لا يمح الله = لا سمح الله
عرض للطباعة
لا يمح الله = لا سمح الله
المكان : شارع 26 يوليو تدخله من ناحية دار القضاء وخطوتين بعديها حتلاقى ممر على إيدك اليمين (بجوار الباركنج) الممر ده يبقى هو ظهر الأمريكين وحتلاقى فيه كذا محل مخصصة لأدوات التدخين فقط لا غير .
التكلفة المبدئية : علبة رولينج ماشين بسعر 30 - 35 جنيه .
كيس تبغ جولدن فيرجينيا كلاسيك 50 جرام بسعر 40 جنيه .
كيس فلتر 100 أو 120 فلتر بسعر 15 جنيه (هات Regular أو Long ) وبلاش Slim علشان مش حتعرف تلف بيه بالماكينة .
ورق للف بحوالى 5 جنيه .
يبقى التكلفة للطلعة الأولى 90 - 95 جنيه
بعد كده العلبة مستمرة معاك وبتشترى فقط التبغ والإكسسوارات .
عملية اللف نفسها على الماكينة سهلة جدا جدا بس يمكن فى أول مرة يفلت منك وزن الدخان فممكن تطلع منفسة وممكن مكتومة لكن بعد كده حتحسها وتتظبط بعد مرة أو اتنين مش اكتر (أنصحك تشوف فيديوهات ورفيوهات الموضوع على اليوتيوب حيفيدك جدا) .
من ناحية التوفير المادى فأنا لا أرى توفير مادى كبير فى المسألة ولكن حتخليك تقلل شوية فى عدد السجائر اللى بتشربه يوميا وده راجع لأن اللف غير متاح فى كل الأوقات والأماكن اليومية .
لكن النصيحة ماتلفش كمية كبيرة مرة واحدة لأنك بالشكل ده حيبقى معاك (ستوك) بتسحب منه ويبقى ماعملناش توفير ولا قللنا تدخين .
شكرا يا كبير و تعبتك معايا وممكن تقولى اكتب ايه على اليو تيوب
افتح ده
Let it roll, baby roll - YouTube
وشوف المجموعة كلها وجتلاقى اشكال والوان
ربنا يسامحنا علي اللي بنعمله
لكن كنت عايز اسالك علي الورق الاوتو مان
مفيش طريقه للزق كويسه للزق علشان بيفك
الأوتومان مش حينفع معانا خالص
الورق المستورد انضف وفيه فى نهاية كل ورقة خط صمغى رفيع وبيلصق حلو جدا بينما الأوتومان مافيهوش لاصق وبالتالى ماينفعش
استعمل نوع : زجزاج - سموكنج - ريزلا ...... كله حلو
ولو عايز ابيض زى بتاع السجائر العادية موجود زجزاج وغيره وفى كمان ألوان بنى وكمان بطعم الشيكولاتة والكريز وغيره
فكرة جامدة جدا .........