السؤال باختصار
ايه سر انتشار الحشيش في مصر بالمنظر العجيب ده؟؟
عرض للطباعة
السؤال باختصار
ايه سر انتشار الحشيش في مصر بالمنظر العجيب ده؟؟
حضرتك الحشاشين ممكن يفيدوا في الموضوع ده أكتر مننا يا دكتور
سؤال غريب اوي الصراحة
أنا طول عمرى لا قابلت ولا عرفت واحد بيشربه أو بيعرف حتى بيتجاب منين.. لا فى مدرسة ولا كلية ولا أصحاب ولا نت ولا أى مكان أروحه أو أعرفه ، فبصراحة إندهشت من السؤال
الحاجه الوحيده ايلي مابتغلاش في مصر :)
سلامو عليكو
كل سنة وانتم طيبين
الأخ صاحب الموضوع
انته غلطان جدا انك اتكلمت فى الموضوع ده انته بتكلم اعضاء عايشين فى عالم الفانتازيا مش فى عالم الواقع وكمان ممكن يشتكوك فى قسم الشكاوى وانا معاك وانك بتخدش حيائهم وممكن يطلعونا فى الأخر تجار مخدرات عشان اتكلمنا فى الموضوع ده
ياجماعة الراجل بيسأل سؤال محدد وواضح اللى عارف اجابته يدخل اللى داخل يعمل فيها انه برئ ومايعرفش الحاجات دى او يعملنا ارهاب فكرى يبقى يسكت احسن وانا اولكم
بص ياسيدى هيا فعلا بقت حاجة تقرف الموضوع ده بقا منتشر بطريقة غريبة جدا لدرجة ان ماعدتش اسمع ان فيه حد بيشرب بانجو مثلا من كمية الحشيش و رخص سعره (انا معرفش هو بكام او بيتباع ازاى) بس ده كلام الناس واللى بسمعه من ضباط شرطة صحابى وانا مش عارف مين له مصلحة فى الكلام ده !
الأخ العضو: حيث ان الكلام الملون بالأزرق يخرج عن كونه شرح لوجهة نظرك الى كونه شخصنة فى حق الأعضاء ممن سبقوك بالرد فالادارة توجه لك تحذير بعدم تكرار الشخصنة حتى لا تتعرض للانذار والايقاف -الإدارة
فيه حاجة نسيت اقولها انا ليا اصحاب دكاترة امتياز فى النوبتجيات الليلة بيحكولى حكايات عن المدمنين اللى بيجو للمستشفى ومعاهم سلاح ابيض وحقنة وبيقبوا عايزين حد يدهالهم ولا يعتدوا عليه وهما وحظهم لو امن المستشفى كان موجود
اللي فعلا شايف انه مش منتشر يا اما مش عايش معانا
يا اما ما يعرفش
-اولا انا صيدلي وصاحب صيدليه.. وبيتردد عليا يوميا المئات من الشباب اللي عينيهم حمرا من شري الحشيش وعايز قطره عشان لما يروح البيت اهلاه مايشوفوش اللون الاحمر في عينيه
- ده غير اللي بيطلب الادويه المخدره او سرنجات لضرب المخدرات..والحمدالله بنعرف نتعامل معاهم ونمشيهم
قد يكون السؤال غريب
بس انا حبيت اوجهه بطريقه مباشره
لأنه تقريبا اصبح واقع
انزل المنتزه والمعموره
والله شوارع مخصصه للمدمنين والتحشيش
شوف شوارع الحي العاشر في مدينة نصر بالليل
شوف طريق الساحل الشمالي والحشيش بيتباع هناك بشكل شبه رسمي وعيني عينك
انا في شارع جانب الصيدليه تقريبا الاهالي والبنات بتخاف تمشي فيه
لأنه غرزه رسميه
الحشيش تقريبا اصبح واقع
هل هي خطه لاستهداف الشباب؟
هل الغرض منه تغييب المجتمع ؟
كيف يدخل هذا السم لمصر؟ تهريب؟ زراعه؟
كيف انتشر بهذه الكميات الرهيبه؟
وللحديث بقيه
لا فعلا انا كنت شغال فى مكتب دعاية واعلان فى غمرة من قيمة شهرين كده والسبب الرئيسى اللى خلانى أسيب الشغل ان المصممين اللى معايا فى المكتب كان الاصطباحة بتاعتهم سجارتين حشيش الصبح واتنين زيهم بعد العصر كده عشان الدماغ تتظبط وطبعا ده كله من ورا صاحب المكتب
الحمدلله انى طلعت من الجو المقرف ده وسبت الشغل عشان السبب ده
بجد الحكومة فاتحاها على البحرى فى موضوع الحشيش ده بقى عينى عينك كده فى كل مكان
استاذ شريف
ساء الجمال
اللى دخل الجيش اكيد شاف المناظر دى بالنسبة للشغل فأنا مش معاك انك سبت الشغل عشان حاجة زى دى هو كل شغلانة حاتلاقى فيها حاجة ماتعجبكش حاتسيبها؟!
