاول من خلاله المشرع تعويض التسرب فى ضريبة المبيعات والأرباح التجارية للبعض، خاصة أن تجارة المستعمل غير مقننة يقوم عليها سماسرة عكس التوكيلات.
وأوضح د. رءوف غبور أن نسبة الـ5% لن تؤثر على السيارات الزيرو لأن العميل يحصل على المبايعة الخاصة بالسيارة ويتوجه بها الى إدارة المرور، أما بالنسبة للمستعمل فيمكن، حسابها عند اتمام عملية البيع، مؤكدا أن هذا القرار سيقلل من الفجوة بين السوق الرمادية والسوق المقننة، ومن ثم تحاول الحكومة تعويض عمليات التهرب من خلال رسوم التسجيل. "

[

عم غبور و كيل التكاتك
بيتكلم القصة انو هما عاوزين يموتو المستعمل علشان الناس تتجه لزيرو طيب ما هو انا امكانيتى متسعدش اروح اشترى زيرو بتجه للمستعمل بقرفه و مشكله ليه طيب ما ترخص الزيرو و يعم بدل ما بتكسب 70% من ثمن العربية اكسب 30% او 40 % و خلينا نركب زيرو

هو انتو و له عاوزين ترحمو و له تخلو رحمة ربنا تنزل

مش كفاية التاكتوك اللى قرفنا بيه فى الشوارع ياجماعة اللى متعرفهوش هو الوكيل و اللى عاوز يتاكد يروح توكيل بجاج اللى عند بوابة القاهرة طريق مصر اسكندرية قبل دندى مول
هتلاقى الناس هناك اللى بيشترى و اللى جى بيخلص ورق و اللى عنده مشكله و محمله على عربية نص نقل
لانى كنا هناك و بشترى موتسيكل لواحد صحبى فصدمة من الموضوع ده

مش المفروض ان سعر السياره يقل 5% كل سنه طيب ليه بيزيد في الجدول الموضح

السادة الأعضاء الكرام ،،
يفيد القرار بتعديل :-
1- نسبة التخفيض السنوية المستخدمة في حساب قيمة المركبة المطلوب نقل ملكيتها من 10% الى 5% .
2- الحد الأدنى لنقل ملكية السيارة الملاكي أصبح 5.000 ج.م .
3- يطبق هذا القرار اعتباراً من 2014/1/1 م .

اقتباس:

---

المشاركة الأصلية كتبت بواسطة hema_lancer

هقولكم انا بقي القصة
احنا لما كنا بنشتري عربيات خصوصا في النقل
كانت الرسوم بتبقي علي حسب مبلغ العقد
يعني مثلا لو كاتب في العقد ان تمن العربية 50000 ادفع عليها 5000 جنية
فكانو بيكتبو قيمة العربية 20000 فا كده ادفع 2000
لكن هما بقي مالهومش دعوة
هما كده سعرو العربية بقد كده تكتب انت بقي الف ولا مليون هما مسعرنها وهيدفعوك علي اللي محددينو
وكان في ناس ممكن تكتب تمن العربية 1000 جنية :)
علشان كده عمل حد ادني
فهمتو :)

---

كلامك صح فى جزء منه وهو الخاص بتخفيض قيمة العقد للهروب من الرسوم المرتفعة لكن غلط بخصوص إنهم سعروا الرسوم بغض النظر عن قيمة العقد لآن الفيصل هو القيمة الوارد بالعقد بحيث إنها لو أقل من الحد الآدنى يبقى يطبق الحد الآدنى لو أكثر يبقى يطبق الرسم على السعر الموجود بالعقد
من النهاية القرار مش حيأثر على رسوم المستعمل فى شىء لكنه حيفرق مع الناس اللى بتضرب عقود بقيمة منخفضة عشان تهرب من الرسوم المرتفعة

انا قرفت من ام الحكومه دي .. تنام تنام ومره واحده تطلع بحاجه غريبه ! ما الدنيا ماشية كويسه في العربيات ومفيش مشكله في البيع والشرا يروحوا يشوفوا الأنابيب يحلوا أزمتها بدل مهم شاغلين نفسهم ومزاولينا معاهم بأم الحوارات اللي ملهاش لزمه دي ! وه وكان حد اشتكى !

اللى فهمته انهم سعرو العربيات اللى من 2014 فاذا جاب عقد في 2014 بأقل من قيمة التسعير يعامل بقيمة التسعير اللى في الجدول لو اعلى منها يعامل بالسعر الفعلى اللى في العقد ... و مرور سنه تقل قيمة التسعير بتاعه الوزارة 5% يعنى قيمة العربية اللى في 2014 تساوى 100 الف يبقى لو سجل في 2015 أقل قيمة للعربية 95 الف و تحسب على 2% يعنى في سنه 2014 التسجيل هيساوى 2000 جنية و في 2015 تسجيل نفس العربية هيساوى 1850 جنية .

