معلش هو اية علاقة ال care بالنتشة , عموما واضح كدة ان فية حاجة عندك لازم الكشف عليها عند متخصص
وعموما ياريت بردة تشرح اكتر , هل بتحس بالنتشة عند النقل ولا وانت ماشى عادى
عرض للطباعة
معلش هو اية علاقة ال care بالنتشة , عموما واضح كدة ان فية حاجة عندك لازم الكشف عليها عند متخصص
وعموما ياريت بردة تشرح اكتر , هل بتحس بالنتشة عند النقل ولا وانت ماشى عادى
هقول لحضرتك ، انا اشتريت السيتي يوم الحد اللي فات وانا مش بسوقها بس واحد صاحبي هوه اللي بيسوقها وانا معاه لاني خايف شويه اسوقها وانا لسه مطلعتش الرخصة
واحنا ماشين بتحصل نتشه لما هوه بيدوس بنزين ،
قالي ممكن تكون بسبب البنزين ال 80 ، ممكن اللي كان راكبها قبلي كان بيستخدمه .
قالي برده العربية عايز تفوق شوية وتجري اكتر على طريق سريع
هوه جاب بيها لغاية الرابع وعدى كمان ال 100 كم وهوه ماشي .
وبالنسبة للكاسيت ممكن توضحلي ايه اللي حصل واخليه يرجع يشتغل تاني ازاي بليز
فينكم يا وحوش الهوندا ؟؟؟؟؟؟؟؟
طالما النتشة بتحصل وهو بيدوس بنزين يبقى العربية عايزة منظف انجيكشن يترش فيها وكل حاجة هتتظبط دة مبدأيا
موضوع الكاسيت هتلاقى الفيوز بتاعة ضرب , عندك علبة الفيوزات اللى تحت الطارة على الشمال هات كهربائى هيراجع على الفيوزات واللى مش هيدى كهرباء معاة هو دة اللى هيتغير
الف شكر يا باشا هجيب منظف الانجكشن وهاقول لحضرتك على النتيجة ان اء الله
الف الف الف مليون مبروك وربنا يارب يديك خيرها ويكفيك بفضله شرها
آمين يا رب العالمين ، الف شكر على الدعوة الجميلة ديه
الف مبروك ياباشا بس ياريت تقول سعر الشراء وعاملة كام كيلو والحالة العامة للسيارةhttp://www.egyptcars.com/upload/Cars...honda-city.jpg
ألف ألف مبروك وربنا يباركلك فيها ويكفيك شرها وشر الطريق :)
ربنا يخليكم يا شباب ، انا جبتها ب 61 ألف وهي ماشية 130 ألف كم ، فبريكة بره وجوه
بس موضوع النتشة ده بصراحه تاعبني نفسياً جداً ومش عارف اعمل فيه ايه
حد يعرف لو روحت التوكيل بتاع هوندا هيكلف كام بالتقريب ؟؟؟؟؟؟؟؟؟