انا فى الشغل اول ماجيت كان فيه واحد مابيطقنيش لله فى لله كل يوم اقوله السلام مايردش ويلوى بوزه لمدة سنة ونص وانا كل يوم اسمعه السلام :-) لحد ماجه فى يوم ورده
الخلاصة احنا المفروض نعلم الناس اخلاقنا مش نتعلم اخلاقهم
دا لو اخلاقنا كويسة يعنى هههههههههههه
فعلا الحشيش والمخدرات بقت تقريبا ظاهره واضحه جدا لاى حد
جرب تنزل فى اى جامعه الصبح حكومية او خاصه وهتشوف انها بقت حاجه عادى جدا
ولما تيجى تكلم حد من الناس دى يقولك انا مش مدمن وبعدين دى مجرد سجاره يعنى
وفعلا انا سألت شباب كتير اوى وكان تقريبا نفس الرد
وهما بيقولو كده لانهم مش شايفين الموضوع من نظره هو لانه بيشرب لكن لو بص شاف نظرة واحد مش بيشرب ليه هيعرف انه زية زى اى مدمن لانها كلها مخدرات
دلوقتى اغلب الشباب تقريبا الحشيش بيبقى من اولوياتهم يعنى لو هيخرج مثلا مع اصحابة يبقى لازم يكون فى حشيش
ممكن يكون ده فراغ او اى حاجه
بس اللى انا عارفه ان فى حد ليه مصلحه ان الشباب يكون متجه للموضوع ده .....
الأخوة الأعضاء اللى كانوا بيتريقوا فى الأول رأيهم ايه الوقتى؟
واقع اهو ادامكم برضه حانعمل مش شايفين؟
صاحب الموضوع راجل صيدلى
واستاذ شريف راجل ديزاينر
وانا محاسب
متهيئلى ماحناش حشاشين
الأخ العضو: راجع تحذير الادارة فى مشاركتك الاولى
الادارة
بالنسبة للتحذير انا وضحت وجهة نظرى قبل كده فى الموضوع ده
انا ماقصدش اى حاجة شخصية وماذكرتش اعضاء بعينهم ومانيش مستقصد اعضاء معينين ارد عليهم ردود شخصية
انا ليا موقف شبه ده قبل كده والإدارة عارفة انا اقصد ايه بكلامى ده وعارفه انى مااقصدش حاجة شخصية انا بتكلم على مواقف
وشكرا
حشيش حاجه تيجي كده اهدى حبيبي كده و ارجع زي زمان
عارف هو منتشر ليه كده علشان من غير بذر
الحشيش ده زيه زي السجاير العاديه و تأثيرها على المخ بطيئ و على المدى البعيد مش المدى القريب بيعمل نوع من انواع الانبساط يعني الي بيشربه بيحس انه سعيد مش بيسطل و زي مابنشوف في الافلام و سعاده مؤته بيهرب بيها من الواقع الي هو عايش فيه و بعدها بيحس ان الحشيش مش بيعمل حاجه و بيزود في الكميه يعني لو سيجاره تكفيه هايعوز سيجارتين و شويه يبقوا تلاته و كده و بعدها يدور على مخدر اقوى لحد مايوصل لمرحله ممكن يقتل علشان المخدر
اسباب انتشاره زي ماقلت قبل كده
من غير بذر
الفراغ و الهروب من الواقع
فى سؤال على هامش الموضوع كنت عايز استفسر من الإدارة على حاجة كده
ليه الإدارة بقت حساسة قوى كده فى قرايتها للمشاركات ماكانش المنتدى كده زمان
حاجة كمان ليه دايما نبرة التهديد دى فى التعامل بين الإدارة والأعضاء الكلام ده بيزعل الأعضاء منكم لو دا تعاملكم العادى
