الموضوع: حادثة بال301

المشاركة الأصلية كتبت بواسطة ahmedalaa

الحمد لله انا والاسرة بخير التأمين مستكتر تمن الاصلاح وكان بيقول من الاول لو عدى 40000 هنعتبرها هلاك كلي وفي الحالة دي هيطلعوا شيك بثمن العربية وقت الحادثة أعتقد 90% من ثمن الزيرو

المشاركة الأصلية كتبت بواسطة ahmedalaa

المشكلة ان التأمين أصلا رافض يصلح بالمبلغ ده وعايز يصلحها في أي مكان بره أو يعتبرها هلاك كلي

المشاركة الأصلية كتبت بواسطة akram.gamal

الفكره ال الاعضاء بيتكلموا فيها
انك كده كده هتنتظر وقت ع العربيه ماتصلح
و برضو كده كده هتدفع مبلغ معين و ليكن 5 الاف جنيه

طب ماتاخد الفلوس نفسها ولو حتى بعد شهرين مثلا روح احجز انت عربيه جديده دلوقتى
و تابع اجرائاتك مع التأمين لحد مايجيبلك ال 90% بتوعك وربنا يهيدك للخير ان شاء الله

""و عربيه جديده بعد شهرين احسن من عربيه متصلحه بعد شهر ""

المشاركة الأصلية كتبت بواسطة sherif khalifa

طيب ما تعتبرها هلاك كلى و خلاص و تاخد 90% من تمنها و انت الى كسبان فى الاخر
ال10% كنت هتتكلفهم تصليح
فا تروح تجيب عربية زيرو احسن

المشاركة الأصلية كتبت بواسطة silent~dream

الهلاك الكلى افضل ليك و ال 10 % الى هتخسرهم كده كده انت كنت هتدفع مبلغ منهم فى التصليح و بدل ما تصلح العربيه و هى عامله حادثه و الله اعلم هترجع زى الاول ولا لا ولما تجى تبيعها مش هتجيبلك سعر حتى لو متصلحه ايه فى التوكيل لان مفيش حاجه بترجع زى الفبريكه 100%

المشاركة الأصلية كتبت بواسطة amrelsaqqa

لو التأمين قاللك اكتر من 40 هلاك كلى ، فانا شايف ان ده في مصلحتك بصراحة وكويس جدا وربنا يعوض عليك في الـ 10% بس ساعتها هيبقى معاك عربية جديدة فعلا مش كلام والـ 10% هيطلعوا بتاع 10-12 الف ،

أنا برضه مع رأي أنو لو التأمين قاللك اكتر من 40 هلاك كلى فادا هيبقي في مصلحتك لأنك هتاخد عربية جديدة,,
والعربية لو فكرت تصلحها مش هتتكلف أقل من 10 الأف, أنسي 5 الأف دي,
لأن الأكصدامين مش هيتصلحو هيتغيرو ونفس الحال مع الكبوت هيتغير, والفوانيس كمان هتتغير, لو جبت الحاجة كلها بتاعتها هتدخل في 10 الأف علي أقل تقدير,

يعني هما هما ال 10% اللي ممكن تتحملهم في حالة الهلاك الكلي,,

وبعد التصليح لو حسيت أن شكلها مش مظبوط هتبقي مضايق وهتقرف نفسك,
قول قدر الله وماشاء فعل, والحمدلله أنك كنت مأمن لأنك لو مكنتش مأمن كانت هتبقي الظروف أصعب,

أنت مأمن مع شركة أيه ؟ غريبة أنهم يقولو لو عدت 40 ألف تبقي هلاك كلي,
المفروض الهلاك الكلي عن 60 أو 80 ألف !!
لأنك زي ما قلت العربية بتمشي وزي الفل وكل اللي فيها حاجات بعيدة عن الموتور والأساسيات,!

أتاكد قبل أي حاجة أنهم شركة محترمة ومش هيماطلو معاك عشان متعذبش نفسك معاهم,
لو هيماطلو في أصدار الشيك بالقيمة الكلية صلح وأمرك لله عشان متتحرمش من العربية بسرعة, وكل حاجة حصلت الحمدلله بعيد عن أساسات العربية,,

أما لو أصدار الشيك بالمبلغ الكلي مش هيغيب كتير, نصيحة هات جديد هيبقي أحسن لك عشان تبقي معاك عربية جديدة وربنا يعوض عليك في المبلغ اللي هتدفعه أحسن ما تصلح وتاخد نتايج مش مرضية تعكننك كل يوم.