-
الفوطة الزفرة غير مفضلة للبوية فية مع الوقت بتلم تراب وبتطفى البوية
عموما افضل حاجة , هتجيب كريم تلميع , وقطنة , وتحط الكريم على العربية بتوزيع , وتيجى بالقطنة , وتمشى ايديك على الصاج بضغط شوية , هتلاقى العربية بقت بتلمع كويس جدااا
بس طبعا قبل دة كلة , تجيب فوطة ناعمة او الريشة بتاعة العربية وتشيل بيها التراب
تمليع الزجاج بورق الجرايد بيبقى ممتاز , او فية ملمع خاص بزجاج السيارة بس لازم تجيبة نظيف عشان بيكون معاة الفوطة بتاعتة
-
تمام يا أستاذ سامح هجيب كريم التلميع اللي قولت عليه وكيس قطن واتسلى عليها بكره في الاجازة
حضرتك تعرف نوع معين ادور عليه يكون كويس ومتوسط سعره ايه واجيبه مثلاً من كارفور ولا منين ؟
-
شوف فية formula علبة لونها اصفر ممتازة وتمنها 40 جنية تقريبا وبتكفى 5-6 مرات
وعندك فية نوع امريكى علبة سوداء , بس مش فاكر اسمها ممتازة بردة , بس دية عايزة مسح خفيف جدااااا خلى بالك
-
بالنسبة لموضوع النتشة .. انا معايا هوندا سيتي ٢٠٠٨ كان فيها نتشة علي السرعات البطيئة جوه البلد لكن لما تجري علي الطريق مفيش فيها مشكلة . وطلعت في الاخر بوجيهات وغيرت ٤ بوجيهات بس مش ال ٨ كلهم .. فيه ٤ قدام ودول هما الأساسيين و٤ تانيين بيشتغلوا علي السرعات العالية فهتلاقي استهلاكلهم مش عالي اوي
غير البوجيهات الاربعة الاساسيين ولو النتشة لسه موجودة غير الاربعة التانيين وان شاء الله هتروح
مش شرط تجيب بوجيهات الهوندا الاصلية اساسا صناعتها تايلندي .. انا جبت ngk - platinium ياباني وشغاليين زي الفل .. خلي الكهربائي يفكلك البوجيه وروح بيه عند قطع الغيار
الصوت اللي بيطلع لما تيجي تفرمل ده من تيل الفرامل .. اكشف عليهم هما و الطنابير
اضافة تانية بالنسبة للكاسيت لو عاوز تضيف سماعات ورا .. علشان الكاسيت بيجي بسماعتين بس .. اشتري سماعات نظيفة و هتلاقي الفيش بتاعة الكهربا موجودة جاهزة في الشنطة ورا تحت الفرش .. متخليش الكهربائي يفك الكاسيت ويعملك وصلة والحوارات دي .. هوندا عاملة الفيش جاهزة للتركيب
-
ربنا يخليك يا أستاذ أحمد ، معلوماتك فعلاً قيمة أوي
اشكرك جداً
-
يعني رأيك يا أستاذ سامح اغير زيت الفتيس واجيب الزت بتاع ال cvt انا سمعت من واحد صاحبي ان اللتر بيعمل 90 جنية والعربية هتحتاج حوالي 4 لتر
ولا استنى شوية على الزيت اللي معاياه وتفضل النتشة موجوده مع النقلات، هل ده شيء خطير يستوجب اغير الزيت دلوقتي ولا ممكن انتظر شوية ؟
-
في عندي سؤال لو سمحتم
أولاً اعذروا جهلي لأني لسه جديد في السواقة وركوب العربيات
في حاجه بسمعها عندي من فترة - هاوصفهالكم زي ما بتحص عندي في العربية
وانا ماشي والطريق زحمه نقول في شارع أبو قير مثلاً عند إشارة رشدي ، فبمشي بالسلانسيه يعني مش بدوس بنزين خالص ، يا دوب بشيل رجلي من على الفرامل بس والعربية بتتحرك ، بسمع صوت (طقطقة )وانا برفع رجلي من على الفرامل ، هل ممكن اعرف الصوت ده سببه إيه ؟
(الصوتده عندي من فترة) - من اسبوع انا غيرت تيل الفرامل الامامي وجبت تيل تايلاني عمل 120 جنيه ، والميكانيكي قالي ده كويس استخدمه لمدة سنة وبعدين غيره .
-
اربط كاليبر الفرامل كويس , وياريت تتأكد من كفاءة تركيب تيل الفرامل
-
ربنا يخليك يا استاذ سامح ، تمام هاروح للميكانيكي وهاقوله يربطلي ال "كاليبر "
ممكن حضرتك ترد عليا بخصوص المشاركة اللي قبل ديه ؟
-
لو سمحتم يا رجاله الهوندا
انا عندي العجلة اللي تحتي بالظبط حاسس انها مليانة اكتر من التانين
لما ببص عليها بلاقيها منفوخة من الجزء اللي بيلمس الارض اكتر شوية من زمايلها
ايه السبب واعمل ايه لو سمحتم
انا من شهر تقريباً فضت الهواء اللي جواهم كلهم ومليتهم نيتروجين ، مش النتيروجين احسن برده ؟
Content Relevant URLs by
vBSEO 3.6.0 PL2