انما ده لو ارهاب فكرى يبقى دى حاتكون اخر مشاركة ليا فى المنتدى
وشكرا
المصيبه ان الظاهره تشمل اولاد وبنات
وان كانت النسبه في البنات اقل بكتير
الحشيش بقى منتشر جدا فى الجامعه عندنا دا انا مره كنت فى المدينه الجامعيه وكان واحد ساكن معايا بيشرب حشيش وكانت اول مره اشوف حد بيشرب حشيش شالته هو الحشيش مش بيضر فرد وقالى ان الحشيش عامل زى الستات بيكيف لكن تقدر تستغنى عنه وده مش ادمان دى حاجه طبيعيه
انا صاحه اندهشت جدا من كلامه وانو ازى مقتنع بكده
موقف تانى برده فى الجامعه(يظهر انى فى جامعه الحشيش) اقسم بالله ان طالب كان بيحشش هو وحرس الكليه
صباح الفل
الموضوع فعلا خطير ومنتشر واظن فعلا وااااضح جدا لمعظم الناس انه منتشر
طبعا بين الشباب فى المقام الاول وكمان مش منتشر مثلا فى المناطق الشعبية والراقيه لا موجود فى المانطق دى وديه
لدرجة ان الواحد ناقص يسال امته هينزله تسعيرة
فى شباب اعرفهم حكولى اخر مرة راحو اسكندريه فيها (بغض النظر عن المكان) كان فيه واحد واقف بعربية ومرصص البضاعة تحتها وبسوق ليها وبيطلع بالكيس ويبيع
تخيلو (ومش فى مكان مدارى يعنى)
ربنا يستر علينا
لا ده غير ان احنا دلوقتى فى رمضان وتلاقى التعاطى للمخدرات عموما بعد الفطار بنسبة كبيرة حتى ازيد من الايام العادية !!!!!!!!!!!!
الاسباب اللى اقدر اقولها
ناس كتير مش عايزة تعيش الواقع بتاعها
(ده طبعا بسبب الظروف العامة فى البلد من فقر وبطالة وغنى فاحش فمش لاقى يعمل ايه بالفلوس الخ)
وغياب دور الاسرة وتفكك معظم الاسر لانهم مش فاهمين يعنى ايه مسؤلية ولا تربية
ولغياب الدين عموما (اظن ده ظاهر جدا فى ان فى رمضان التعاطى نسبته بتزيد وفى الاعياد عموما)
وشكرا على فتح الموضوع الحيوي والحساس والمهم ده
توضيح لوجهة نظري
السبب الأقوى لتفشي الحشيش هو ضعف نفوس الحشاشين و قلة حيلتهم و هبوط همتهم في مواجهة مصاعب الحياة الثقيلة
و بالرغم من ذلك فهم لا يعترفون أبدا أنهم من ضعاف النفوس
هذا الداء الذي يدعي اربابه انه غير ضار على البدن و العقل هو ضار للبدن و العقل و الدين
و الأهم هو ضار للنفس فهو يضرب همة الشاب في مقتل و يمحي الشعور بالألم والذنب التعب
و هذه المشاعر هي ما يدفع الشخص للنجاح و العمل والإحسان لمجتمعه
و بهذا يترك هذا السم شبابانا و رجالنا و شيوخا للأسف يتركهم بقايا بشرية تعيش لتدخن او تبحث عن الدخان أو تدخر لشراءه و تكون حياتهم (كل حياتِهم) على هامش السحابة الزرقاء
على فكرة أنا مع صاحب الموضوع أن الموضوع ده يتفتح
