حادثة بال301

**mahmed0100** · 27-11-2013 08:19 AM

سهله يا باشا مدام انت بخير
بس راجع التوكيل .. التلفيات دي لو مش مآثره علي العربيه من جوه و مفيش ايرباج فتحت .. المفروض في حدود 20 او 25 الف بس
و لو قفشت عليهم بالود و الحنيه كله حيفك و حتتصلح و تبقي تمام و لو مفيش فايده وريهم وش الرجل الاخضر و خد حقك يا باشا و ربنا معاك :)

**mahmed0100** · 27-11-2013 08:33 AM

اما لو مأمن فربنا يكرمك في توفير المبلغ ده لحد ما تتصلح العربيه و التأمين يدفعلك الفلوس تاني . . و طبعا تصليح التوكيل افضل .. علشان تغير كل الاجزاء اللي اتخبطت .. العربيه جديده و حرام تبقي متعتها 10 ايام بس و صاج فيه شغل بعد كده .. و لا ايه !

**ahmedalaa** · 27-11-2013 08:38 AM

المشاركة الأصلية كتبت بواسطة nunoismaz83

اهم حاجة انت بخير؟ كلة تحت رجلك بعد كدة اعتبر ان الفلوس وقعت منك
الي يجي في الحديد يغور في داهيه .... لو مدبحتش ادبح!!! وانا اسف يعني خليها شوية كدة
عشان دي مش عين ... دي رجل

اعتقد المبلغ دة بسبب انهم مش هيصلحوا ... هيغيرو ( ودي تفرق )
واعتقد ان التأمين مش هيعتبرها هلاك شامل لأن العربية ماشية الكلام دة في الحريق والكلام دة والحدثة المدمرة
وبعدين حتى لو هلاك هتاخد ٧٥٪ مش كله ( اعتقد على حسب الكلام الي شوفتة من الأعضاء ) .. راجع قسم التأمين!
شوف التأمين بس اهم حاجة تكون عملت محضر ( وياريت يكون تأمينك شامل ) وخلص التوكيل مع التأمين بس هتحتاج وسطة في التأمين تمشيلك الموضوع بسرعة عشان حبالهم طويلة
قدامك الحل الي هيرجع عربيتك زي ما كانت ودة غالي بشكل شنيع الفلوس دي تمن عربية تاني ودة افضل
الحل التاني ... ميكانيكي ( صقر قريش - المعادي ) واسئل الأعضاء عن المحترم هناك عشان كلهم هناك بتوع العربيات الصعبة فرنساوي ، اوبل ، اوكتافيا ... وهكذا
سمكرة ودوكو ( البرنس ) اشرف ابو عزيزة "فصيل عند مدرسة الملكة".... وهتدعيلي
خد منهم التقرير وشوف حاجة الميكانيكا أية وهاتها وغيرها "افضل" انت عربيتك جديدة والصاج واضح قصادك وشوف الحاجات دي برة عاملة كام

وربنا معاك ... انا حاسس بيك على فكرة لأني حصلي نفس الحوار بس في مستعمل وكنت لسة جايبها برضة وعامل بفلوسها قرض وقرف

الحمد لله انا والاسرة بخير التأمين مستكتر تمن الاصلاح وكان بيقول من الاول لو عدى 40000 هنعتبرها هلاك كلي وفي الحالة دي هيطلعوا شيك بثمن العربية وقت الحادثة أعتقد 90% من ثمن الزيرو

**ahmedalaa** · 27-11-2013 08:39 AM

المشاركة الأصلية كتبت بواسطة yyy

فتحت ايرباج؟

لأ الايرباج مفتحش

**ahmedalaa** · 27-11-2013 08:41 AM

المشاركة الأصلية كتبت بواسطة saddam

صديقي.المواطن
قولا واحدا 12 ألف جنيه وشهرين أرجعهالك زيرو ومحدش يعرف إن فيها خبطة والحادث تافه وأنا بال 46 ألف أجيب عربية تانية وكمان البويات سكنز وليس كابسي
متخليش حد يخدعك وأنا حعملهالك حسبة لله تعالي ومش عايز منك حاجة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ألف شكر لحضرتك بس فين الورشة اللي تعمل الكلام ده بالسعر ده ياريت تبعتلي تفاصيل ولو على الخاص

**ahmedalaa** · 27-11-2013 08:45 AM

المشاركة الأصلية كتبت بواسطة mahmoud_afifi

قدر الله وما شاء فعل. ربنا يعوض عليك بالخير

المشكله دلوقتي هل معاك المبلغ ده عشان تصلح في التوكيل وبعدين التأمين يرجعها ؟
بالاضافه ان المبلغ خرافي ! اومال لو كانت 508 المقايسه هتطلع بكام ؟

المشكلة ان التأمين أصلا رافض يصلح بالمبلغ ده وعايز يصلحها في أي مكان بره أو يعتبرها هلاك كلي

**Sherif Khalifa** · 27-11-2013 10:42 AM

طيب ما تعتبرها هلاك كلى و خلاص و تاخد 90% من تمنها و انت الى كسبان فى الاخر
ال10% كنت هتتكلفهم تصليح
فا تروح تجيب عربية زيرو احسن

**amrelsaqqa** · 27-11-2013 10:48 AM

لو التأمين قاللك اكتر من 40 هلاك كلى ، فانا شايف ان ده في مصلحتك بصراحة وكويس جدا وربنا يعوض عليك في الـ 10% بس ساعتها هيبقى معاك عربية جديدة فعلا مش كلام والـ 10% هيطلعوا بتاع 10-12 الف ،

**Moh.El Saady** · 27-11-2013 12:13 PM

حمدلله على سلامتك يا باشا وربنا يعوضك خير يا رب ان شاء الله

**Silent~Dream** · 27-11-2013 12:24 PM

المشاركة الأصلية كتبت بواسطة ahmedalaa

الحمد لله انا والاسرة بخير التأمين مستكتر تمن الاصلاح وكان بيقول من الاول لو عدى 40000 هنعتبرها هلاك كلي وفي الحالة دي هيطلعوا شيك بثمن العربية وقت الحادثة أعتقد 90% من ثمن الزيرو

الهلاك الكلى افضل ليك و ال 10 % الى هتخسرهم كده كده انت كنت هتدفع مبلغ منهم فى التصليح و بدل ما تصلح العربيه و هى عامله حادثه و الله اعلم هترجع زى الاول ولا لا ولما تجى تبيعها مش هتجيبلك سعر حتى لو متصلحه ايه فى التوكيل لان مفيش حاجه بترجع زى الفبريكه 100%