الموضوع: للمدخنين فقط لاغير

المشاركة الأصلية كتبت بواسطة noureldenadel4

ممكن تقولى لو سمحت عن المكان اللى اشتريت منه و التكلفه عشان ناوى اعمل زيك بالظبط لعل و عسى و شعورك بعدها هل فعلا قللت و لا لا و حاجه كمان معلش اللف سهل و لا صعب

المكان : شارع 26 يوليو تدخله من ناحية دار القضاء وخطوتين بعديها حتلاقى ممر على إيدك اليمين (بجوار الباركنج) الممر ده يبقى هو ظهر الأمريكين وحتلاقى فيه كذا محل مخصصة لأدوات التدخين فقط لا غير .

التكلفة المبدئية : علبة رولينج ماشين بسعر 30 - 35 جنيه .
كيس تبغ جولدن فيرجينيا كلاسيك 50 جرام بسعر 40 جنيه .
كيس فلتر 100 أو 120 فلتر بسعر 15 جنيه (هات Regular أو Long ) وبلاش Slim علشان مش حتعرف تلف بيه بالماكينة .
ورق للف بحوالى 5 جنيه .
يبقى التكلفة للطلعة الأولى 90 - 95 جنيه
بعد كده العلبة مستمرة معاك وبتشترى فقط التبغ والإكسسوارات .
عملية اللف نفسها على الماكينة سهلة جدا جدا بس يمكن فى أول مرة يفلت منك وزن الدخان فممكن تطلع منفسة وممكن مكتومة لكن بعد كده حتحسها وتتظبط بعد مرة أو اتنين مش اكتر (أنصحك تشوف فيديوهات ورفيوهات الموضوع على اليوتيوب حيفيدك جدا) .
من ناحية التوفير المادى فأنا لا أرى توفير مادى كبير فى المسألة ولكن حتخليك تقلل شوية فى عدد السجائر اللى بتشربه يوميا وده راجع لأن اللف غير متاح فى كل الأوقات والأماكن اليومية .
لكن النصيحة ماتلفش كمية كبيرة مرة واحدة لأنك بالشكل ده حيبقى معاك (ستوك) بتسحب منه ويبقى ماعملناش توفير ولا قللنا تدخين .

المشاركة الأصلية كتبت بواسطة noureldenadel4

شكرا يا كبير و تعبتك معايا وممكن تقولى اكتب ايه على اليو تيوب

افتح ده
Let it roll, baby roll - YouTube
وشوف المجموعة كلها وجتلاقى اشكال والوان