على الأقل عشان نعرف الأسباب ونحاول نستنتجها ونتحاشى المدمنين إذا ما أعترضوا طريقنا ومانعملش اللي يستفزهم لأنهم بيكونوا في حاله تانيه ممكن يقتك أو أي حاجه
ده غير كمان نعرف أيه السبب من الأنتشار الواسع لكده
بصراحه الحشيش والأدمان بقى منتشر بشكل فظيييييييييييييع
حتى الصيادله يعرفوا أن دلوقتي بقى في ناس بتستخدم نوع قطرة مشهور للإدمان للأسف
(أنا سمعت الحكاية دي من صديق ليا في كلية صيدلة ووالده صيدلي)
هل السبب إن الناس عايزة تنسى واقعها ؟
طيب هم مش واخدين بالهم إنهم كده كده بيدفعوا فلوس ؟!! طيب يوفروها لشئ أخر ...
أنا أعرف كمان أن بعض المدمنين بيظنوا إن الحشيش واللي زيه بيقوا جنسيا فده أحد الدوافع لشربه والله أعلم
بس هل فعلا الشئ المؤذي ده حيفيدهم ؟؟ مأظنش
الله يهديهم ويهدينا
للأسف من الثابت علميا ان الحشيش لا يسبب الادمان
و تتركز اخطارة فى حاجتين
انه بيأثر على خلايا المخ..و بيؤدى الى ضعف القدرات العقليية
و بيؤدى على المدى الطويل الى الضعف الجنسى
اللى شائع بين الناس انه مقو جنسى..فده لأنه بيرفع الحالة المزاجية جدا
وده بيشأثر ايجابيا على قدرة الرجل
و ده اللى بيخلى الشباب ينخدعوا و يعتقدوا ان ملوش اضرار
مازلت مندهشا جدا جدا وأكاد أكون فى صدمة
معقول المجتمع فيه كل دا ومش موجود منه أى حاجة فى المنطقة المحيطة بى؟
الحمد لله والشكر لله ويارب دايما
بس يا رجالة بما إنى أعتقد إنى عايش معاكم وملاحظ جيد وباشوف بشر كتير بحكم شغلى ومش شايف نفس الانتشار - معنى كده إن لسه فيه مناطق موصلهاش هذا الانتشار ، ومش معناه الحياة فى الفانتازيا ولا الكلام الظريف ده
مجرد خطأ التعميم
ايوة يا دكتور فى ناس بيبقوا فى بيئة مفهاش الحاجات دى
دا ميمنعش ان الموضوع ده منتشر فعلا
هدى لحضرتك مثال بسيط حصلى أنا
انا فى طب القصر العينى
كل الظواهر و العيوب اللى بنسمع عنها فى شباب الجامعات تكاد تكون معدومة عندنا
فكنت بقول دا كلام و افترا من الناس على الشباب ما الناس زى الفل اهه
بس اما روحت لأصحابى فى جامعة القاهرة نفسها اصحابى ورونى الحاجات اللى بنسمعها دى
فده ممكن يحصل ان ناس تتكلم عن حاجات و تقول انها منتشرة
و ناس تانية تقول عمرى ما شفت كده
و تقبل خالص احترامى
جزاك الله خير أنك أكدتلي الجزئيات دياقتباس:
للأسف من الثابت علميا ان الحشيش لا يسبب الادمان
و تتركز اخطارة فى حاجتين
انه بيأثر على خلايا المخ..و بيؤدى الى ضعف القدرات العقليية
و بيؤدى على المدى الطويل الى الضعف الجنسى
اللى شائع بين الناس انه مقو جنسى..فده لأنه بيرفع الحالة المزاجية جدا
وده بيشأثر ايجابيا على قدرة الرجل
و ده اللى بيخلى الشباب ينخدعوا و يعتقدوا ان ملوش اضرار
