فريت مره انها مضره جدااااااا اكتر من السجاير وممكن تكون مسممه والله اعلم
عرض للطباعة
التدخين لعنه حقيقيه تواجه المجتمع المصري الي معروف انه بيدخن بشراهه غير طبيعيه
عموما في حلول كتير
نبدا باكتر الحلول اهميه ومنطقيه وانا شخصيا جربت واحد منه
لبان النيكوتين اسمه نيكوترين تقريبا او حاجه زي كده في منه 200 ممج و 400 ممج تقريبا
انا ال 200 ده باخد منه نص لبانه بحس اني مش عايز اشرب سجاير خالص فعلا لانه فيه نيكوتين ف بيشبعك بحاجتاك من النيوكوتين وكده زي الفل بس المشكله الاستهبال
شويه اشرب سجاره شويه اخد لبانه شويه الاتنين مع بعض ههههههههههههههههههههه
في دوا والحقيقه انا خايف من اعراضه النفسيه هو اسمه شابمكس العلبه ب 250 تقريبا هو انتاج شركه فايزر ودي محترمه جدا في عالم الادويه
مش عارف بتاخد منه ازاي تقريبا اول يومين حبايتين كل يوم وبعد كده مرتين في اليوم المهم
انه بيقولك عادي دخن وخد الدوا بس حدد يوم مثلا في خالال 10 ايام تبطل فيه
كل الي اعرفهم خدوه بطلوا في بعدها بيومين ومبقوش طايقين ريحه التدخين تماما كانههم عمرهم ما دخنوا بس المشكله انه بيسبب نعاس وممكن يقلل او يزودالشهيه انا بفكر اروح لدكتور ادمان اساله على الاعراض وايه ممكن يحصلي بس كل الي اعرفهم بطلوا بيه طبعا
حقيقي انا خايف جدا من الامراض الي ممكن تيجي من التدخين ده كفايه فقط سرطان الرئه بلوه لوحده وده احتمال حدوثه عند المدخنين كبيييييييييييير جدا وكمان صعب اكتشافه في البدايه لانه حضرتك كده كده بتدخن وبتكه وصدرك مفحووت هتعرف منين انه جالك سرطان رئه الا لما خلاااااااص مش قادر تاخد نفسك
اما موضوع التبغ جربته معجبنيش ومش هيخليك تبطل لانه حضرتك ممكن تعمل عشرين سجاره وتنزل بيهم ولا كانك عملت اي حاجه ولا هتقلل ولا اي حاجه
الفيرجينيا الأخضر بـ 40 جنيه 50 جرام (والعبوة دى أكبر عبوة ممكن تلاقيها فى أى نوع تبغ)
إيه بلاس بـ 35 جنيه (وفيه منه بطعم الفانيليا والعسل والطوفى والشيكولاته)
درام (فيه منه نوع علبته أزرق غامق وده حامى والنوع التانى أزرق فاتح وده خفيف) وده سعره 55 جنيه علبة 50 جرام .
العلبة ممكن تعمل حوالى 80 سيجارة Average .
علبة الفلتر 100 فلتر أو 120 بسعر 15 جنيه .
ورق اللف من 4 إلى 6 إلى 10 حسب الكمية والنوع .
انا هاقولك على تجربتى مع السجاير اللف :banzai:
انا جربت جولدن فيرجينيا وطبعا انا فى اللف مش قد كدة مبعرفش بصراحة فا اشتريت المرلة المعدن
فطبعا السيجارة كانت بتطلع ساعات كتيرة مكتومة ومش كويسة ونادرا مابتتطلع مش مكتومة
بس كان واحد صاحبى معاة التبغ بس فى اللف استاذ:36_7_7[1]: فالموضوع كان تمام بس انا مانكرش ساعتها كنت بشرب سجاير اقل من العلب العادية وساعات لمل بكون مسافر بشترى علبة واريح دماغى
نيجى بقى للعيوب
-الدخان نفسة تقيل جداا وهاتحس بكدة فعلا السيجارة =5 سجاير من العادية
- الناس بتبصلك وكأنك بتلف سيجارة حشيش (ثقافة شعب ) يعنى كنت مرة فى العربية وراكن بلف سيجارة لقيت السايس بيقولى مساء الفل هههههههه مافيش حاجة علينا؟:36_2_33:
المهم بالكتير شهرين ورجعت تانى للسجاير العادية
وحاليا الحمد للة مبطل سجاير بقالى شهرين بس للاسف ساعات بشرب شيشة :banzai:
عيوب الموضوع بتاع اللف :
1- حينما يراك أى شخص (غريب) وأنت بتلف السيجارة يفتكرك بتلف فيها شىء لا يمح الله .
2- فعلا السيجارة تحس إنها تقيلة وبمقام 2 أو 3 سجاير بس أنا باتغلب علي الموضوع ده بإنى بالف السيجارة ثم أقص منها حتة تقريبا تلتها علشان مازهقش منها وأحس إنها طولت .
3- بالنسبة للفلتر فيه منه 3 أحجام : حجم Slim وده اصغر وأرفع حاجة ، وحجم Regular وده وسط أتخن شوية من الـ Slim وأنا بافضله فى الإستعمال لأنى باميل إن السيجارة تبقى رفيعة ، والحجم التالت Long وهو ده الحجم المعروف للسيجارة العادية اللى بنشتريها زى كليوباترا ومارلبورور وغيرها وهو ده الحجم اللى بيظبط لفة السيجارة وبتبقى لفة مظبوطة .