اما بالنسبة للعقود المضروبة بقى و دى المشكلة التانية ان مفيش عربية قيمة العقد بتاعها تقل عن 5000 جنية يعنى التسجيل يقى 100 جنية.

الجزء التالت هو استثناء شركة النصر لان الشركة راجعه تشتغل تانى و بيديها ميزه في الفلوس علشان مش تعامل بسعر العربيات الباقية و تزيد الاقبال عليها للناس للى بتبص في العربية بالقيمة المادية اولا ....



و يارب اكون فهمت صح :0002014a:

معلش يا جماعة بالنسبة للفيات تمبرا هتعااااامل معاملة النصر علما بان من 96-2000 كانت تجمع في شركة نصرولا هتعامل معاملة الاستيراد وياريت اللي يقول يكون متأكد

يا ريت تركزوا معي خصوصاً في الأمثلة اللي بالأرقام علشان تفهموا الحسبة صح

أولاً : لازم نعرف إن مفيش حاجة إسمها قيمة العربية تحدد وفقاً للمكتوب في العقد والكلام ده مطبق من كذا سنة .. هم عندهم جداول بأسعار السيارات زي اللي منشورة في القرار اللي حضراتكم شوفتوه .. بيحسبولك قيمة سيارتك وفقاً للجدول ويشوفوا القيمة الأكبر وياخدوا عليها 2% رسوم توثيق .. يعني لو حضرتك كاتب في العقد قيمة أقل من الجدول يحسبلك الرسوم على قيمة الجدول ولو كاتب في العقد قيمة أعلى من الجدول يحسبلك الرسوم على قيمة العقد
(مثال) لو قيمة العربية وفقاً للجدول 100,000 -- وحضرتك كاتب في العقد 90,000 بيحسب الرسوم على ال 100 ولو كاتب في العقد 110 يحسبهاى على ال 110 طبعاً .

ثانياً : قبل تعديل القرار كانت نسبة التخفيض من ثمن السيارة 10% عن كل سنة فاتت من تاريخ صنعها بعد القرار بقت 5% فقط ..
(مثال) على القرار القديم كانت نسبة التخفيض 10 % عربية حضرتك 4 سلندر موديل 2009 مشتريها وهتسجلها السنة دي 2013 وكاتب في العقد 50,000 في حين إن سعرها وفقاً للجدول 90,000 .. الأول هيحسب قيمة التخفيض 10% عن كل سنة ولما يحسب التخفيض مش هياخد لا سنة الصنع ولا سنة التسجيل لأن القرار بيقول كل سنة (تنقضي) من تاريخ الإنتاج وتاريخ طلب إجراء التوثيق يبقى هيحسب تخفيض عن سنة 2010 ،2012،2011 .. 3 سنوات × 10% يعني 30% يعني التخفيض 27000 جنية من 90000 يبقى ثمن سيارتك وفقاً للجدول بعد التخفيض هو 63000 جنيه في 2% رسوم = 1260 جنيه ... طب لو فرضنا إنك كاتب في العقد 65,000 يبقى هياخد طبعاً بالقيمة اللي في العقد لأنها أعلى وهتدفع 1300 جنيه

ثالثاً : بعد تعديل القرار أصبحت نسبة التخفيض 5% فقط .. مش بس كده هو طبعاً زود ثمن السيارات عن الثمن اللي كان في القرار قبل التعديل .. مش بس كده .. ده كمان زود على سعر العربية 5% عن كل سنة صنع من 2014 ل 2018 . نضرب مثال بالأرقام للحسبة بعد الزيادة .
(مثال) نفس العربية اللي حضرتك مشتريها 4 سلندر موديل 2009 رايح تسجلها في 2014 سعرها كان 90000 وفقاً للجدول قبل التعديل وأصبح بعد تعديل القرار 98500 هيطلعلك التخفيض 4 سنوات من 2010 حتى 2013 × 5% = 19700 .. يبقى سعر السيارة 98500-19700 (20% تخفيض) = 78800 × 2% رسوم = 1576
طب لو هتسجلها في 2015 .. يبقى سعرها وفقاً للجدول 103500 - 25875 (25% تخفيض) =77625 ×2% رسوم = 1552.5
لو هتسجلها في 2016 .. يبقى سعرها وفقاً للجدول 108700 - 32610 (30% تخفيض) =76090 ×2% رسوم = 1521.8

مع التأكيد مرة أخرى أن الرسوم تحسب على أعلى السعرين سواء كان السعر اللي في العقد أو سعر السيارة وفقاً للجدول بعد التخفيض ..
أتمنى تكون الصورة وضحت وأكون قدرت أفهمكم وفقاً لما فهمته .
تقبلوا تحياتي