أكيد الحمد لله أن حضرتك مش بتلاحظ الكلام ده في الوسط المحيط بيكاقتباس:
مازلت مندهشا جدا جدا وأكاد أكون فى صدمة
معقول المجتمع فيه كل دا ومش موجود منه أى حاجة فى المنطقة المحيطة بى؟
الحمد لله والشكر لله ويارب دايما
بس يا رجالة بما إنى أعتقد إنى عايش معاكم وملاحظ جيد وباشوف بشر كتير بحكم شغلى ومش شايف نفس الانتشار - معنى كده إن لسه فيه مناطق موصلهاش هذا الانتشار ، ومش معناه الحياة فى الفانتازيا ولا الكلام الظريف ده
مجرد خطأ التعميم
بس الله أعلم ممكن يكون موجود وحضرتك مش ملاحظة
للأسف حتى ناس أولاد عائلات محترمة جدا جدا بيحششوا وكده
لدرجة واحد زميلنا كان حايلنا الكلية عنيه متبهدله وطالع عينه أحنا أستغربنا ومكناش فاهمين ومتخيلناش أن واحد في المستوى الأجتماعي ده يكون بيشرب الحاجات الزفته دي إلا أن واحد تاني هو اللي فقس الموضوع ..
بس هو فعلا منتشر في كل الأماكن بس بنس مختلفه كالحاله الأجتماعيه وإلى أخره .
تقبل مروري وردي
ماهي الكلمة دي هي المصيبة
تعرف حد كان بيشرب حشيش و بطله ؟؟؟؟؟؟؟؟؟؟؟؟؟؟؟؟؟؟؟؟؟؟
اتحدى ....كل الحشاشين بيتشدقوا بكلمة انهم ممكن يبطلوا في أي وقت ...ولما تقوله طب بطل كده يقوللك (وأبطل ليه)
و لو بطل تلاقيه ما يخرجش من البيت في نهار رمضان ولا يروح الشغل ولا ينزل الجامعة ....
انا الميكانيكي اللي كان بيعدللي موتور البي ام كان مخ فذ بس ولا يسوى نكله قبل الساعة 9 صباحا (ميعاد كرسي الحشيش)
وتقوللي مش ادمان ؟؟؟؟؟؟؟؟؟؟؟؟؟؟؟؟؟؟؟؟؟
هو مش ادمان عضوي يعني مافيش أعراض انسحاب بس له قوة تعود زي القهوة و الشاي
حتى بلاش ....... الإدمان بيكون نفسي
تقدر تنزل من غير الموبايل (حتى بدون لازمة) ؟؟؟؟؟؟؟؟؟؟؟؟؟؟؟؟؟
العضو الفاضل: رجاء عدم خلط الأوراق
التحذير سببه الشخصنة فقط، وليس له علاقة بالموضوع المفتوح، لا يشترط انك تذكر اعضاء بالاسم لكى يصبح ما ذكرته فى جملتك شخصنة فى حقهم ، حيث ان قولك:
انته غلطان جدا انك اتكلمت فى الموضوع ده انته بتكلم اعضاء
عايشين فى عالم الفانتازيا مش فى عالم الواقع وكمان ممكن يشتكوك فى قسم الشكاوى وانا معاك وانك بتخدش حيائهم وممكن يطلعونا فى الأخر تجار مخدرات عشان اتكلمنا فى الموضوع ده
يمثل تهكم واضح على كل من رد ردا مخالفا لرأيك ويستطيع اى شخص يقرا المشاركات السابقة على رأيك هذا ان يحددا اسماء الاعضاء الموجهة لهم الاهانة، قيما يمثل شخصنة مباشرة وارهاب فكرى من طرفك لمن يخالفونك الرأى
لو كانت الادارة تسعى للتعسف والارهاب الفكرى لاغلقت الموضوع، لكنه لا يزال مفتوح لكل الآراء حتى الآن، فى نفس الوقت فان فتح المنتدى لكل الأراء لا يعنى السماح لصاحب رأى بتوجيه اهانات لمن يخالفونه
