حد يطمنى على سامح

**feky** · 25-11-2013 10:44 PM

اولا الف شكر يا موحه على مجهودك معايا النهرده
انا بس كنت عاوز اطمن عليك اصل انا قبل ما اوصل قعدة اتصل بيك كتير وانت مش بترد
فاطريت اتصل بالنجم احمد ايهاب والله يكرمه وصفلى اروح لجاسم ازاى
بس للأسف هو ميعرفش ان جاسم غير مكانه

فلك ان تتخيل بقى انا كنت عامل ازاى فى الحرفين
كنت صعبان على الناس قوى لدرجه واحد قلى استن انا معايا رقم جاسم هكلمهولك
وفعلا كلمه وبعدين وصفلى المكان
لما روحت عند جاسم بصراحه راجل محترم جدا اصلاً متحسش انه مكانيكى
بصراحه لما عرف انى من طرف سامح عمل الواجب وزياده

طمننونى بقى على موحه

اه نسيت الساعه دلوقتى 10.40 بليل واخر اتصل مع سامح كان حوالى 2 الظهر لو حد كلمه يقولى والنبى

**carrier** · 25-11-2013 11:39 PM

مبيردش فعلا من العصر

كنت برضه عايز استشيره فى حاجة فى الفتيس الاتوماتيك ضرورى وانا عند الراجل

عل المانع خير يا سامح ... طمنا

**SAMEH_FOUAD** · 25-11-2013 11:52 PM

الحمد لله يجماعة انا كويس , بس انهاردة كان عندى شغل كتييييييييير جدااا , ومش عارف ارد

والوقت اللى بكون فاضى فية , بيجيلى مكالمات

والله انهاردة عامل بس مكالمات مايقارب ال 4 ساعات

وكمان خلصت الشغل وروحت مشوار راجع البيت الساعة 9:30 بليل

معلش اعذرنى يامحمد , والله غصب عنى , ويارب يكون الدنيا عندك ظبطت , وكل حاجة بقت تمام , ومستنى منك تليفون تطمنى , وخد منك كام

خالد باشا معلش اعذرنى , انت عارف ميأخرنيش عنك غير الشديد , والله لو اعرف انك عند الميكانيكى كنت اخترعت اى حجة عشان ارد عليك , ومستنى تليفونك ياريس لو فية اى حاجة , وقولى عملت اية

ومشكرا ياجماعة على السؤال