مع العلم بأن الادارة ليست طرف فى اى نقاش وليس لها توجه فكرى معين سوى حفظ نظام المنتدى وعدم الخروج عن القواعد المعلنة والواضحة فى قواعد وقوانين المنتدى وبالتالى فان الرسائل التى توجه للمخالفين تخضع لقوالب ثابتة لا علاقة لها بتهديد او محاباه او اى اسلوب آخر
تنبيه آخر، الاعتراض على قرارات الادارة مكانه الوحيد فى ساحة الشكاوى فقط، مع تأكيد الإدارة على معاملة اى اعتراض بالموضوعية اللازمة ، سيتم هذة المرة التغاضى عن توقيع اية عقوبة "للاعتراض على قرارات الادارة خارج ساحة الشكاوى" تقديرا لعدم سابق معرفتك بهذة المعلومة، برغم انها منشورة فى قواعد وقوانين المنتدى ،مع التنبيه على عدم تكرار الاعتراض فى غير الساحة المخصصة لذلك ........وشكرا لتفهمك
شكرا على التوضيح
كان سوء تفاهم وخلص خلاص انا اسف
على فكرة انا حالف ما نا داخل منتدى الشكاوى ده
انا ركبت مره مع سواق تاكسي وراح مولع سيجاره ملفوفه
قلتلي نزلني
قاللي لأ ماتخافش
رحت زعقت معاه
قاللي يا عم اقعد وانت ساكت
هاوصلك وماتخافش
والصراحه قلبي وقع في رجلي لغايه لما وصلت !!!
يا خبر !!!!
لا ربنا يسترها علينا بجد ,,
انا كنت راكب مايكروباص وكنت قاعد جانب السواق وجانبي شاب ماعرفوش
لقيت السواق بيقول مش عارف حاجه عجيبه كده وهو بيشرب الشاي أه قال ها نضرب دبوس !!!!
أنا استغربت لقيت اللي جانبي والسواق بيضحكوا ؟!!!!
قلتله يعني أيه قالي مش فاهم قلتله والله ابدا قالي باين عليكو ناس محترمه واله لأن في ناس بتقعد معانا مايعلم بيهم إلا ربنا يخلوك تضرب ماكس وانت ماشي .ّ!!!
- لا حول ولا قوة إلا بالله-
طب انا عشان الجمله دي كنت ناوي ارد بس خلاص مش حتكلم
بهزر طبعا
المهم انا ن وجهة نظري او انطباعي الفكري عن الموضوع ده هو حاجه او رأي الا وهو
من كام سنه كده كان البانجو منتشر اوي وكنت بسمع ان ده اسرائيل ليها يد في انتشاره عشان تبوظ شباب مصر وكده والحمد لله الشباب بقى عندها وعي فكري وتقريبا البلد بتخاف على شبابها من الاذيه دي فحجمو موضوع البانجو وانتشاره
اما ادبقى الحشيش فهو اقل ضررا وبيعمل المطلوب منه ( تغييب الوعي والشعور الزائف بالسعاده ) وده المطلوب ففجأه انتشر قوي اليومين دول ليه بقى الحدق يفهم
وطبعا كلنا شفنا فيلم احمد السقا (الجزيره ) وفهمنا اللي بيحصل وطبعا كلكو عارفين الناس اللي في الساحل وبيبيعو حشيش ان في نسبه من الزباين بيعلمو على عربياتهم عشان يتمسكو في الكمين وطبعا دي نسبه متفق عليها من كلا الطرفين زي ماتقول نسبة مصرح بيها
ده رأي عن الموضوع ده واتمني اكون اصبت فيه بجزء كبير او وضحت جانب منه